Êxodo 6:1 - Kaxinawá Bíblia (BR)

¹ Senhor Deusũ kemakĩ yuikĩ: —Txanima habiaskaki. Natiã Faraónẽ ẽ kupiai mĩ uĩshanaii. Matu nitxĩkatsi ikama matu yaushibiai ẽ kushipawẽ taeshũ hawenabu anua ibubis Faraó matu ana nemama nitxĩshanikiki, mã kaĩbainũbunã— iwanã,

Êxodo 6:1 Referencias Cruzadas

Êxodo 11:1

hanushũ hawaira Senhor Deusũ Moisés ana yuikĩ: —Faraó inũ hawenabu anua dami atimapa betsa wakĩ ẽ hatu uĩmakatsis ikaii. Ẽ haska waya mã kaĩbainũbũ matu ana nemama ibubis hawẽ kushipawẽ matu nitxĩshanikiki.

Êxodo 12:31

hawaira habias meshu merã Moisés inũ Arão hau itanũbũ, Faraónẽ hatu yunua bushũ hatu iweabu Faraónẽ hatu yuikĩ: —Matu inũ matunabu bui keyui ikis enabu heneribaĩkãwẽ. Haska mã yuishina matũ mekenika yushĩ Senhor Deus kẽwaĩ burikãwẽ.

Êxodo 12:33

Israelĩ enabu dasibi hau hawaira bunũbũ hatuwẽ datekĩ shinaĩ: “Hatuwẽ taea nukuri nũ mawatirumẽkaĩ”, iki yuinamekĩ hatũ mai hirabi anushũ Egito nawabu dasibibu hatu nitxĩbaunaibũ

Êxodo 12:39

Egito nawabũ hatu hawaira nitxiaĩbũ haska washũ piti pewatima pashai bukĩ misi wakĩ sapa washũ tsuitiki bawashũ pikubainibukiaki.

Êxodo 14:13

Moisĩ hawenabu hatu kemakĩ: —Datei babuama mesteĩ huĩti kushitã manakãwẽ. Haska hatu maemakĩ Senhor Deusũ matu merabewai samama mã uĩshanaii, ha yurabu matube bei matuki kemariabuma ana mã hatu uiãma ishanaii.

Êxodo 15:6

Ẽ Shanẽ Ibu Senhor Deusuũ, mĩ pũyã yusiuri kushipahairawẽ miki sinataibu mĩ hatu binumakĩ keyumiski.

Êxodo 7:4

Matũ hãtxa Faraónẽ nĩkama danãyã hanu ẽ kushipahaira ẽ hatu uĩmakĩ dasibibu unãmakĩ Egito nawabũ hatu itxakawakubaĩmisbu Israelĩ enabu shanẽ ibu tibi hawenabube nenua ẽ hatu iyushanaii.

Êxodo 7:5

Ẽ kushipawẽ Egito nawabu kupitã hatu anua Israelĩ enabu ẽ hatu tashnimabainai eã ẽ matu haska wabainai Egito nawabũ ea ẽ matũ shanẽ ibu Senhor Deus ea unãshãkanikiki— akĩ Senhor Deusũ Moisés yuia

Isaías 63:12

Hatũ hawẽ kushipa pehairawẽ Moisés mekekubainirã, hanimẽ? Hawẽ taea hawẽ kena pepa hakimatimawakĩ Ianẽwã Tashipa nukunabu pashkashunirã, hanimẽ?’ ikaibũ

Números 11:23

Senhor Deusũ Moisés ana kemakĩ yuikĩ: —Mĩ ea shinanã, ẽ kushiparã, pesheishta dabanẽ mĩ ea shinaĩ ikai? Natiã haska ẽ mia yuiai ẽ mia ashũtirumẽkaĩ, ẽ mia ashũtirumamẽkaĩ, mĩ uĩshanaii— aka

Números 23:23

Israelĩ enabuũ, natiã ẽ matukiri pepa shinãkĩ yuiairã, Deusũ matuwẽ taeshũ hawẽ dami kushipa matu ashũkĩ uĩmai yura betsabu matu uĩ e ikanikiki. Jacó enabu tsuã hatu yupukãtirumaki. Israelĩ enabu tsuã hatu mukayatũ daũtirumariki.

Hechos 13:17

Habias Yavé Deusũ nukũ shenipabu katunishũ habiatũri Egito anu hatu iwenishũ nawabu keska hiwemakĩ harishũ hatu pahairawa hanu hiwekubainaibũ hanushũ hawẽ kuxipawẽri nawabu nematã ha mai anua hatu tsekabirãkĩ

Deuteronômio 4:34

Haska matũ mekenika Senhor Deusũ matũ ibubu katushũ abirani keska nawa betsaburã, tsua haska keska hayabumẽ? Eska tibi akinã, matũ ibubu katushũ hawẽ unãti itxapa inũ, hawẽ unãmati dami itxapa inũ, dami itimaska betsa betsapa wakĩ hawẽ kushipawẽ hatu datemakĩ hatu detenamemakĩ Egito anua Senhor Deusũ matunabu abirani keska habias mã uini keska wakĩ mekenika yushĩ betsanã, atirumẽ? Haska keska hayamahairaki.