Lucas 1:35 - Kaxinawá Bíblia (BR)

³⁵ hawẽ nuikĩ nai tsumã ana yuikĩ: —Kuxipa hatu binuatũ hawẽ kuxipawẽ hawẽ Yushĩ Pepa yunua mikia dami naneima kaĩmashũ hatũ Deus txibãyã: “Harã, meribi Deusũ bakeki”, ishũ kenakubaĩshãkanikiki.

Kashinawa : Diosun Jesúswen taexun yuba bena yiniki

³⁵ jawen nuikin nai tsuman ana yuikin: —Kushipa jatu binuatun jawen kushipawen jawen Yushin Pepa yunua mikia dami naneima kainmaxun jatun Dios chibanyan: “Jadan, medibi Diosun bakeki”, ixun kenakubainxankanikiki.

Lucas 1:35 Referencias Cruzadas

Salmos 2:7

Senhor Deusũ haska wani ekiri shinaĩ matu yuinũ nĩkakãwẽ: “Ẽ hawẽ Katua ea yuikĩ: ‘Mĩ ẽ bakerã, natiã ẽ hiwea mia inãkĩ ẽ mia yunuaii.

Salmos 51:5

Txanima ẽ kaĩ bena ẽ txakabu iki taeniki. Ẽ txakaburã, ẽ kaĩriama ẽ ibu anua ẽ hayaniki.

Mateus 1:18

Jesus Cristo kaĩ eskanikiaki. Matu yuinũ nĩkakãwẽ. Hanua Maria aĩwãkatsi ikĩ hawẽ epa Josẽ yukaima bimariamakẽ Deusũ Yushĩ Pepatũ huni bake naneima Mariã unãyã,

Mateus 1:20

xinãkubaini usha namaya Deusũ nai tsumã yuikĩ: “Joséẽ, miarã, mĩ Davĩ babaki. Mia yuinũ nĩkairawe. Deusũ Yushĩ Pepatũ Maria bake naneimawẽ taea hawẽ datei hawa dakeama aĩwãshãwẽ.

Mateus 14:33

hanua ha shashũ nũ tsauwabu Jesus namã dãti itã kẽwãkĩ yuikĩ: —Txanima mĩ Deusũ bakeki— nũ ikaini

Mateus 27:54

Hanua Romano capitão inũ habũ Jesus mekekĩ mai patxa sakui betsa betsai uĩ datehairakĩ yuikĩ: —Ikũ kayaki. Na hunirã, Deusũ bakeki— ikaibũ

Mateus 4:3

diabo Satanás haki nukutã unãti wanũ ishũ yuikĩ: —Haska mĩ Deusũ bakemẽkaĩ? Mĩ buniairã, na mixki mania damiwakĩ misi watã piwe— aka

Marcos 1:1

Ha dukũ bebũkiri Deusũ hawẽ bake Jesus Messiaskiri hatu yubani haska hawẽ kakape tashnimakĩ taewani matu yuinũ nĩkakãwẽ.

Marcos 1:24

yuimakĩ: —Jesus Nazaré anuaã, haskai nuku anu mĩ hushumẽ? Nũ yushĩ txakabu nuku yamawanũ ika mĩ huaraka? Ẽ mia unaiĩ, mĩ Deusũ bake pepa meribirã— ikaya

Lucas 1:34

Mariã yukakĩ: —Ẽ txutanamei peseriamabia haskatã ẽ bake nanetirumẽ?— aka

Lucas 1:36

Hamẽ betsarã, minabu Isabel ma yushabubia ma huni bake bimaki. “Haskatũ bake bismaki”, iwanã, yuãbiakubaĩmisbu hamapai xarabu Deusũ atiruwẽ taea ikis ushe mekẽ bushka ka pustuki— akaya

João 1:49

ikũwãkĩ yuikĩ: —Yusĩnaã, ikũ mĩ Deusũ bake kayabiki, Israelbũ shanẽ ibu dasibi binuarã— aka

Hechos 8:36

ma hatishũra ka iãki kemakĩ haska Filipẽ dama yusĩshu Etíopianawã yuikĩ: —Uĩa. Ma mĩ ea yuikubiranai ẽ ikũwaĩwẽ taeshũ ana ẽ hawamamẽ, na hene anu mĩ ea naximatirurã?— atã

Romanos 1:4

Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

Hebreus 4:15

Haska hiwea bika tenei nũ yumãkũkaĩmis keskai nukũ Deusbe nuku hãtxashunika binua na mai anua hiweria nuku itsai hamapai tibi mei bika teneriai yumãkũkainiki. Haskabiai hawa txakabu mekĩ kaneama iniki.