Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.