Isaías 33:4 - Kaxinawá Bíblia (BR)

⁴ Hanua nawa betsaburi shini mirima keskabu bekĩ ha nawabuki hatuki sinatai niri ibirã hatu maematã hatũ mabu pepa hatu mebĩshãkanikiki.

Isaías 33:4 Referencias Cruzadas

Isaías 33:3

Ha mae anu hiweabu mĩ hatuki sinatai nĩkabaini pashamisbuki. Mĩ nuku merabewai huaya nawa shukubaunabu detenamenikabu pashai sa ibaĩshãkanikiki.

Isaías 33:5

Naiurirã, Senhor Deus shanẽ ibu dasibi binu keyua hiweaki. Ha nukũ Deusũnã, Sião anu hawa kanetiruma inũ hawẽ yunuti kushipa pepawẽ atxishanikiki.

Joel 1:4

Shini beshũ yunu inũ, basi inũ, mibã sharabu pei pikĩ keyukĩ henebainaibũ hatiri shini betsa ana bekĩ ha teshe wabaĩshinabu keyuhairakĩ ma yamawashinabuki.

Joel 2:25

Senhor Deusũ matu ana yuiai nĩkakãwẽ: “Ha baritiã hau shini mesebũ matũ yunu txakabuwanũbũ matu anu ẽ hatu yunua beshũ matu yamawaĩmabunã, eã ẽ ana matũ yunu inãkĩ hayawashanaii.

Joel 2:3

Hanua shini txi keska nukuriabuma mai pepa anu mibã hawẽrua dakakẽ txi here hi hi ikai keska bekĩ dasibi kuakĩ atxibaĩkĩ binukaĩriama dasibi menui keyubainaya hanua ha txi ma binukainaya habias mai anu mibã hawẽrua ibiaima hanu tsua ana hiweama yẽkẽ dakashanikiki, hawa teshe betsa henebainamarã.

Joel 2:9

mae kenebaunibu anu ishtxubaĩbaini inatã butubaini hiwe tibi hikikaĩ yumetsubu hawa txaniama keska hanu uĩti shui anu hikibaĩkĩ maewã hirabi atxi keyuaibũ