Isaías 2:3 - Kaxinawá Bíblia (BR)

³ Sião anu Senhor Deusũ yusiã tashni Jerusalém anu hawẽ hãtxa kaĩshanaiwẽ taea yurabu mirimahaira hanu hikitushitã yuikĩ: “Senhor Deusũ Mati Sião anu nũ mapekenũ bekãwẽ, Jacó mekenika Senhor Deusũ kẽwãti hiwe anurã. Harishũ hawẽ pe hiweti shinãkiri nuku yusiãbu ha bai keska hawẽ yusiã txibãkĩ tapĩ nũ pepashãkanaii”, ika bebirã bebirãshãkanikiki.

Isaías 2:3 Referencias Cruzadas

Ester 9:27

hamebi inũ hawenabu pakubaĩshanaibu inũ Judeumabia hatũ beya txibãkĩ ibubis txani: “Nũ Judeu nawabuki”, ikubainaibu ano tibi ha shaba dabetiã anu haska Mardoqueũ hatu yusĩma txibãkĩ hawa hakimama Purim besiti beya hau akubaĩshanũbũ Judeu nawa shanẽ ibu dasibibũ hatu yusinikiaki.

Salmos 110:2

Sião anushũ Senhor Deusũ hawẽ shanẽ ibu unãmati mane mestẽti mĩ hawẽ kushipashanai mia inãshanikiki. Bitã miki sinataibu maemakĩ hatu yunukubaĩwẽ!

Isaías 1:26

Matũ shanẽ ibu unãti wanikabu habu dukũ inibu keska ẽ ana matu katushũ yunushanaii. Matũ huni unanepabu habu dukũ inibu keska matu merabewakĩ ana ẽ matu katushũ yunuriashanaii. Haska tibi ẽ ana matu waya txipu tsuabũra matu uĩtã yuikĩ: ‘Ha maewã Jerusalém anurã, ana tsua itxakanika hayamaki. Ha maewã anushũ Deus besti txibãkubaĩkanikiki’, ishãkanikiki.

Isaías 11:10

Ha haskaibutiã ha Jessé tatxa ha hawẽ tapũ betsa benetã yurabu shukua tibibu hatũ Deus hatu unãmati ishanikiki. Habũ hatũ shanẽ ibu benakinã, hawẽ mae pehaira txashakapaki nukunũ ishũ benabaũshãkanikiki.

Isaías 28:9

Patapakirã habu eanu bea hãtxakĩ yuikĩ: “Neri tashnikirã nuku yusĩwẽ. Haska Deusũ mia uĩmai nuku yusĩwẽ. Nukuburã, nũ bakeishta keskamẽkainã,

Isaías 44:5

Hanushũ betsã yuikinã: ‘Earã, ẽ Senhor Deusunaki’, ikaya betsã hamebi yuikĩ: ‘Ẽ Jacó baba betsaki’, ikaya betsã hawẽ mekẽ anu kenekĩ netãkĩ: ‘Earã, ẽ Senhor Deusuna kayabi ẽ hawẽ yuraki’, akĩ hawẽ kena ana txitxikĩ Israelĩ kenayabi netãriashanikiki.

Isaías 60:3

ha uĩtã nawa shukuabu tibi matũ mekenã uĩ beshãkanikiki. Shanẽ ibuhairabũ matũ kushipa penai keska uinũ ika matu anu beshãkanikiki.

Jeremias 26:18

“Judá enabu anua Ezequias shanẽ ibuhairakĩ hatu yunukubainaitiã mae betsa Moresete anua yumeni Deusũ hãtxa yuishunika Miquéiasĩ Judá enabu Senhor Deus hãtxashũkĩ: Eska Senhor Deus kushipahaira dasibi binuatũ matu yuikiki. Nĩkakãwẽ: ‘Mati Sião betsairã, hanu dayati bai besti ishanikiki. Jerusalém tekei keyui di ika hanus hawẽ mishki mania ikũkaĩshanikiki. Templo mati anurã, txaka besti benei besheshanikiki’, hatu waya,

Miquéias 4:2

Sião anua Senhor Deusũ yusiã tashni Jerusalém anu hawẽ hãtxa kaĩshanaiwẽ taea yurabu mirimahaira hanu hikitushitã yuikĩ: “Senhor Deusũ Mati Sião anu mapekenũ bekãwẽ, Jacó mekenika Senhor Deus kẽwãti Templo anurã. Harishũ hawẽ pe hiwekĩ shinãti nuku yusiã ha bai keska hawẽ yusiã hãtxa txibãkĩ tapĩ nũ maputiruki”, iki ma itxai keyua maniabũ

Mateus 7:24

Hakia habũ ẽ hãtxa nĩkakĩ akubaĩshanaibukiri miyuiwẽ matu yusĩnũ nĩkakãwẽ. Tsuãra hiwe wakatsi ikĩ mai basãbaĩkĩ uke merã mixkiki pesashũ haki mixki tsamabirãkĩ hiwe waimakẽ

Lucas 11:28

Jesusũ aĩbu yuikĩ: —Txanima habiaskaki. Hakia tsuabũra Deusũ hãtxa nĩkakĩ txibãmisbũ ẽ ewa binui ana benimahairakanikiki— hatu waya

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

João 4:22

Hakia unãriamabia Epa Deus mã kẽwãmiski. Hamẽ nũ judeubu anu Deus merabenã hushanaiwẽ taeshũ unãkĩ kaneama nũ Deus kẽwã kayabimiski.

João 7:17

Tsuabũra Deusũ xinã akatsi ikinã ẽ akai unãtã haska txanimamẽkaĩ ikĩ na ẽ yusĩaĩ: “Deus anua huimẽkaĩ, ẽ ibubis ẽ xinãnẽ ikimẽkaĩ”, mã unãtirubuki.

Hechos 1:8

Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai

Hechos 10:33

hau mia itanũbũ hawaira ẽ hatu yunua buxĩshũ mia iweabu txanima nukuwẽ nuikĩ mĩ nuku pewabirãshuki. Haskawẽ taea natiã Deusũ nuku uĩayã hawẽ hãtxa nĩkanũ ika nũ ma itxaki. Hawara mĩ Deusũ mia yunua mĩ hatu yusĩmis nukũri nũ nĩkakatsis ikai nuku yusĩriwe— aka

Romanos 10:18

Hawara Deusũ hãtxa yuishunika Davĩ kenekĩ yusĩni matu ana yusĩnũ nĩkakãwẽ. “Yurabu mai hirabi anu manibaunabu Deusũ hãtxa yusĩmisbũ habũ hatu yusĩa ma habũ nĩka keyuabuki”, iniwẽ taeshũ Israelbũ dasibi ma nĩkakĩ keyunibu nũ unaiĩ.

Santiago 1:25

Hamẽ tsuabũra Deusũ hãtxa yununi nĩka bestiama hakimakatsi ikama haska txaniai txibaĩ hatũ txakabu henei pepakubaĩtirubuki. Haska bestiama hawẽ hiwekaini txĩtuãma haska tibi Deusũ hãtxã yunuai menei haskai xinã txãkãshãkanikiki.