Jeremias 18:10 - Kaxinawá Bíblia (BR)

¹⁰ Hamẽ nawa shukuabũ txakabuwaibu ẽ hatu nemabia ẽ hãtxa danãkĩ nĩkabumakẽ haska ẽ hatu duawakatsi pewabiashina shinã betsa watã ẽ ana hawa hatu inãma ishanaii.

Jeremias 18:10 Referencias Cruzadas

Ezequiel 18:24

Hakia tsuara pepai hiwebiakũkaĩmistũ hawẽ pepa hene keyutã txakabu dasibi inũ hawara ẽ betxipaiama ẽ danãmis akubainaiburã, ẽ hatu kupiama hiweyukũkainai dabanẽ mã shinaĩ? Haskamaki. Haskai pepa hiwekũkainima ẽ ana shinãma ea ikũwaĩ henei txĩtũtã ibubis hawẽ txakabuwẽ taea hau mawanũ ẽ kupishanaii.

Números 14:22

Egito inũ hanu tsua hiweabuma anushũ ẽ kushipa inũ hawẽ unãmati dami betsa betsapa ẽ ma hatu uĩmabiakubirana uĩbiakĩ hawẽtsaĩs ea unãti wanũ ishũ ẽ yunuti hãtxa txibãkatsi ikama ikubirãkanikiki.

Números 14:23

Mae pepa hatũ shenipabu ẽ hatu yubani habũ ea nĩkakatsi ikama ikubiranaibũ tsuã uiãmahaira ishãkanikiki. Ea danãmisbutũri hanu hikikĩ uĩtaskabuma iriashãkanikiki.

Números 14:34

40 dia Canaã mai pakea mã uiãtãbaunimaki. Haskawẽ taea 40 ano matũ txakabu pakai mã yumãshanaii, dia tibi mã uĩbaunima keska wakĩ ano bestitxai ẽ matu kupia mã uĩshanaii, mã eki sinataiwẽ taeshunã”, akĩ ea hatu yuishũkãwẽ.

1 Samuel 13:13

Samuelĩ Saul kemakĩ: —Na haska mĩ ashurã, mĩ atimapahairashuki. Haska Senhor Deusũ mia yunuima mĩ kaneama ishurã, mĩ Israelĩ enabu shanẽ ibu niti ikama ikũkaĩkeanaii.

1 Samuel 15:11

—Pe dabanẽ Saul ẽ shanẽ ibu wani ẽ yunua ea akĩ pewashunama natiã ma ea heneawẽ taeshũ ẽ ma heneaki— aka haskakiri Samuel shinãma bika tenekĩ hau putayamanũ meshu txai tanakĩ Samuelĩ Senhor Deus Saulkiri yukashũshini

1 Samuel 15:35

haska kainima Samuel mawariama ana haki nukushũ uiãma inikiaki. Senhor Deusũ shinaĩ: “Haskakĩ Saul Israelĩ enabu ẽ hatu shanẽ ibu washunimẽ?” ikĩ shinã betsaiwẽ taea haska washũ Samuel Senhor Deusũ shinã betsawatirumawẽ taea Samuelĩ ana uiãmabia hawẽ nuihairai kashakũkainikiaki.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.