Hebreus 12:23 - Kaxinawá Bíblia (BR)

²³ Habu dukũtũ Deus ikũwaĩ hawẽ bake ikubainibu ma hatũ kena nai anu hatu keneshũ netãni ha yurabu Deus hiweshuni pemisbu hatũ yushĩ Deus dasibi pewanikatũ ma hatu hawa txakabuma wayama Deus dapi ma haki kemani mapuabu nũ xinaiĩ.

Kashinawa : Diosun Jesúswen taexun yuba bena yiniki

²³ Jabu dukuntun Dios ikunwain jawen bake ikubainibu ma jatun kena nai anu jatu kenexun netani ja yudabu Dios jiwexuni pemisbu jatun yushin Dios dasibi pewanikatun ma jatu jawa chakabuma wayama Dios dapi ma jaki kemani mapuabu nun shinaiin.

Hebreus 12:23 Referencias Cruzadas

Gênesis 18:25

Mĩ hatu haska wayarã, txakabubu inũ pepabu habiaskas txakabu wamisbu keska wakĩ mĩ hatu tenã keyushanai? Mianã, mĩ hatu haska watirumaki, huni txakabubu inũ pepabu habiaskas kupi keyukinã. Mĩ mai hirabi anu uinikaki. Mĩ pewanikawẽ taeshũ mĩ hatu haska yunuismaki— aka

Salmos 69:28

Habu hiweabu hatũ kena mĩ hatu kenemis ha una meranua tere awe! Huni pepabu mĩ hatu tanakĩ kenemis anu ha huni txakabũ kena kenekĩ netãyamawe!

Êxodo 32:32

Habiaskabiakẽ eanã, ẽ mia hatu ea ashuaiĩ. Mĩ hatũ txakabu buakĩ ana shinãma mĩ hatu kupiamarã, haska peki. Hamẽ hatũ txakabu shinãkubaĩkĩ mĩ hatu kupikatsi ikairã, minabu hawẽ tanati una anua ẽ kena mĩ eki kenenirã, ẽ kena ea tere ariawe— aka

Êxodo 4:22

Haska wakĩ Faraónẽ hatu nemaya Faraó ea yuishũkĩ: —Senhor Deus Hamebi Hiwemistũ mia ea yuimaikiki. Nĩkawe. Israelĩ enabu ẽ huni bake iyua keskabuki, ẽ betxipaihairairã, akĩ ea yuishũshãwẽ.

Lucas 10:20

Haska mã waxina peki. Haskabia yushĩ mã kaĩmaxinawẽ besti benimayamakãwẽ. Hakia nai anu Deusbe mã hiweshanaibu Deusũ matũ kena tibi ma keneniwẽ taea haska bestiwẽ benimakubaĩkãwẽ— hatu waya

João 5:27

Ẽ matũ Hutxi Kayabi Iuwawẽ taeshũ dasibi unãti kuxipa ẽ Epa Deusũ ea yunurianiki, eã ẽ hatu unãti wakeakeshanunã.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

1 Coríntios 13:12

Haska inũ, ha mane txasha beisiti keskawẽ uĩkĩ nukũ yura pe beshmas nũ uĩmiski. Habiaskari Deusũ xinã pesheixta nũ unãmiskẽ Jesus ana huaya haska Deusũ ẽ huĩti unãmiswẽ eari Deusbe beisinãrabekĩ ẽ unã beshmas wamis ẽ unã keyushanaii.

1 Coríntios 15:49

Ha dukũ mai anu hiwea Adão damiwani hawẽ yura keska nũ hiwea Deusũ nuku bestẽwãkĩ nuku betsa wa Cristõ yura keska nũ ishanaii.

1 Coríntios 15:54

Haskai kaikiri Deus yuishunika Isaíasĩ kenekĩ: “Ana tsua mawama iki kai Messiasĩ mawa maemashanikiki”, ini shabakabi txanima ani nũ unaiĩ.

2 Coríntios 5:8

Na nukũ yura nũ henebaĩshanaii, nukũ Shanẽ Ibube hiwei kakinã. Hawa dateama punu nukama nũ hiweyukũkainaii.

Efésios 1:22

babu watã mekemaniki, hamapai betsa betsaparã. Hanushũ Deusũ Cristo ha ikũwaĩbu hawẽ shanẽ ibuhaira hatu washuniki, ha hatũ bushka wakinã.

Filipenses 4:3

Haska inũ, miarã, mĩ txĩtuĩsmawẽ taeshũ mia yununũ nĩkawe. Nukũ pui dabe Evódia inũ Síntique ea hatu merabewashũshãwẽ, hau daenamenũbunã. Clemente inũ merabenanika betsabu ha aĩbu dabebetã Cristokiri kakape ẽ yusĩayã habũ ea putama ea merabewai bika teneriakubainibuki, haburã, hatũ kena tibi ha hiwekuĩti unaki ma hatũ kena Deusũ hatu kenekĩ netãnikirã.

Colosenses 1:12

Epa Deus kẽwãkubaĩkãwẽ. Hatũ matu katunishũ ikũwaĩbu dasibibube nuku mekekubaĩkĩ nai anushũ hawara nukuki tanani nuku inãkuĩa hawẽ shabaki pesetã nũ bishãkanaii.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

1 Timóteo 3:5

Tsuãra habe hiweabu hatu meke pewaismatunã, ikũwaĩbu Deusũ enabu haska washũ hatu pe meketirubumariki.

Hebreus 11:4

Ha inũ, Adãonẽ huni bake dabe Deusũ yunuxina hawẽ hãtxa Abelĩ ikũwãkĩ txibãkĩ hawẽ Deus kẽwãti txashuwã tesẽshũ kuakĩ keyushũbiaya hawẽ betsa Caimnẽ Deusũ yunua hãtxa txibãma hawẽ bai anua yunu besti kuashũkĩ Deus kẽwãpaibiaya Abelĩ kẽwãti besti Deusũ abukĩ hawẽ hãtxa ikũwaĩ unaĩ: “Huni pepaki”, anikiaki. Ha inũ, Abel mawabianikẽ haska ikũwãkĩ tates taewatã henebaini habiawẽri nũ ikũwãkubaĩshanũ Deusũ hãtxa Abelkiri kenenibu uĩkĩ nũ unãriakubaĩmiski.

Hebreus 11:40

Deusũ hatu haska wakinã, haska yubakani habu bebũshũ besti akatsi ikama nukubukiriri xinãkĩ hanus nuku shuku watã haska yubakani pehaira nuku inãkatsi nuku hatube itxawashanikiki, hiwekuĩa anu nuku hatube hiwemakinã.

Hebreus 2:12

Deusũ hãtxa yuishunikatũ Deusũ Messias tashnimashanaikiri yuikĩ: “Ẽ betsabu inũ ẽ puibu anushũ mĩ ẽ Deus mia kẽwãkĩ mikiri nawakĩ ẽ hatu unãmakubaĩshanaii”, iniki.

Hebreus 9:27

Yurabu dasibi besti wai mawamiskẽ hanushũ txipu Deusũ hatu unãti washanikiki.

Santiago 1:18

Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.

1 Pedro 2:23

Hanushũ Cristo itxabiabu hatu bebis kemanamei hãtxama iniki. Isĩ tenemabiabu hawẽ hatu dateti hãtxa kuxipa tashnimama iniki. Hamẽ haskama Deusũ hatu unãti wakĩ txanima kaneismatũ hau mekekubainũ hawẽ hiwea hawẽ Epa Deus inãkubainiki.

Apocalipse 13:8

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Apocalipse 14:4

Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.

Apocalipse 20:15

tsuabũra Deus txibãkĩ Jesus ikũwãbuma habũ kena Deusũ haki kenemis una anu habũ kena hayama ha iã hanu menui here hi hi ikai anu ma hatu puta keyuabuki.

Apocalipse 6:11

yushĩ datãbu Deusũ hatu yuikĩ: “Maturã, huĩrukũyukãwẽ. Ikismaki. Ẽ tsumabu betsa matu keska ea dayashũmis haburi hau tenãyunũbũwẽ. Habũ matu tenãmis keskariwakĩ ẽ hatu kupishanai manayukãwẽ”, itã habu tibi pepawẽ kupikĩ tari hushupa txaipa hatu inãkĩ sawemakĩ keyuaya

Apocalipse 6:9

hanushũ Deusũ txashuwã bakẽ hawẽ unãti ha quinto tsamia dashnuaya habũ Jesus ikũwãkĩ Deusũ hãtxa Jesuskiri yusĩkubaini bika betsa betsapa tenebiai txĩtuãbuma hatu tenãbu txi tapu fogão hanushũ Deus kẽwãkĩ inãkuĩti hanushũ kuamisbu anu ha namã ha pepabũ yushĩ datãbu ẽ uĩayã