Jeremias 18:11 - Kaxinawá Bíblia (BR)

¹¹ Jeremiasĩ, Judá mai pakea anu hiwebaunabu inũ Jerusalém anu hiweabu na hãtxa ea hatu yuishũtãwẽ, Senhor Deusũ eska matu yuikiki, akinã. ‘Mã hiwe txakamiswẽ taeshũ matu kupikatsi iki ẽ matukiri yubakaii. Mã hiwe txakakũkainai henetã haska mã amis inũ haska mã hiwemis henei beshtekerikãwẽ, shinã betsa wairã’, akĩ mĩ ea hatu yuishũbia

Jeremias 18:11 Referencias Cruzadas

Gênesis 11:7

ana yuikĩ: “Hatu anu butushũ hatũ hãtxa pashkanãwẽ, hãtxa betsa betsapaya wakinã. Haskawẽ taea hau ana hãtxai ana nĩkakanãyamanũbunã”, itã

1 Reis 22:23

Mĩ Deusũ hãtxa yuishunika tibitũ kesha anua yushĩ txanitxakamis Senhor Deusũ ma hatuki mistuaki. Ha inũ, mĩ mawai kai Senhor Deusũ yunuriashuki. Ikis mĩ uĩ kaii— aka

2 Reis 22:13

yuikĩ: —Haska hawẽ yunuti inũ hawẽ nemati na una merã keneni ẽ nĩkashukiri bushũ eakiri inũ, na Jerusalém anu hiweabu inũ, Judá enabũ mai pakea anu hiweabu dasibi Senhor Deus nukukiri yukashũtãkãwẽ. Na una merã Moisĩ keneni nukũ shenipabũ hawa nĩkabuma inũ hawa txibãkĩ akama inibuwẽ taea Senhor Deus nukuki sinatahairaimẽkainã— hatu wa

2 Reis 5:5

Síria nawabu shanẽ ibuhairatũ kemakĩ yuikĩ: —Peki. Ikis hatũ shanẽ ibuhaira ẽ mia keneshunaii. Ẽ kene bui katãwẽ, hau mia shushawanunã— aka kakĩ 30.000 prata pei heshe inũ 6.000 ouro pei heshe inũ 10 haya besiti tari pepa hawẽrua bui Samaria anu hawẽ tsumabube Naamã kashũ

Isaías 5:5

Eskaki. Matu yuinũ ea nĩkakãwẽ, ẽ uva bai haska wakatsi hakiri ẽ shinainã. Ẽ hawẽ hatu nemakĩ keneima daka pekati, hau txakabuwanũbunã. Ẽ mishki kenebaunima daka ẽ berãti, hau haki pai pai inũbunã.

Jeremias 26:13

Haska mã hiwe txakakũkainai inũ haska mã atimapamis matũ shinã betsa watã shinãrikãwẽ. Matũ mekenika Senhor Deusũ hãtxa nĩkakĩ mã akubainaya haska ẽ matu yuishu keska matu anu txakabu yunuama ishanikiaki.

Jeremias 26:3

Hẽtsã, haska mia nĩkatã hatũ txakabu heneshãkanimẽkainã. Haskaibũ eã haska ẽ shinãshina hatũ txakabuwẽ taeshũ hatu kupiama ẽ shinã betsa watiruki.

Jeremias 36:3

Judá enabu anu hatu anu txakabu betsa betsapa ea Senhor Deusũ ẽ hatu yunuti waima ẽ shinãkubainai habũ nĩkaimashũ shinãriakubaĩkĩ hatũ shinã betsa wakĩ hatũ txakabu henekĩ shinã betsa watirubumẽkaĩ. Habũ haska wakĩ hatũ shinã txakabu tibi henekubainaibu hatũ txakabu ẽ hatu buashũshanaii, ana shinãmarã”, aka

Jeremias 36:7

Senhor Deusũ hatu kupikatsi hatuki sinatahairakĩ hatu datekĩ mesehairawaiwẽ taeshũ ha yurabu txakabuhairabiakĩ hatũ shinã betsa watã hatũ txakabu henei: ‘Hau ewẽ nuinũ’, ishũ Senhor Deuskiri shinãkĩ yukashãkanimẽkaĩ. Mĩ haska hatu yuishũtiruki”, aka

Jeremias 7:3

eska Israelĩ enabũ mekenika Senhor Deus kushipahaira dasibi binuatũ hãtxa nĩkakãwẽ: ‘Haska mã hiwekũkainai inũ haska mã akubainai pewakubaĩshãkãwẽ. Mã haska waya na mai pakea anu ẽ matu hiwemakubaĩshanaii, hawa mai pakea betsa anu matu yunuamarã.

Ezequiel 18:23

Hunibu txakabu hatũ txakabuwẽ mawaibu ẽ betxipaiamaki. Hakia shinã betsa wakĩ hatũ txakabu henetã hiweaibu ẽ kupitiwẽ hawa dateama hau hiwekubaĩshanũbũ ẽ betxipaimiski. Ea Senhor Deusũ ẽ hãtxa txanimawẽ ẽ mestẽwaiĩ.

Jonas 3:8

Ana haska tibi ikama mã shinã txakakĩ haska txakabu tibi mã amis inũ mã detenamei heneama mã ikũkainai natiã henetã nui bika teneai unãmati tari besha sawe keyutã hau nukuwẽ nuinũ Deus kushipahaira dasibi hatu binua hui kushipawẽ yukakubaĩkãwẽ.

Miquéias 2:3

Mã haska hatu wamisbuwẽ taeshũ Senhor Deusũ matu yuikĩ: “Matũ besti mã hatu itxakawamaki. Eari matuki tana ẽ yubaka hayaki. Matu anuri txakabu ẽ yunushanai hani pashama hawẽ huĩsinai peti mã hawa binuama ishanaii. Hakia ma dasibi txakabu bika tenemati hukẽ ana keĩ hawẽruai mã bai tanai mapuama ishãkanaii.

Hechos 26:20

Harishũ Damasco anushũ dukũ kakape hatu yusĩ taewatã txipu Jerusalém anushũ yusĩriatã Judéia mai pakea hirabi anuabu judeubu inũ judeubuma ẽ hatu yusĩkĩ: “Xinã betsa wakãwẽ”, ẽ hatu wa tsuãra xinã betsa watã Deusũ bake ikũwãkĩ hatũmebi hatũ hiwea bena hayakĩ uĩkubainimabuki, ẽ hatu unãmakubainarã.

Santiago 4:13

Eskakiriri natiã matu yusĩnũ nĩkakãwẽ. Hawara Deusũ matu amakatsi ikai xinãma hawara matũmebi mã akatsi ikai akĩ tsuãra yuikĩ: “Ikis kasmai, mexukiri kasmai, harakirira mae ewapa betsanu kashũ harishũ bari hirabi mabu inãnanãkeakekaũkĩ pei itxapa bikĩ ẽ itxa watãshanaii”, iki mã hamẽ yubakaii.

Santiago 5:1

Mabuwãyãbuũ, haska kaĩbiranaya mei kashai saĩ iki mã nuitapashanaikiri matu yuinũ nĩkakãwẽ.