Êxodo 34:7 - Kaxinawá Bíblia (BR)

⁷ 1.000ti pakea pakubainaibu ẽ nuikipawẽ kaneama ẽ hatu mekepakemiski, hatũ txakabu hakimairã, sinatabiaibu inũ txakabuaibunã. Hakia tsuãra txakabuwakẽ hawẽ kupitiwẽ ẽ nuitirumaki, ha txakabu shinãkĩ hatu kupikinã, hatũ ibubu inũ, hatũ bakebu inũ, hatũ bababu inũ, hatũ bababũ bakebu hatube ẽ kupipakeshanaii— ikaya

Êxodo 34:7 Referencias Cruzadas

Gênesis 19:16

Ló haska wabu kai yane kaĩ kainama niti itã itanaya Senhor Deus Lówẽ nuiaya Ló mekẽ inũ hawẽ ainĩ mekẽ inũ hawẽ bake dabetũ mekẽ nai tsumabũ hatu metsũtã mae anua hatu tashnimabaĩ nitxĩtã yuikĩ: —Mã mawayamanũ pashakãwẽ. Kai nasaukeama neriri ana uiãma inũ napãpanã niti ikama butãkãwẽ, matu yamawariatirukirã. Ha mati anu pashai hiwei bukãwẽ— hatu akabu

Neemias 1:5

yuikĩ: “Nai anua Senhor Deusuũ, mĩ mekenika Deus kushipa meseki. Tsuabũra mia betxipaikĩ mĩ yunuti hãtxa inũ mĩ nemati hãtxa txibãkĩ akubainaibuwẽ nuikĩ haska mĩ hatube yubakani heneama shinãkĩ mĩ akubainaii.

Êxodo 33:19

—Tsuabura ẽ duawakatsi ikai ẽ hatu duawamiski. Tsuaburawẽ ẽ nuikatsi ikai, hatuwẽ ẽ nuimiski. Eã besti ẽ hatu katumiski. Haskakĩ ẽ kena Senhor Deusrã, mia unãmakĩ mĩ besuuri ẽ pepa dasibi ẽ mia daĩmabaĩshanaii.

Êxodo 34:9

yuikĩ: —Senhor Deusuũ, miarã, Senhor Deus Mimebi mĩ Hiweaki! Ẽ mia benimawamiswẽ taea txanima nukube kashãwẽ. Ha enabu huĩti kushibuki. Haskabiakẽ nukũ txakabu nuku buashũtã ana minabu nuku wariwe— aka

Isaías 45:21

Mã haratura dami yushĩbe hãtxakĩ yukakatsi ikairã, haska matu ashũtirumẽkaĩ, betsa tibi meakeakei habe hãtxakĩ unãti wakĩ unãkãwẽ. Na haska tibi inũbariairã, bebũkirihairarã, tsuã yui txaninimẽ? Ea besti ẽ ikama inimẽ, Senhor Deusrã? Deus kayabi betsa ea keska hayamaki. Deus kushipahaira maemakĩ mekekĩ binumanika tsua ea keska hayamaki.

Miquéias 6:11

Hawẽ shãkama unãkĩ tanati txakabuwẽ hatu parãkubaĩmisbu hatũ txakabu tere akirã, haskatã ẽ hakimatirumẽ?

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Mateus 12:31

Haskakẽ matu yusĩnũ nĩkakãwẽ. Yurabũ txakabu betsa betsapawakĩ txakaburi yuimisbu Deusũ hatũ txakabu buashũkĩ hakimawatiruki. Hakia matu keskatũ tsuabũra hawẽ Yushĩ Pepa danãkĩ yuãkubainaiburã, hatu buashũtaskama ishanikiki.

Mateus 6:12

Ha inũ, nuku txakabuwaibu hatu hakimawakĩ hatũ txakabu nũ ana haska xinãmawẽ taeshũ nũ mia txakabuwai buashũtã ana haskakiri nuku xinãmayamawe.

Lucas 7:42

Ha dabetũ hania pei bishũ pakatirubumakẽ huni betsã ha dabe pei inãyuima deveabu hatuwẽ nuikĩ ha dabetũ devea hatu kenatã hakimaxinaki, ana xinãmarã. Haskakẽ ha dabetanã, haratutũ ha hatũ pei inãyuima abuhairaimẽkaĩ, betsa binũkinã?— aka

Lucas 7:48

aĩburi yuikĩ: —Epa Deus ẽ mia daewashũshuki, mĩ txakabu mia buashũtã hau ana xinãyamanunã— akaya

Hechos 13:38

—Enabuũ, Moisés nuku keneshuniwẽ nukũ txakabu buakĩ nukũ xinã xarabu pewatirumaki. Hakia Jesuswẽ taeshũ Deusũ hau matũ txakabu matu buashũshanũ unãkĩ ha txibãkãwẽ. Hanushũ tsuabũra Jesus habũ ikũwaĩbu Deusũ hatũ txakabu buashũkĩ hatu pepawakĩ keyushanikiki.

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Efésios 4:32

Hakia maturã, mã pepakatsis ikairã, matunabuwẽ nui bestikubaĩkãwẽ. Hawara mã hatube txakabumis daenametã duanameirã, matũ txakabu hakimarabetã ana xinãma pepakubaĩkãwẽ, haska Cristõ matũ txakabu buanikẽ Deusũ ana xinaĩsma keskairã.

Hebreus 12:29

Nukũ Deus kuxiparã, txi keskaki, dasibi yamawakĩ keyutirurã.

Josué 24:19

Josué hatu yuikĩ: —Nukũ mekenika Senhor Deus tari meribi pepa hiwemistũ hawenabu yaushinikawẽ taeshũ hawara txakabu mei haki patapakĩ mã duawakĩ pewatirubumaki.

1 João 1:9

Hakia hau nukũ txakabu nuku buashunũ hawara mekĩ nũ hatu mexu waxinaki dateama Deus inũ tsuabura nũ txakabuwaxina hau nĩkanũbũ shabakabi nũ hatuki txaniaya Deus pepa nukuwẽ nuikĩ nukũ txakabu buatã ana xinãma nuku hakimawatiruki.

Apocalipse 20:15

tsuabũra Deus txibãkĩ Jesus ikũwãbuma habũ kena Deusũ haki kenemis una anu habũ kena hayama ha iã hanu menui here hi hi ikai anu ma hatu puta keyuabuki.

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.