Hechos 10:36 - Kaxinawá Bíblia (BR)

³⁶ Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

Kashinawa : Diosun Jesúswen taexun yuba bena yiniki

³⁶ Jamen dasibibun Xanen Ibu Jesucristonan, Israelbu anu dukun jau jabu yusinun Diosun yununiki. Januxun tsuabunda jawen janchawen unanuma jiwetidubukidi Jesús juxun jatu yusinkubainyamaki.

Hechos 10:36 Referencias Cruzadas

Isaías 55:12

Nenu Babilônia anu mã Israelbu benibu ana matũ mae anu txĩtũbaini benimabaini bui matũ mai pakea anu unanuma mã hikishãkanaii. Mã haskabainaibu matu uĩtã mati matipa inũ mawa tibi matuwẽ benimai kãtaibũ ni shukuabũ matu uĩtã matuwẽri benimakĩ mekẽ paush paush akai keskai bubi bubi ishãkanikiki.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Malaquias 3:1

Senhor Deus kushipa dasibi binu keyuatũ matu yuikĩ: “Ẽ hãtxa bunika ea bebũ ẽ nitxĩshanaii, hau hatũ ẽ hanu kashanai bebũkiri hau ea bai pewashũshanunã, ikĩ Senhor Deus ẽ matũ shanẽ ibu mã ea benakubaĩmisbu hanu eki nukuti Templo anu hawairakaĩ ẽ hikishanunã. Haska ẽ yubakani ẽ hãtxa matu bushuĩ ma kaikiki, ha uinũ ika mã ikubainaiburã”, ikaya

Mateus 10:6

hakia Israelbu txashuwã benua keskabu anu besti bushũ

Mateus 11:27

Jesusũ hatu yuikĩ: —Ẽ Epã hawẽ kuxipa dasibi ea yununirã, tsuã ẽ hawẽ bake ea unãbumaki. Hakia ẽ Epã besti ea unã keyuikiki. Hakia tsuã ẽ Epa unãmariki. Ea hawẽ bakẽ besti ẽ Epa ẽ unã keyuriaii. Hakia habũ ea txibaĩbu ẽ Epa ẽ hatu unãmamiski.

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

Lucas 1:79

Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

Hechos 10:37

Hanushũ ha dukunã, Naximanika Joãonẽ Deusũ hãtxa hatu yusĩayã nĩkatã hatũ txakabu henetã hawenabu unãti wamaibu Joãonẽ hatu naximakubainaya Jesusũ Galiléia anushũri yusĩ taewakĩ Judéia mai pakea anu yusĩkubaunaikiri kakaibu txanima mã nĩkayamaki.

Hechos 11:19

Ha shabatiã Estêvão tenãtã habiatiãri dasibi Jesus ikũwaĩburi hatu itxakawai berukubaunaibuwẽ taea datei Fenícia mai pakea anu inũ, Chipre natukã anu inũ, Antioquia mae ewapanu pashai buimashũ judeubuma yusĩama hatunabu judeubu besti Jesuskiri kakape hatu yusĩaĩbũ

Hechos 13:32

Na habias kaka pepa bexĩshũ nũ matu yuiairã, Deusũ nukũ shenipabu yubanirã,

Hechos 13:46

hanua Paulo inũ Barnabé hawa dateama dasibibũ nĩkaibũ judeu shanẽ ibubu haskaibu hatu kemakĩ: —Deusũ kakape hawẽ bakekiri mã judeubu dukũ nũ matu yusĩ taewanũ Deusũ nuku yunukĩ nitxĩbiaimakẽ nũ matu yusĩaĩ nukũ yusĩa danãkĩ hawẽ pepai hiweibi hiweti mã bikakatsi ikabumaki. Mã haskaya matu henebaĩ nawabu judeubuma anu nũ hatu yusĩ kaii.

Hechos 2:36

—Israelbu dasibibuũ, txanima matu shabakabi xinãmanũ ea nĩkakãwẽ. Ha habias Jesus cruz anu mã hatu mastamaimarã, Deusũ bestẽwãtã nukũ Shanẽ Ibu kayabi nuku washuĩmaki, hawẽ Messias Cristorã— hatu wa

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Romanos 14:9

Haskawẽ taea Cristo mawatã ana bestenirã, txanima dasibitũ shanẽ ibunũ ika iniki, natiã nũ hiweabuna inũ habu mawabunarã.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

1 Coríntios 15:27

Dasibi Deusũ damiwani Cristõ hatu maemamakĩ keyutã haska habe yubakai yuinameni hawẽ Epa Deuski shanẽ ibuama Epa Deusũ ha damiwani mekekubaĩmisshũ yunua Cristõ hatu maemakĩ binumatã dasibi betsa betsapa habetã damiwani Epa Deusũ mekekĩ dasibibu binui ha besti shanẽ ibuhairashanikiki, Epa Deusrã.

1 Coríntios 15:47

Ha dukũ huni Adão wakĩ Deusũ mai mixpu bishũ hawẽ yura damiwanikiaki. Hamẽ yura Cristorã, nai anua hui huni kuĩ yura bitã kainiki.

Filipenses 2:11

dasibibũ unãkĩ: ‘Jesus Cristorã, txanima dasibibũ Shanẽ Ibu Yavéki’, ikĩ Epa Deus kuxipa kẽwãshãkanikiki”.

Colosenses 1:20

Haska inũ, Jesus cruzkia mawai hawẽ himi nuku habashuniwẽ taeshũ nukũ txakabu Deusũ buashũ hakimakĩ nuku hakimawatã ana nukuki sinatakatsi ikama Deus nuku daewamakĩ hawẽ haibuaibu nuku wamatã hiweabu mai hirabi anu inũ nai anu Cristoki dasitã hanus nuku shukuwakatsi Deusũ hatu dasibi pewakĩ keyukĩ daewanikiaki, yurabu inũ yurabumarã.

Hebreus 1:2

Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.

Apocalipse 1:18

Ea ẽ hiwea ẽ mawani natiã ana ẽ bestẽni niti ikama ẽ hiwepakeaii. Ha inũ, hiwemati kuxipa inũ kupiti kuxiparã, ea besti ẽ hayaki. Hanu mawai ikibi ishanaibu anurã, eã besti ẽ yunutiruki.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 17:14

txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã

Apocalipse 19:16

Ha inũ, hawẽ kena mestenepa Dasibi Shanẽ Ibubu Inũ Dasibi Yununikabu Binukĩ keyuaki, ika hawẽ tari txaipaki inũ hawẽ kixi kateki ha dabeki hawẽ kena neaki.