Hebreus 12:24 - Kaxinawá Bíblia (BR)

²⁴ Ha dikabi Jesusũ hawẽ yuba bena nuku washũkinã, mawai hawẽ himi habakĩ Abelĩ himi binuniki, hawẽ taeshũ Deusũ nukũ txakabu nuku buashũti wakinã. Hamẽ Abelĩ himirã, hawẽ taea Deus sinatai hawẽ yupukunaniki, tsuã txakabu buatimarã.

Kashinawa : Diosun Jesúswen taexun yuba bena yiniki

²⁴ Ja dikabi Jesúsun jawen yuba bena nuku waxunkinan, mawai jawen jimi jabakin Abelin jimi binuniki, jawen taexun Diosun nukun chakabu nuku buaxunti wakinan. Jamen Abelin jimidan, jawen taea Dios sinatai jawen yupukunaniki, tsuan chakabu buatimadan.

Hebreus 12:24 Referencias Cruzadas

Gênesis 4:10

Senhor Deusũ yuikĩ: —Mĩ haska washinamẽ?— iwanã —Mĩ betsã himi mai anu habai sai ikĩ hau ẽ mia kupinũ ea yuikiki. Mĩ betsarã, mĩ tenãshinaki— iwanã

Êxodo 24:8

hanushũ Moisés himi kẽtxa betsa anua tsumatã ni peiwẽ himi pukushũ hawenabu basha basha akubaũkĩ habiatiãri hatu yuikĩ: —Na yuba hãtxa ẽ matu yuishu na himiwẽ Senhor Deus matube yubakaikiki, na hawẽ hãtxa ẽ matu yuishu tushkutima mã hawẽ shinãpakeshanũbunã— hatu watã

Isaías 55:3

Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.

Mateus 23:35

Mã hatu haska washanaibuwẽ taeshũ bebũkiri matũ shenipabũ Adãonẽ bake betsa Abel huni pepa tenãnishũ hanushũ huni pepa betsabu hatuki sinatakĩ tenãkubirãkĩ hawẽ henekĩ Baraquiasĩ bake Zacarias na habia Templo hemaĩtĩ anu txi tapu fogão dapikea tenãnibuwẽ taeshũ maturi Deusũ kupishanikiki.

Marcos 14:24

hatu yuikĩ: —Yura itxapabu merabewai mawakĩ ẽ himi ẽ hatu habashũshanaii. Na vinhorã, ẽ himi keskaki, hawẽ yubaka bena xinãmatirã.

Lucas 22:20

bitã tureshũ pikubaunaibũ habiaskari wakĩ kẽtxa vinho mata tsumashũ yuikĩ: —Yura itxapabu matu merabewai mawakĩ ẽ himi ẽ matu habashũshanaii. Na vinho ẽ himi keskaki. Hawẽ yubaka bena xinãmatiki. Ea xinãbetanã, mã ashanai ikis akĩ taewabaũkãwẽ— iwanã,

Gálatas 3:20

ha dukũ Deus Abraãobe yubakakĩ ibubis Deus bestitũ anikiaki, tsua hãtxashunamarã.

1 Timóteo 2:5

Haskawẽ taea eska Deus hawẽ xinã hayaki. Deusrã, bestitxaiki. Hanua nuku itsa habe hãtxashũmisrã, bestitxairiki, ha Jesus Cristorã, Deus nuku daewashuni hãtxashũmisrã.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Hebreus 11:28

Ha inũ, Deusũ yunua nĩkatã ikũwãkĩ Moisés hawenabu Páscoa besi hatu tates taewamakĩ misi shashama inũ txashuwã bake nami shui hatu pimakĩ txashuwã himi hiwe tibi hanu hikiti shui sheshekaiã hatu kepushmakĩ keyukẽ Deusũ nai tsuma debuwanikatũ Egitonawã huni bake iuwabu dasibi hatu debuwabiakĩ Israelbu hawa meama dũkebainikiaki.

Hebreus 11:4

Ha inũ, Adãonẽ huni bake dabe Deusũ yunuxina hawẽ hãtxa Abelĩ ikũwãkĩ txibãkĩ hawẽ Deus kẽwãti txashuwã tesẽshũ kuakĩ keyushũbiaya hawẽ betsa Caimnẽ Deusũ yunua hãtxa txibãma hawẽ bai anua yunu besti kuashũkĩ Deus kẽwãpaibiaya Abelĩ kẽwãti besti Deusũ abukĩ hawẽ hãtxa ikũwaĩ unaĩ: “Huni pepaki”, anikiaki. Ha inũ, Abel mawabianikẽ haska ikũwãkĩ tates taewatã henebaini habiawẽri nũ ikũwãkubaĩshanũ Deusũ hãtxa Abelkiri kenenibu uĩkĩ nũ unãriakubaĩmiski.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Hebreus 7:22

Ha dukũ nuku yubani keskama Jesuswẽ hawẽ yubaka bena binumakĩ pepahaira waniki.

Hebreus 8:13

Hanua hawẽ yubati hãtxa benakiri Deusũ Jeremias hãtxa watã xinaĩ: “Ha dukũ ẽ yubati hãtxa sheni ẽ anirã, ana ikama ishanikiki”, ikĩ ana atimawakĩ xinãkĩ: “Bena ẽ yunuaya ha dukũ ẽ yununi shenikũkaini yamai kaikiki”, iwanã, Deusũ xinãniki.

Hebreus 8:6

Hakia Cristo nuku hãtxashunika kayabirã, ha hawẽ Epabe nuku hãtxashũkĩ nukukiriri xinaĩ nukuwẽ dabanã Deus hakiri yuba bena pehaira ana tsuã betsa watima waniki, hawẽ taeshũ hawa kanetima txanima yuba mestẽwãkinã.

Hebreus 8:8

Hakia ha yurabu Deusũ uĩa hawa hawẽ yunuti pe txibãbumakẽ hanushũ hatukiri hawẽ yuishunika Deusũ Jeremias yuikĩ: “Deusũ yuikĩ: Hawatiãra Israelbu inũ Israelĩ bake betsa Judã bababube ẽ hatube yubakai benashanaii.

Hebreus 9:15

Tsuabura Deusũ hatu katunibu habũ hiwekuĩa ikibi ika bishanaibu Deusũ hatu yubani haska Jesus Cristõ pewanũ ika dasibibu mawashũtã unuri Deuski inũ yurabuki hãtxashunikai dasitã, haskatã Deusũ yuba bena pewakĩ hawẽ taeshũ nukũ txakabu nuku buashuniki, ha dukũ yubani hãtxa txibãma nũ kanei nũ txakabukubaĩmisbu nuku pewairã.

Hebreus 9:19

Haska inũ, Deusũ yunuti hãtxa tibi inũ hawẽ nemati hãtxa tibi Moisés hawenabu dasibi yusĩshũ hatu keneshũtã, txipu txashuwã dani taxipa wa ni peiyabi tsumashũ ina awa bake himi inũ ũpash neshua pukutãtãkĩ Deusũ hãtxa una baxatã hawenabu baxa baxa akĩ

Hebreus 9:21

Moisés hatu haska watã habiaskari wakĩ meribi wakĩ hanu Deuski nukuti tari hiwe inũ haki Deus kẽwãti mabu dasibiki Moisés ina awa bake himi baxa baxa akĩ keyunikiaki.

1 Pedro 1:2

Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.