Êxodo 6:2 - Kaxinawá Bíblia (BR)

² Moisĩ hau hawenabu yuinũ Deusũ ana Moisés yuikĩ: —Earã, ẽ matũ shanẽ ibu Senhor Deuski.

Êxodo 6:2 Referencias Cruzadas

Gênesis 15:7

ana yuikĩ: —Earã, ẽ Senhor Deuski. Na mai mĩ bĩshanũ mia inãkatsi ikĩ mĩ mae Ur Caldéia mai pakea anua ẽ mia iweniki— aka

Êxodo 12:12

Ha mã haska waitiã habias meshuki Egito mai hirabi anu iaketãkĩ hiwe tibi anushũ hatũ huni bake iyuabu inũ hatũ ina bene habu dukũ kaiãbu dasibi tenãkĩ Egito nawabũ hatũ dami yushĩ tibi ẽ kupi keyuaii. Ea ẽ hiwemis Senhor Deusũ haska ẽ matu yuiaii.

Êxodo 14:18

Haska hatũ cavalo tarãtiki mapubainabu inũ, hatũ cavalo katsaumeabu inũ, hatũ shanẽ ibuhaira Faraó debuaiwẽ taeshũ: “Ea ẽ Senhor Deus emebi ẽ hiwea”, haska unãkubaĩshãkanikiki, Egito nawa dasibibunã— aka

Êxodo 15:3

Senhor Deus kushipahairatũ yurabu kushipabu hatu binumiski. Hawẽ kenarã, Senhor Deus hamebi hiweaki.

Êxodo 17:1

Haska Senhor Deusũ hatu yunushina hanu tsua hiweabuma anu hawẽ kena Sim anua Israelĩ enabu dasibi ushakubaini bukubaini mai dasibi pãpa hawẽ kena Refidim anu nukutã hatũ tari hiwe hanu ana pũtebaunabu hanushũ hania ũpash atima

Êxodo 20:2

“Earã, ẽ matũ mekenika Senhor Deuski. Habũ Egito anushũ matũ shenipabu tsuma wakĩ escravo wanishũ dayama txakayamakĩ bika hatu tenemaibu haria eã ẽ matu iweimaki.

Êxodo 3:14

Deusũ ana yuikĩ: —Earã, Ẽmebi Ẽ Hiwearã, Ẽ Eaki. Hari Israelbu mĩ hatu yuitiruki: “Hamebi Hiweatũ matu anu ea yunushinaki”, akinã— iwanã,

Êxodo 3:15

ana Moisés yuikĩ: —Eskakiri hatu yuikinã: “Matũ shenipabu Abraão inũ, Isaque inũ, Jacó hatũ habu mekekĩ duawapaunirã, Senhor Deusũ matu anu ea yunushinaki”, akĩ hatu yuitãshãwẽ. Na kena ‘Senhor Deus’ habias ikũkaĩshanikiki, ẽ kena hawa betsa maeamarã. Na ẽ kena Senhor Deus dasibitũ ea shinãtiruburã, henenakamaki— iwanã

Êxodo 6:29

ana yuikĩ: —Earã, ẽ matũ shanẽ ibu Senhor Deuski. Hãtxa dasibi ẽ mia yuishanai Egito shanẽ ibu Faraó ea yuishũkubaĩshãwẽ— aka

Êxodo 6:6

Haskakẽ minabu ea hatu yuishũwẽ: “Earã, emebi ẽ hiwea ẽ kenarã, Senhor Deuski. Egito nawabũ minabu dayamakĩ hau hatu ana tsumawayamashanũbũ hatu meshpamatã hatũ mai pakeanua mĩ habu pashawashanaii. Ẽ kushipa shabakabi dasibibu hatu uĩmakĩ Egito nawabu kupitã ẽ matu iyushanaii. Haska watã enabus ẽ matu washanaii. Matũ mekenika Senhor Deus ẽ ikũkaĩshanaii. Egito nawabũ matu dayama txakayamakĩ matu bika tenemaibu matũ mekenika Senhor Deusũ ẽ matu iyuni matu inũ matũ bakebu inũ matũ bababũ unãkĩ shinãkubaĩshãkanikiki, ea hakimamarã. Mai betsa ukeria Abraão inũ, Isaque inũ, Jacó ha mai pakea ẽ hatu yubaniwẽ taeshũ ha matu yunukĩ ẽ matu ibu wamashanaii. Earã, ẽ matũ shanẽ ibu Senhor Deuski, eã ẽ matu hãtxa wairã. Ea nĩkakãwẽ”— hatu wa

Isaías 42:8

Earã, ẽ Senhor Deuski, ẽ kena kayabirã. Hau tsuara betsã ẽ kushipa hawena keska wakĩ hau marias duawayamanũbũ ẽ hatu yunuismaki, hãtxa pepawẽ ea besti duawakatsi ikama dami yushĩ duawaibuwẽ taeshunã.

Isaías 43:11

Ea besti ẽ Senhor Deuski. Eamaki hawa tsua betsa piskutirubumaki”, itã

Isaías 43:15

Earã, ẽ habia Israelĩ damiwanika meribi Senhor Deus ẽ matũ shanẽ ibuki.”

Isaías 44:6

Senhor Deus Israelĩ shanẽ ibu inũ hatũ merabenanika dasibi binuatũ yuikĩ: “Earã, ea dukũ ẽ hiweni inũ ẽ hawẽ henea debesekeaki. Tsuã ea binua Deus kayabi betsa hayamaki.

Malaquias 3:6

“Ea ẽ Senhor Deus maei ẽ hawa betsaismaki. Mã Jacó enabuwẽ taeshũ ẽ matu yamawakatsi ismaki.