Hechos 5:28 - Kaxinawá Bíblia (BR)

²⁸ —Ha huni akimabukiri mã hatu yusĩaĩbu nũ matu nemahairabiaxina nukũ hãtxa hawa nĩkama haskakĩ Jerusalém anuabu hatu itxawakĩ mã ha hunikiri yusĩkĩ heneamamẽ? Haska wakĩ ha huni nukukiri yuikĩ: “Mã hatu tenãmaimaki”, akĩ mã nuku hawẽ taeshũ yuãkĩ mã nuku hatu dake wamakubainaii— ikaibũ

Kashinawa : Diosun Jesúswen taexun yuba bena yiniki

²⁸ —Ja juni akimabukidi man jatu yusiainbu nun matu nemajaidabiashina nukun jancha jawa ninkama ¿jaskakin Jerusalén anuabu jatu ichawakin man ja junikidi yusinkin jeneamamen? Jaska wakin ja juni nukukidi yuikin: “Man jatu tenanmaimaki”, akin man nuku jawen taexun yuankin man nuku jatu dake wamakubainaii— ikaibun

Hechos 5:28 Referencias Cruzadas

1 Reis 21:20

kemakĩ Acabẽ yuikĩ: —Nũ sinatai danananãrabeairã, haskakĩ ea benabaũkĩ mĩ ea betxishumẽ?— aka Eliasĩ kemakĩ yuikĩ: —Haa, ẽ miki nukushuki. Senhor Deusũ berubi ha betxipaiama txakabuhaira mĩ akubaĩmiski.

1 Reis 22:8

Israelĩ enabu shanẽ ibuhaira Acabẽ kemakĩ yuikĩ: —Betsa hayaki. Inlá bake Micaíasĩ Senhor Deusũ hãtxa nuku yuitiruki. Hakia hãtxa pepa eki txaniama hãtxa txakabus besti ea yuikubaĩmiswẽ taea ẽ ha betxipaismaki— aka Josafã nemakĩ yuikĩ: —Hari hãtxakĩ yuiyamawe— aka

Jeremias 26:15

Hawẽ hãtxa shabakabi dasibi ẽ matu yuinũ txanima Senhor Deusũ ea yunushinaki. Na ẽ matu yuishu haska shinãkatsi ikama ẽ hawamabiakẽ mã ea tenanã, matubu inũ nenu hiweabu matumebi mã txakabu ikũkaĩshanaii. Shinaĩrakãwẽ”, hatu wa

Jeremias 38:4

hanua habu shanẽ ibu beshmasbu hatũ shanẽ ibuhaira anu bushũ yuikĩ: —Nukũ detenamenikabu inũ nukunabu nenu hiweyuabũ Jeremiasĩ hãtxa nĩkai datemisbuwẽ taeshũ ha huni hau tenanũbũwẽ. Nukunabu hãtxa pewama hatu hãtxa txakabu besti yuikĩ mesewakubaĩmiski— akabu

Amós 7:10

Betel anushũ Amazias hawenabu Deusbe hãtxashunikatũ Samaria anu Israelĩ enabu shanẽ ibuhaira Jeroboão anu hãtxa bumakĩ yuikĩ: “Israelĩ enabu hiwebaunabu namakis anu Amós nikaũkĩ mikiri txanikĩ mia deteshanaibu yuikubaũkĩ hatu yuikĩ: ‘Nupe txaipa kenuhairawẽ matũ shanẽ ibuhaira Jeroboão detetã mã Israelĩ enabu dasibi txaihaira anu matu iyushãkanikiki, ana haska txĩtũbirãtirubumarã’, akĩ yuikubaunai has hãtxa yuiai nĩkakĩ ana tenetirubumakiaki”, ashũ hãtxa bunika yunua hawẽ hãtxa bushũ

Mateus 21:44

Ha inũ, betsarã, tsuara ha mixkiki sinatakĩ ea maemanũ ika mixki mamaki kawana teke teke ika keska itiruki. Hakia ha mixki haratukira kawani haki tĩ ikĩ txuxakĩ mixpu washanikiki— hatu waya

Mateus 27:25

ha yura dasibibũ yuikĩ: —Peki. Nuku inũ nukũ bakebũ nũ yunuaiwẽ besti hau mawanũwẽ— akabu

Hechos 5:40

—Peki— iake iaketã Jesusũ kuxipayabu hatu ana kenashũ itxakawakĩ hi siriwẽ hatu kuxa kuxa ama bestitã ana hau Jesuskiri hatu yusĩyamashanũbũ ha akĩ hatu nemahaira bestitã hatu nitxĩkĩ heneabu

Hechos 7:52

Haska inũ, Deusũ Katua pepa hushanai Deusũ hãtxa yuishunikabũ bebũkiri hakiri txanibiakubainaibũ hawa nĩkakatsi ikama matũ shenipabũ hatu dasibi danãkĩ hatu itxakawakĩ detekubainibuki, hatu tenãkinã. Hanua natiã Deusũ Katua huni hawa kaneisma hakiri matu yuĩnibu ma nuku anu huni xinãma nawabu atximatã mã ha huni pepa Jesus hatu tenãmariaimaki.