Hechos 10:35 - Kaxinawá Bíblia (BR)

³⁵ Na mai anu hiwebaunabu tsuabũra Deus nĩkai haki mesekĩ txibã pewaibu Deusũ hawa hatu danaĩsma ea yusĩxina na habiatiã ẽ ma tapĩaiĩ.

Kashinawa : Diosun Jesúswen taexun yuba bena yiniki

³⁵ Na mai anu jiwebaunabu tsuabunda Dios ninkai jaki mesekin chiban pewaibu Diosun jawa jatu danainsma ea yusinshina na jabiatian en ma tapiaiin.

Hechos 10:35 Referencias Cruzadas

Salmos 19:9

Senhor Deusũ hawẽ datemairã, shũpĩ besti ipakeikiki. Haska yurabu kenemani hawẽ hãtxa tibi dasibi txanima pepaski.

Provérbios 1:7

Senhor Deus duawakĩ haki datekĩ hawẽ hãtxa nĩka pewakĩ unanepakĩ tapĩ taewabaĩtirubuki. Hakia tsuara unaĩsmapabũ unanepati inũ yusĩti hãtxa pepa danãmisbuki.

Provérbios 16:6

Hamapai txakabu tibi yura betsabuna hakimairã, Senhor Deusũ nuikipaiwẽ txanima atiki. Senhor Deus duawakinã, txakabu tibi mĩ heneakeakekubainaii.

Provérbios 2:5

Mĩ haska benaiwẽ taea haska Senhor Deus duawai mĩ dayashũtiru inũ mĩ hakiri tapĩkĩ unãhairashanaii.

Provérbios 3:7

Ibubis keĩ: “Ẽ unanepahairaki”, iwanã, shinãyamakubaĩshãwẽ. Hakia Senhor Deuski besti datekĩ ha besti duawai txakabu tibi hene keyutã ana meyamakubaĩshãwẽ.

Lucas 1:28

damitã hawẽ dĩtu merã hikishũ Gabrielĩ Maria yuikĩ: —Ẽ miki txaniyuaii. Yavé Deus miwẽ benimahairakĩ mia abuikiki— atuxia

Hechos 10:2

ha huni pepa enayamistũ hawẽ hiwe anu hatube hiweabubetãs Deus kẽwãkubainikiaki, hanushũ judeubu nuitapaibuwẽ nuikĩ merabewanũ, iwanã, hatu pei inãshuni inũ Deusbe hãtxai heneismarã.

Hechos 10:28

Pedrõ hatu yuikĩ: —Nũ judeubu nukũ shenipabũ beya txibaĩ judeubumabe nũ itxatirumahaira inũ matũ hiwe anu nũ hikitirumahairari mã unaiĩ. Nũ haskabiamiskẽ ẽ ana matu danãyamanũ Deusũ ea unãmakĩ yusĩxinawẽ taeshũ

Hechos 15:9

Nukunã, nũ Jesus ikũwaĩbu Deusũ nukũ huĩti pepawamis keska wakĩ habũri Jesus ikũwaĩbu Deusũ hawa hatu danãma hawa nuku pashkakĩ betsa wama habiaskas xinã hatube nuku waikiki.

Hechos 9:31

Ha haskaibutiã ikũwaĩbu Judéia mai pakea anuabu inũ, Galiléia mai pakea anuabu inũ, Samaria mai pakea anuabu itxakawakĩ ana tsuã hatu meabuma unãnuma hawama hiwei hanua ikũwaĩbu kuxipai Deus kuxipaki meseaibũ hawẽ Yushĩ Pepatũ hatu merabewaya ana itxapabũ ikũwaĩ mirimabu hatuki dasikubaini hiwenibukiaki.

Romanos 2:13

Ha inũ, tsuabũra hawẽ hãtxa nĩka bestikĩ Deus benimawatirubumaki, hawa txibãmarã. Hakia tsuabũra hawẽ hãtxa yununi nĩkatã habias txibãkubaĩmisbu hatuwẽ benimakĩ hatũ txakabu ana xinãma Deusũ hatukiri pe xinãshanikiki.

Romanos 2:14

Tsuabura hatũ xinã txakabu wakatsi ikama Deusũ Moisés yusĩmani keska hatũ huĩti merã ha kene nea keskashũ hatu unãmaya txanima hawa hatũ xinã merã hawa txakabu hayabuma hatu unãmamiski, haska neatũ hatũ xinã ibubis txakabuaibu hatu ha akĩ inũ hatu nemakĩ unãmakinã. Haskawẽ taea judeubuma Deusũ Moisés yusĩmani kene hayamabia hatũ beyawẽ hawara txakabu unãmisbu inũ hawara pepa amisbu haska Deusũ Moisés yusĩmani unaĩ keskakĩ txibãmisburã, habu hatũmebi hatũ yunuti inũ hatũ nemati haya keskabuki.

1 Coríntios 12:13

Habiaskari wakĩ nũ habũ ikũwaĩ tibi judeubu inũ judeubuma inũ, escravo dayaru inũ tsuã dayarumã nũ Jesus ikũwãyã nuku duawakĩ habias Yushĩ Pepa Deusũ ma nuku inãkeakekẽ ikũwaĩ betsabuki dasinũ nũ ikaya henewẽ nuku naximabu ha Yushinĩ nukũ yura bestitxai keska wamiski.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

Gálatas 3:28

Haskai mã yura bestitxai keskaki. Judeubu kasmai judeubuma inũ, tsumayabu kasmai tsumabuuma inũ, hunibu kasmai aĩbuaibu xinãma hakia mã Jesus Cristo ikũwaĩbu besti dasibi mã yura bestitxai keska mã haki dasia xinãkubaĩkãwẽ.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Efésios 5:21

Haska inũ, Cristokiri pe xinãkĩ mã duawakatsis ikairã, ikũwaĩbu betsabube binunãnãkatsis ikama hatube yununãnãma nĩkakanãkubaĩkãwẽ.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Colosenses 1:6

Haska inũ, mai hirabi anushũ Deusũ kakape hawẽ bakekiri nĩkatã ikũwãbauni pakĩ yurabũ hatu uĩmabaunaibu keskai mã ikairã, txanima habias habiaskari matu anuri tashniai mã hayaniki, haska Deus duapakiri hãtxaibu nĩkai: “Txanimaki”, itã mã ikũwãniburã.

Colosenses 3:11

Mã ma haskarã, tsuabũra Cristo ikũwaĩbu hawenabukiri eska xinaĩ mã hãtxatirubumaki, Gregonawaburã, judeuburã, habũ judeubũ beya txibãkĩ habũ hina kubitxi meshtemisburã, habũ judeubũ beya txibaĩsbumarã, nawa shukuabu tibirã, pubẽburã, habũ habu dayashũmisburã, tsuã tsumamarã. Nũ haska betsa betsapabubia haska xinaĩ hatukiri hãtxayamakubainãkãwẽ. Cristorã, dasibikirã, dasibibũ shanẽ ibui keyuaki.

1 João 2:29

Txanima Jesus Cristõnã, hawa kaneama ini mã unaiĩ. Haskawẽ taea tsuabũra hawara Deusũ abuai akubainaiburã, pepabu Deusũ bakebu mã unãtirubuki.