Mateus 11:22 - Kaxinawá Bíblia (BR)

²² Haskawẽ taeshũ hanu kupiaitiã ha nawabu Tiro inũ Sidom anu hiweabu hatu kupi mirĩkĩ Corazim inũ Betsaida anu hiweaburi xinã betsa wabuma Deusũ hatu kupihairashanikiki.

Kashinawa : Diosun Jesúswen taexun yuba bena yiniki

²² Jaskawen taexun janu kupiaitian ja nawabu Tiro inun Sidón anu jiweabu jatu kupi midinkin Corazín inun Betsaida anu jiweabudi shinan betsa wabuma Diosun jatu kupijaidaxanikiki.

Mateus 11:22 Referencias Cruzadas

Joel 3:4

Maewã Tiro inũ maewã Sidom inũ dasibi betsabu mã Fenícia mai pakea anu hiweabuũ, ekiri hawa shinãkĩ mã ea hawa wakatsis ikai? Eki sinatakĩ manakukĩ mã ea itxakawakatsis ikai? Hawa ẽ matu diria mã ea pakamakatsis ikai? Mã haska bikatsis ikairã, ha matu inãma haska mã hiwe txakawẽ samama hawaira ẽ matu kupikĩ memashanaii.

Mateus 10:15

Ikũ ẽ matu yuiaii. Hanu Deusũ yurabu dasibi hatu kupiaitiã haska Sodoma inũ Gomorra ha mae ewapa dabe txiwẽ Deusũ hatu kupikĩ haska wani binumakĩ habũ matu danãnibu Deusũ hatu kupihairashanikiki— iwanã,

Mateus 11:21

—Corazim inũ Betsaida anu mã hiweabu matũ txakabu henetã mã xinã betsa wakatsi ikamarã, mã nuitapahairashãkanaii. Hakia Corazim inũ Betsaida anushũ hawẽ unãti dami kuxipa betsa betsapa ẽ matu uĩmakubainima keska Tiro inũ Sidom anu hiweabũri habiaskari uĩtã hatũ txakabu henenũ, iwanã, huĩti nixmahairatã saku wati tari besha sheni sawetã txi mapuwẽ mapu tukutã hatũ xinã betsa watã Deus ikũwãkeanibuki.

Mateus 11:24

Haskawẽ taeshũ hanu kupiaitiã ha nawabu Sodoma anu hiwenibu hatu kupi mirĩkĩ Cafarnaum anu hiweabu xinã betsa wabuma Deusũ hatu kupihairashanikiki, haska Sodoma ani keska binumakinã— iwanã,

Mateus 12:36

Matu yuinũ nĩkakãwẽ. Hanu unãti washanaitiã: “Hãtxa hari yuitimawẽ mĩ yuipaunirã, haskakenã ea yui pewawe”, akĩ yurabu bestibu tibi Deusũ hatu yukashanikiki— iwanã,

Lucas 10:14

Haskawẽ taeshũ hanu kupiaitiã ha nawabu Tiro inũ Sidom anu hiweabu hatu kupi mirĩkĩ Corazim inũ Betsaida anu mã hiweaburi xinã betsa wabuma Deusũ hatu kupihairashanikiki.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

2 Pedro 2:9

Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.

2 Pedro 3:7

Hakia nai inũ mai natiã hayayuarã, habiaskari wakatsi Deusũ mekeyukubainikiki. Hanu bari hawẽ henei keyuaitiã unãti wakĩ yura txakabubu kupikatsi Deusũ hawẽ hãtxawẽ yunukĩ nai inũ mai txiwẽ yamawakĩ habũ Deus danãmisbu hanu hatu benu keyushanikiki.

1 João 4:17

Haskakũkaini txanima nũ nui hayakũkaĩmisburã, Deusũ Jesus Cristo abumis keska wakĩ nukuri habiaskari wakĩ nuku abumiswẽ taea hanu bari hawẽ heneaitiã Deusũ hatu unãti waya nũ hawa dateama ishanaii.

Apocalipse 20:11

Hanushũ Shanẽ Ibu haki tsauti hushupa hawẽruahaira nukũ Shanẽ Ibu haki tsauwa ẽ uĩshuki. Tsaukẽ bari inũ, ushe inũ, bixi inũ, mai keyu tsekebaini nixmai yamakainaya

Apocalipse 20:12

hanua dasibi shanẽ ibubu inũ shanẽ ibubuma mawanibu ana bestẽtã Shanẽ Ibũ besuuri mapuabũ hawara betsa betsapa akubainibu Deusũ haki kenemis una itxapa bepẽtã hanua una betsa tsuabũra Deus txibãkĩ Jesus ikũwaĩ niti ikama Deusbe hiwekuĩshanaibu habũ kena Deusũ haki keneriakubaĩmis una betsa hawẽ hiwemati kene bepẽriashũ ha habu hiweshũ haska wamisbu hatukiri ha unaki kenekubaĩmisshũ dasibi mawanibu ana bestẽa mapuabu habis hatu yuikĩ hatu unãti wakeakeaya