Êxodo 34:5 - Kaxinawá Bíblia (BR)

^5-6 hanua nai kuĩwẽ Senhor Deus bututã Moisésbe nitã ha bebũ daĩbaĩkĩ Moisés hui kushipawẽ hawẽ kena kayabis yuikĩ: —Earã, Senhor Deus Hamebi Hiwemis ẽ eaki! Ẽ nuikipa pepa inũ ẽ hĩ hĩma inũ ẽ txanitxakaisma inũ ẽ nuikipa itamamaki.

Êxodo 34:5 Referencias Cruzadas

Êxodo 19:18

mati mamaki txi here merã Senhor Deus ma butuawẽ taeshũ txi kuinẽ Mati Sinai hirabi atximakĩ bai ewapa kua keska hawẽ kuĩwẽ mati anu patxa sakumaya

Êxodo 19:9

hanua Senhor Deusũ Moisés yuikĩ: —Uiã. Nai kuĩ matũ mae anu butetã ha meranua nũ hãtxanameaya minabũ nĩkatã hau mĩ hãtxa ikũwãkubaĩshanũbũ hanua ẽ mibe hãtxai kashanaii— iwanã

Êxodo 33:19

—Tsuabura ẽ duawakatsi ikai ẽ hatu duawamiski. Tsuaburawẽ ẽ nuikatsi ikai, hatuwẽ ẽ nuimiski. Eã besti ẽ hatu katumiski. Haskakĩ ẽ kena Senhor Deusrã, mia unãmakĩ mĩ besuuri ẽ pepa dasibi ẽ mia daĩmabaĩshanaii.

Êxodo 33:9

ha tari hiwe merã Moisés hikiaya nai kuĩ butukirã tari hiwe hikiti shui anu nia nai kuĩ merã hunebia Senhor Deus Moisésbe hãtxaya

Provérbios 18:10

Senhor Deusũ kushipa kayabi shinãtirã, mishki kushipa hiwe keyatapa wanibu hanu iruti keskaki. Tsuara pepabu hatũ mekenika Senhor Deus anu itxai buaibu hatu mekekubaĩmiski.

Isaías 1:10

Maewã Sodoma shanẽ ibu inibu keskabuũ, Senhor Deusũ hãtxa nĩkakãwẽ. Maewã Gomorra anua keskabuũ, nĩka pehaira wakãwẽ, nukũ Deusũ matu yusiainã.

Números 11:17

Uiaĩbu bututã ẽ mibe hãtxai kaii. Hau habuã mia merabewakĩ ha yubabu mibetã hau mekekubaĩshanũbũ ẽ yushĩ mĩ hayarã, pashkashũ hatu tibi ẽ inãbaũshanaii, mawaira ana mimesti bika teneama hatube mĩ merabenãshanunã, minabu hatu merabewakĩ iyuirã.

Números 11:25

hanua nai kuĩwẽ Senhor Deus bututã Moisésbe hãtxai menetã hanushũ ha Yushĩ Moisés inaĩma haya pashkatã ha 70 shanẽ ibubuki inãbaunaya ha Yushĩ hatu merã hikikĩ hatu atxia Deusũ hãtxa yuishunikabu keska hatu hãtxamatã ana haska hatu hãtxamama inikiaki.

Números 12:5

nai kuĩ butuawẽ Senhor Deus ma butua hanu haki nukuti tari hiwe hawẽ beputi bebũ nishũ Arão inũ Miriã hatu kena ha dabe beabu

Números 14:17

Haskakenã, Senhor Deusuũ, mĩ haska hatu yubaima akĩ mĩ kushipa hatu uĩmakĩ iyukĩ hatu niti akama heneyamawe. Yurabu txakabubu kupikĩ mĩ heneismabia hakia hatũ ibubũ txakabuwẽ taeshũ hawẽ bakebu inũ, hawẽ bababu inũ, hatũ bababũ bakeburi inũ, habũ bababũ bababuri mĩ hatu kupimisbia ikis hawaira sinatama nuikipa benimanikahairakĩ mia nĩkaisbumabiakẽ hatũ txakabu tere akĩ ana shinãma mĩ hatu hakimawatiruki.

1 Samuel 3:18

Senhor Deusũ hãtxa Samuelĩ Eli banabimakĩ huneama dasibi yui keyua, Elĩ nĩkatã yuikĩ: —Aa, mĩ ea peirawawa! Txanimaki. Nukũ Shanẽ Ibu kayabiki. Hawenaki. Haska betxipaiai keska hau anũwẽ— aka