Gênesis 41:42 - Kaxinawá Bíblia (BR)

⁴² hanushũ Faraó shanẽ ibuhairatũ hatũ besuubi hawẽ meitxikiti metseketã José sawematã hanushũ hawẽ tsumabu yunukĩ hau tari pe hawẽrua txasha txasha ikai sawemakĩ inũ ouro teuti teumakĩ hatu hawẽrua wamatã

Gênesis 41:42 Referencias Cruzadas

Gênesis 38:18

—Hawa unãti mia bashishũpa?— aka —Mĩ hawẽ unãtiwamis selo teutiya inũ mĩ mestẽti keneya mĩ tsumamis ea bashishũyuwe— aka ha ea akĩ yuiai inãtã txutatã unãma bake bawatã kakẽ

Gênesis 41:43

Faraónẽ hatu haska wamatã hatu yuikĩ: —Ha cavalo tarãti dabe ẽ haya ha hawẽrua beshmas ẽ José ibuwamaii. Txipu hawena ishanikiki. Haskakẽ na habiatiã hau uĩ taewabaunũ ẽ matu yunuaii. Mã haska taewamabaĩtanũbũ ea nĩkakãwẽ. José hawẽ tarãtiki nia kaya bebũ kushibaĩkĩ hui kushipawẽ hãtxa wakĩ yura mapuabu hatu yuibaĩkĩ: “Bai tapĩshũbaini ha kai bebũ dãti ishũbaĩkãwẽ, hau hari kanunã. Hatu akubaũtãkãwẽ”— hatu wa haska hatu yunua nĩkatã José imabaunabu dasibi Egito mai pakea anu shanẽ ibui taekĩ uĩkubaunikiaki.

Ester 10:3

Shanẽ ibuhaira Assuero ha katxu Judeu nawa Mardoqueu habe shanẽ ibui mẽtsisipakũkaĩkĩ hakia hawenabu hau unanuma hiwenũbũ hatu yunukĩ pepas hatu benashũkubainaiwẽ taeshũ hawenabu dasibibũ Mardoqueu betxipaihairanibukiaki.

Ester 3:10

haska wa nĩkatã hawẽ meitxikiti kena neya metsekeshũ Judeu nawabuki sinatai Hamã inãkĩ

Ester 3:12

kaĩkaĩ ha habias shabatiã ushe ha dukũ Nisã shaba 13tiã shanẽ ibuhairatũ keneshunika itxapa kenakĩ Hamãnẽ hatu itxawashũ maewã yununika tibi inũ, província yununika tibi inũ, yura shukuabu shanẽ ibubu tibi hawẽ yunuti hãtxa hau hatu kenenũbũ Hamãnẽ hatu yunua província tibi inũ, yura shukuabu tibitũ hãtxa inũ, haska kenemisbuwẽ Hamãnẽ yunuti hãtxa keneabu shanẽ ibuhaira Assuero hawẽ kena keneshũkĩ shanẽ ibuhairatũ meitxikiti kenayawẽ kene tibi Hamãnẽ netãkĩ tsamĩpakekĩ keyutã

Ester 8:10

kene tibiki shanẽ ibuhairatũ kena “Assuero” Mardoqueũ keneshũ shanẽ ibuhairatũ meitxikiti kenayawẽ netãpakekĩ keyushũ shanẽ ibuhairatũ cavalo mirima anua kushibaĩmisbu katuabu ha cavaloki katsaumebaĩkĩ kene tibi bushũ hau hatu inãbaũtanũbũ Mardoqueũ hatu yunua buabu

Ester 8:15

shanẽ ibutã sãpu tima tari nãketapa inũ hushupa sawea mane ouro maiti hawẽrua sawea shanẽ ibũ yabukuti tari mãyunepa tashi ushna duakabi peyabukukaini shanẽ ibuhairatũ hiwe anua Mardoqueu tashnikainaya Susã anu hiweabũ uĩtã benimahairai sai sai ikubainaibũ

Ester 8:2

hau teneshnũbũ Hamã iyuriabuma Assuerõ hawẽ meitxikiti mebĩshũ ibubis ana sawea shanẽ ibu wakĩ hawẽ meitxikiti metsekeshũ Mardoqueu inã saweriaya hawara sharabu Hamã hayakũkaĩshina hawẽ mabu mekeshunika wakĩ Esterĩ Mardoqueu katutã

Ester 8:8

Nukũ yunuti hãtxa shanẽ ibuhairatũ kenaya ẽ meitxikiti keneyãwẽ ma netãbu ha yunuti hãtxa tsuã nemakĩ betsa watirumaki. Hamãnẽ yunuti hãtxa eãri ẽ nematirumaki. Hakia Judeu nawabu merabewakĩ harakiri mã shinaĩ haska mã betxipaiaikiri mã nematiruki. Hakia ẽ kenawẽ ẽ shanẽ ibu beshmasbu hatu nemama mã yunuairã, hau hatu anu bushanũbũ ana kene betsa watã ẽ meitxikiti ẽ kenayãwẽri netãpaketã Judeubu merabewakĩ mã hatu bumatiruki— hatu wa

Salmos 73:6

Haskawẽ taea habu keinã, mane teuabu keskabuki. Hatu detei itimaskaiburã, hatũ tari sawea keskabuki.

Provérbios 1:9

Mĩ epã yusĩti inũ mĩ ewã yusĩti mĩ heneama hawẽ mĩ hawẽruai mia uĩtirubuki, teuti inũ maiti hawẽruahaira mĩ sawea keskarã.

Provérbios 31:22

Hawẽ dayarã, ibubis dakukuti wakĩ inũ batxi mayunepa hawẽrua watã sawekubaĩmiski.

Provérbios 31:24

Ha aĩbunã, tima tari txaipa inũ hawẽ nanesheketi timamis shũ habu mabu inananaĩbu anu hatu inãshũ pei bimiski.

Jeremias 52:33

bitxiti hiwe anushũ tari sawemis pekamatã hawẽ shanẽ ibũ tari Joaquim ana sawemakĩ duawakĩ hatishũ hiweaitiã hiwemashũ shaba tibi shanẽ ibuhaira Evil-Merodaquebetã pikubainikiaki.

Daniel 5:16

Habiaskabiakẽ hunea hãtxa hatu unãmakĩ hawara itimaskabiakẽ mĩ pewatiru mikiri yuiaibu ẽ nĩkashuki. Ha dĩtu kene hushupaki kene nea yuikĩ unãtã hariri yuitikiri mĩ ea yuĩkĩ unãmaya shanẽ ibũ tari tashi hushinipa sawemakĩ ouro teuti sawematã dabe inũ besti shanẽ ibũ yunui tsaumis anu ebe ẽ mia tsaũkĩ shanẽ ibu washanaii— aka

Daniel 5:29

habiatiãri shanẽ ibuhaira hakiri txakabu yuibia shanẽ ibũ tari tashi hushinipa Daniel sawemashũ ouro teuti sawemakĩ teumatã Belsazarĩ dasibibu hatu yuikĩ: —Dabe inũ besti shanẽ ibũ yunui tsaumis shãtukũ Daniel ma ebe tsauikiki, shanẽ ibu yununikairã— akĩ Babilônia hirabi anu hau hatu yuibaunũbũ hatu yunua

Daniel 5:7

bis bis ikĩ Babilônia anu yushĩ yukamisbu inũ, unanepabu inũ, bishiwẽ unãmisbu hatu kena beabu kene metukĩ hatu yuikĩ: —Ha kene tsuãra yuikĩ unãtã hariri hãtxa yuia mã ea tapĩmarã, shanẽ ibũ tari tashi hushinipa sawemashũ ouro mane teumatã shanẽ ibui ea katxu tsaumis anu ha dabe inũ besti shãtukũ yunui tsaumisbu anu ẽ tsaũshanaii— hatu wa

Lucas 15:22

nĩkama hawẽ epã hawẽ dayarubu yunukĩ yuikĩ: “Tari pepa hawaira bitãshũ sawemakãwẽ. Ha inũ, meitxikiti sawematã bitxi tae sawemariakãwẽ”, iwanã,

1 Samuel 18:4

Ha dikabi Jônatasã Davi inãkĩ hawẽ bemakia tari inũ hawẽ sãpu tima tari pekashũ sawemakĩ hawẽ matxatu txaipa kenuhaira inũ hawẽ kanũ pepa inũ hawẽ nanesheketi pepa inã keyunikiaki.