Isaías 33:6 - Kaxinawá Bíblia (BR)

⁶ Bari tibi hawenabu hawa putama hatu mestẽwãkubaĩmiski. Hawẽ unanepati inũ hawẽ txakabu inũ pepa unãtirã, harã, keyuisma pepahaira hiweatũ nuku piskumatiruki. Deusũ matu hawẽ datemairã, hawẽrua pepa meseki.

Isaías 33:6 Referencias Cruzadas

2 Reis 18:7

hawara atimapa tibi pewakĩ taewakubainaiwẽ taeshũ Senhor Deusũ Ezequias merabewakĩ pewakĩ keyumanikiaki. Haska wakĩ Assíria nawa shanẽ ibuhaira Ezequiasĩ danãkĩ ana hawẽ tsumatã hawẽ imposto ana pakakatsi ikama haki sinatanikiaki.

Jó 4:6

Haskai Deus duawai pe besti hiwekĩ txakabu danãkubaini mĩ txĩtuãma ikũkaĩmis mĩ txanimisrã, ikis ana haskama huĩti babui mĩ ma dateai?

Provérbios 14:24

Unanepabũ hatũ shinã pepahairarã, maiti hawẽrua sawea keskabuki. Hakia habu unaĩsmapabũ hawẽ hatu uĩmairã, maiti atimapa sawea keskabuki.

Provérbios 14:26

Tsuãra Senhor Deus ikũwãkĩ duawai hawa dateama hiwekubaĩmisbuki. Haska hawẽ ibu hiwea uĩkubaini hawẽ bakebu hawa datetirubumariki.

Provérbios 14:27

Senhor Deus duawakĩ mĩ benimawairã, habia mĩ hiwea kayabiki, mawa kayabi mĩ ma binushinawẽ ana dateamarã.

Provérbios 15:16

Mabu mirima hayabia hawẽ datei hiwekubaĩtirubuki. Hakia tsuara mabu eskarabesyabiatũ Senhor Deus duawakĩ hatu binuhairatirubuki.

Provérbios 19:23

Senhor Deuswẽ datekĩ hawẽ hãtxa nĩkakubaĩkĩ tsuãra hawẽ hiwea bai txibã pewai unanuma hiwekubaĩshãkanikiki, hawara txakabu ibiaya hawa dateamarã.

Provérbios 2:5

Mĩ haska benaiwẽ taea haska Senhor Deus duawai mĩ dayashũtiru inũ mĩ hakiri tapĩkĩ unãhairashanaii.

Isaías 11:9

Ianẽwã matahairamis keskai mai pakea hirabi anu dasibibu ẽ unanepa hayatã ea ẽ Senhor Deus unãshanaibuwẽ taea ẽ mati meribi anua ana hawa sinatai itxakanikama ishãkanikiki.

Isaías 32:17

Hawẽ yunuti kushipa pepa beneirã, hawa hawẽ datetima unanuma hiweti ipakeshanikiki.

Isaías 32:18

Enabu hiweirã, mae pes daka anu hiweshãkanikiki, hawa dateamarã, hanu hiweabu tsuã hatu metirubuma anurã.

Isaías 33:20

Sião maewã uĩkãwẽ, hanushũ Deus kẽwaĩ nũ besi peaiburã. Ha Jerusalém maewã kushipa hanushũ tsuã matu ana bikawatiruma anu shinãkãwẽ. Ha maewanã, tari hiwe pũtekĩ mestẽwã keska tsuã hawẽ nitxĩ tibi betsetirubuma inũ hawẽ dispi tesatirubuma keskaki.

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Habacuque 2:14

Ha haskaitianã, mai hirabi anu hiwebaunabu dasibibũ Senhor Deusũ kushipakiri unãshãkanikiki, ianẽwã matai dasibibũ uĩmisbu keskairã.

Mateus 6:33

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.

2 Coríntios 6:10

Ha inũ, habũ nuku xinã nũ punu nuka dabanẽ xinãkanikiki, Cristo txibaĩ nũ xinãtxãkaĩ nũ benimabiakũkainaya nũ hamẽ nia nuitapai keska xinãmisbuki, nũ hatu tapĩmai itxapa enayabiakenã. Nukuburã, nũ hawa hayama keskabia dasibi Deusũ nuku haya wamiski.

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

1 Timóteo 6:6

Haskakiri nukubũ nũ hariri xinãkĩ ikũwaĩburã, txanima kayabiki. Deusũ hawẽ pepa tibi mabu keyumis keskama nuku inaĩ inũ nuku inãshanaiwẽ taea nũ benimahairakũkainaii. Haskakẽ natiã haska nũ haya bestiwẽ benimayunãkãwẽ.