Isaías 2:4 - Kaxinawá Bíblia (BR)

⁴ Hanushũ nawa shukua tibi Senhor Deusũ unãti wakubaĩshanikiki, ha yurabu itxapahairabu hawawẽra ha imisbu haratura pepa inũ haratubũra kaneaibu unãtã hatu pewakinã. Hatu haska wa hanua habu maei betsairã, hatũ nupe kenu txaipabu betsa wakĩ hawẽ mai tsispubirãti washãkanikiki. Ha inũ, hatũ txatxiti betsa wakĩ teshki matxatu washãkanikiki. Ha haskaibutianã, ha yurabu ana hatũ detenameti mabu betsawẽ ana tsuabe detenameama ishãkanikiki. Ha inũ, detenametikiri ana tsuã hatu yusiãma ishanikiki.

Isaías 2:4 Referencias Cruzadas

Salmos 110:6

Nawa shukua tibibu hatu unãti watã hatũ kupiti yunubaũshanikiki. Hatu haska watã mawa manibainabu hatu itxawashanikiki. Mai hirabi anu teshtekea manibaĩshãkanikiki.

Salmos 46:10

“Ea kẽwãkĩ ea unãti wakãwẽ!” Earã, ẽ Senhor Deuski! Hiwebaunabu mamaki ẽ ea hiweaki! Mai hirabi mamaki ẽ niaki!

Salmos 46:9

Mai kesuakea anua hatube detenamekĩ hatũ pia tekekĩ hatũ hashi teke keyukĩ hanushũ hatũ detenameti cavalo tarãmabaĩti ana tsuabe detenametirubuma wakĩ hawẽ henekĩ txiwẽ hatu menũ keyuimaki.

Isaías 32:17

Hawẽ yunuti kushipa pepa beneirã, hawa hawẽ datetima unanuma hiweti ipakeshanikiki.

Isaías 32:18

Enabu hiweirã, mae pes daka anu hiweshãkanikiki, hawa dateamarã, hanu hiweabu tsuã hatu metirubuma anurã.

Isaías 33:22

Ha shashuwã natxãkãki hawẽ dispi tibiki ha tari haki pũtea niwe bekĩ ana pũtes wamawẽ taea ha tari pea pea itiruma ishanikiki. Hatũ shashuwã ana harakiri katirumakẽ haki inatã habu nukuki sinatamisbũ mabu pepa dasibi mapematã mabu nũ pashkaibũ bekũbu inũ tekeyabũri habuna bishãkanikiki. Ha haskaibutianã, Senhor Deusrã, nukũ Shanẽ Ibu inũ, nukũ unãtinanika inũ, nukũ hãtxa pewatã txibãmanika ishanaiwẽ taea hatũ nuku piskumashanikiki.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

Isaías 42:3

Txanimahaira hawẽ yunuti kushipawẽ txakabu maemakĩ binuriama yurabuwẽ nuikĩ tawa yushtu puaka keskabu huĩti babubiabũ hatu danãma ishanikiki, bĩ pahi ibubis nukabiaya nukawama keska wakinã.

Isaías 9:5

Soldadobu detenamei hatũ bitxi tae keyatapa sawea barush barush ibaĩmisbu inũ, hatũ tari himi has mapumisbu haburã, txiwẽ mĩ hatu yamawakĩ kuashanaii.

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.

Joel 3:10

Ha babubunã, shinã betsa watã hau eska yuinũbũwẽ: ‘Earã, ẽ kushipahairaki’, ikirã, hanushũ hatũ mai yapubaĩti betsa wakĩ hau nupe kenu txaipa mirima wanũbũwẽ. Ha inũ, hatũ nupe shewetiya trigo meshteti betsa wakĩ hau hashi mirima warianũbũwẽ.

Joel 3:12

Hanushũ nawa shukuabu tibi Israelĩ enabu dapi hiwebaunabu Senhor Deusũ hatu unãti washanaiwẽ taeshũ yura shukuabu dasibi detenamenũ ika pewakĩ keyutã Josafá Pashku Napaku anu hau itxai benũbũwẽ.

Miquéias 4:3

hanushũ nawa shukuabu tibi Senhor Deusũ hatu unãti wakubaĩshanikiki, txaihaira hiwebia ha yurabu itxapahairabu hawawẽra taea ha imisbu haratura pepaimabu inũ haratura kaneimabu unãtã hatu pewakinã. Hatu haska waya hatũ mabu maei betsairã, hatũ nupe kenu txaipabu betsa wakĩ hawẽ mai sheshabirãti wakĩ hatũ hashi betsa wakĩ nupe shewetia washãkanikiki. Ha haskaibutianã, ha yurabu ana hatũ detenameti mabu betsa betsapawẽ ana tsuabubera detenameama ishãkanikiki. Ha inũ, detenamei bukatsi hatu yusĩmisbu ana tsuã hatu yusiãma ishãkanikiki.

Hechos 17:31

Huni betsa katushũ yurabu anu yununi mawa bestẽwãkĩ yurabu dasibi hawẽ kuxipa hatu uĩmaniki. Haskawẽ taeshũ ha shaba ma Deusũ katuni anu ha huni katuniwẽ taeshũ yura dasibi mai hirabi anu hiwebaunabu hatu unãti wakeakekĩ keyutã Deusũ hawa kaneama hatu kupishanikiki— hatu wa

Apocalipse 19:11

Hanua nai bepemanaya shanẽ ibu hawẽ kena Txanima Hãtxa Kaneisma cavalo hushupaki katsauwa ẽ uĩshu matu yuinũ nĩkakãwẽ. Shanẽ Ibu pepatũ yurabu unãti wai hatube detenamẽnũ ika ikairã,

1 Samuel 2:10

Naiuria kana tũ ikaĩkainai hatuki yunua tsuabura haki sinataibu Senhor Deusũ hatu yamawakubaĩmiski, mishki ture ture aka keska wakinã. Shanẽ ibu katushũ kushipa inãni ana hawẽ kushipa binumatã Senhor Deusũ mai hirabi anu hiwebaunabu hawẽ unãti watã kupikĩ keyushanikiki”, ishĩkẽ