Jeremias 18 - Kaxinawá Bíblia (BR)

Mapu mabu wamisbu keska wakĩ Senhor Deusũ yurabu ariatirukiaki, na hãtxarã

¹ Ẽ Jeremias Senhor Deusũ ana ea yunukĩ yuikĩ:

² “Mapu mabu wanikã hiwe anu butukaĩtãwẽ, harishũ ẽ hãtxa ẽ mia yuiairã”, ea wa

³ butukaini kai hawẽ sibĩbaũti anu mapu wanika dayakũkainaiki ẽ nukua

⁴ hawẽ taewẽ pema pema akĩ heneama mapu pepa katushũ ũpashwẽ katxa atã hawẽ sibĩbaũti tapu pishta anu mapu pã ashũ kẽti wapaia ibubis txakabui payukuaya habias mapu ana bena wakĩ ana kẽti wakĩ haska betxipaiai keska akai ẽ uiãyã

⁵ hanushũ Senhor Deusũ ea yuikĩ:

⁶ “Eanã, mã Israelburã, haska keska ẽ matu ariatirumamẽ, ha mapu mabu wanikã ha mapu kẽti washu keska wakinã? Mã Israelburã, mã ẽ mekẽ anuki, ha mapu mabu wanikã hawẽ mapu hawẽ mekẽnẽ tsuma keskarã. Eã matu haska wakĩ ẽ betsa watiru ea Senhor Deusũ ẽ hãtxa ẽ mestẽwaiĩ.

⁷ Hamẽ tsuara shukua betsabu inũ hatũ shanẽ ibubu hawaira haska shinãbumabiakẽ ẽ kushipawẽ hatu berãkĩ ẽ hatu di ariatiruki. Ha inũ, hatũ mae anua nitxĩkinã, hatu txakabuwakĩ ẽ hatu yamawatiruki.

⁸ Hakia tsuara shukua betsabu inũ hatũ shanẽ ibubũ shinã betsakĩ hatũ txakabu henetã pe shinaĩ hiwekubainaibu haska hatũ kupiti ẽ hatuki tanabiashina ha txakabu ẽ hatu anu yunuama ishanaii.

⁹ Ha inũ, shukua betsabu inũ hatũ shanẽ ibubu betsabukiri shinãkĩ duawakĩ ewawakĩ ẽ hatu kushipa watiruki.

¹⁰ Hamẽ nawa shukuabũ txakabuwaibu ẽ hatu nemabia ẽ hãtxa danãkĩ nĩkabumakẽ haska ẽ hatu duawakatsi pewabiashina shinã betsa watã ẽ ana hawa hatu inãma ishanaii.

¹¹ Jeremiasĩ, Judá mai pakea anu hiwebaunabu inũ Jerusalém anu hiweabu na hãtxa ea hatu yuishũtãwẽ, Senhor Deusũ eska matu yuikiki, akinã. ‘Mã hiwe txakamiswẽ taeshũ matu kupikatsi iki ẽ matukiri yubakaii. Mã hiwe txakakũkainai henetã haska mã amis inũ haska mã hiwemis henei beshtekerikãwẽ, shinã betsa wairã’, akĩ mĩ ea hatu yuishũbia

¹² habũ mia kemakĩ yuikĩ: ‘Hamẽ mĩ hãtxa txakawayamawe. Haska nũ betxipaiai keska ma nũ beyawani nũ hiwekatsis ikaii, txakabubiai hawa heneamarã’, mia washãkanikiki”, akĩ Senhor Deusũ ea yuiniki.