Isaías 33:5 - Kaxinawá Bíblia (BR)

⁵ Naiurirã, Senhor Deus shanẽ ibu dasibi binu keyua hiweaki. Ha nukũ Deusũnã, Sião anu hawa kanetiruma inũ hawẽ yunuti kushipa pepawẽ atxishanikiki.

Isaías 33:5 Referencias Cruzadas

Êxodo 15:1

Hanua Senhor Deus kẽwaĩ Moisés inũ Israelĩ enabu hatũ huiwẽ kãtakĩ: “Hatũ cavalo inũ haki katsaumebainaibu henewẽ hatu atxikĩ hasakĩ keyukĩ Deusũ hatu yamahairawashuwẽ taeshũ ẽ huiwẽ Senhor Deus kẽwaĩ ẽ kãtakũkaĩshanaii.

Êxodo 15:6

Ẽ Shanẽ Ibu Senhor Deusuũ, mĩ pũyã yusiuri kushipahairawẽ miki sinataibu mĩ hatu binumakĩ keyumiski.

Isaías 28:6

Habũ unãti wanikabu tsaushũ hatu unãti waibu Deusũ hatu merabewakinã, hawẽ yunuti kushipa pepa hatu inãshanikiki. Hatuki sinatai beaibu hau nemanũbũ detenamenikabũ habũ mae mekeabu hatu kushipa washanikiki.

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 32:1

Uatiã shanẽ ibuhaira bena shanẽ ibuirã, yunua pepawẽ yunushanikiki. Hawẽ shanẽ ibu beshmasbu shanẽ ibushũkinã, yunuti kushipa pepawẽri ishãkanikiki.

Isaías 33:10

Haskabiaibũ Senhor Deusũ yuikĩ: “Natianã, eska ẽ aka ẽ matukiri shinaiĩ. Eã ẽ hatu binu keyua shanẽ ibu kushipahaira dasibibu ẽ kushipa ẽ hatu unãmakatsis ikaii.

Isaías 33:4

Hanua nawa betsaburi shini mirima keskabu bekĩ ha nawabuki hatuki sinatai niri ibirã hatu maematã hatũ mabu pepa hatu mebĩshãkanikiki.

Isaías 52:1

Senhor Deusũ yuikĩ: “Siãonẽ, bestẽriwe! Bestẽtã pei kushipariwe! Maewã Jerusalém meribituũ, habũ Deus ikũwãbuma huni txakabu ana mia anu txĩtũbirã hikiama ishanaibuwẽ taea mĩ tari hawẽruahaira saweriwe.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:11

Haska mibã mai anua hukuĩ peshei taemis keska inũ bai watã hawara heshe betsa banashinabu peshetã hukuĩ ewamiski. Haska keskari wakĩ Senhor Deusũ hawẽ kushipawẽ hawenabu hatu binumakĩ dasibi nawa shukuabu hatu kãtamakĩ kẽwãmashanikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Isaías 66:1

Hanushũ Senhor Deusũ ana hatu yuikĩ: “Nai anurã, hanu shanẽ ibui ẽ tsaumiski. Hamẽ maikirã, ẽ tae ẽ hanu kẽyãmiski. Ea hanu huĩrukũmanũ ishũ hani tsuã ea duawakĩ shaba betsa anu ea hiwe washũtirumẽ? Tsuã atirumaki.

Jeremias 23:5

txanima Senhor Deusũ mestẽwãkĩ ana yuikĩ: “Ha shaba betsatiã shanẽ ibu hunũbarikiki, Davĩ baba betsa shanẽ ibuhaira ẽ washanaii, hawẽ mai pakea anua hawẽ yunuti kushipawẽ unanepakĩ hatu yunukĩ parananãma pepas wakubaĩshanikiki.

Jeremias 23:6

Ha shanẽ ibu kaĩkĩ hatu yunukubainaya Judá enabu unanuma pe mekeaibũ ha dikabi Israelĩ enabu unanuma hiwekubaĩshãkanikiki. Ha shanẽ ibu kenakinã, ‘Nukũ Shanẽ Ibu Kushipa Maemanikaki’, akubaĩshãkanikiki”, itã

Daniel 4:37

Ibubis kẽkubainaibu hatu nese wakĩ pepa wamis inũ txanima akubaĩmiswẽ taeshũ nai anu shanẽ ibu Deus duawakĩ hawẽ hãtxa nĩkakĩ ea ẽ Nabucodonosorĩ pepawakĩ shabakabi ẽ kẽwãkubainaii”, hatu wani unanuma hiwekũkaini mawanikiaki.

Romanos 11:26

Habu haskabaunaibũ Israelbu mirimabũ ikũwãriaibu Deusũ hawenabu hatu watã hatu mekeriashanikiki. Haska wai kaikiri hawẽ hãtxa yuishunikatũ kenekĩ: “Matũ mekenã Messias Israelĩ baba Jerusalém anua kaĩtã Jacõ bababu hatũ xinã txakabu betsa wamakĩ

Romanos 3:26

Nukuwẽ nuikĩ hĩ hĩ ikama nuku manamiswẽ taeshũ na habiatiã haska Deus pepa bestitũ maturi pepa wakĩ nuku unãmakĩ tsuabũra Jesus ikũwaĩbu beru mestẽwãmakĩ natiã Deusũ nuku unãmariakubainikiki.