Gênesis 41:40 - Kaxinawá Bíblia (BR)

^40-41 Haskawẽ taeshũ Egito mai pakea hirabi anushũ habia mia ẽ mia katuaii. Mĩ ẽ yunua akai enabũ mia nĩkatã ẽ hiwe ewapa hawẽrua anu inũ ẽ mai pakea dasibi anushũ mia uĩkĩ hau dasibibũ mĩ yunua txibãkubaĩshanũbũwẽ, hamẽ earã, ẽ shanẽ ibuhaira bestikirã, mia binuarã— atã

Gênesis 41:40 Referencias Cruzadas

Gênesis 44:18

Judá nashukukĩ Joséki kemashũ hãtxa mae wanikawẽ ana yuikĩ: —Shanẽ ibuũ, eska nũ mibe hãtxaima hune ẽ mia yuiai mĩ ea nĩkatirumẽ, eki sinatamarã? Faraó keska mĩ shanẽ ibu kushipahairakirã.

Gênesis 45:26

haska hatu washiãbu hatũ epa yuikĩ: —José mawani dabanẽ nũ imisrã, hiwea ẽ betxitanaii. Ha mĩ bakerã, dasibi Egito mai pakea hirabi hatũ shanẽ ibuki— akabu haska shinãtirumahaira e itã pes hawa yuiama tsaua hatũ hãtxa besti hatu ikũwãtirumakẽ

Ester 10:3

Shanẽ ibuhaira Assuero ha katxu Judeu nawa Mardoqueu habe shanẽ ibui mẽtsisipakũkaĩkĩ hakia hawenabu hau unanuma hiwenũbũ hatu yunukĩ pepas hatu benashũkubainaiwẽ taeshũ hawenabu dasibibũ Mardoqueu betxipaihairanibukiaki.

Ester 3:1

Ushe betsatiã Agaguẽ enabu Hamedatã huni bake Assuerõ Hamã shanẽ ibu beshmasbiakẽ ana hawẽ shanẽ ibu shekakĩ katukĩ shanẽ ibuhaira merabewai yununikabu dasibi hanu yunubaunai anu hatũ shanẽ ibu washũ

Jó 31:27

hawa hune inũ shabakabi ẽ hatu kẽwã taskaismaki, ẽ mekẽ hatu meshãshũkinã.

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Daniel 5:29

habiatiãri shanẽ ibuhaira hakiri txakabu yuibia shanẽ ibũ tari tashi hushinipa Daniel sawemashũ ouro teuti sawemakĩ teumatã Belsazarĩ dasibibu hatu yuikĩ: —Dabe inũ besti shanẽ ibũ yunui tsaumis shãtukũ Daniel ma ebe tsauikiki, shanẽ ibu yununikairã— akĩ Babilônia hirabi anu hau hatu yuibaunũbũ hatu yunua

Daniel 6:3

unanepahairaiwẽ taeshũ dayakĩ ha shanẽ ibu dabe betsa inũ yununikabu beshmasbu dasibi hatu binuaiwẽ taeshũ shanẽ ibuhaira Dariõ shinãkĩ: “Ea katxu Daniel shanẽ ibuhaira ẽ watirumẽkaĩ”, ikaya

Hechos 7:10

habu anushũ bika tenebiaya Deusũ nemakĩ unãnepa wakĩ Egito shanẽ ibuhaira Faraó abumaya hawẽ shanẽ ibu betsa wakĩ José shanẽ ibu wakĩ hawẽ mai hirabi inũ hawẽ hiwe hawẽrua ewapa mekei hau dasibi shanẽ ibushunũ yununiki.

1 Samuel 10:1

hanua ha dabe niti itã bishtu oliva sheni mata Samuelĩ bitã Saul mashu atã hatũ beya txibãkĩ tãtsu akĩ yuikĩ: —Senhor Deusũ mia katukĩ meribi waikiki, Israelĩ enabu, hawenabukirirã, shanẽ ibushũkĩ mĩ hatu yunubaĩshanunã. Hatu yunukubaĩkĩ tsuabura hatuki sinatakĩ minabu itxakawakĩ bika tenemakubaini hatu dapi hiwebaunabu nemakĩ hatu henemakĩ keyukĩ Israelĩ enabu mĩ yunukubaĩshanaii. Eska ikis ẽ mia yuiai keska mĩ haki nuku akeakekainai ẽ mia shinãmaii, hawẽ unãti tibirã, haska Senhor Deusũ mia ma katua mĩ kairã.