Êxodo 33:13 - Kaxinawá Bíblia (BR)

¹³ Na haska nũ hãtxamisrã, txanimaki. Haskawẽ taeshũ ẽ mia ea aki ikaii. Haskara mĩ nukukiri shinaĩmẽkaĩ, huneama shabakabi ea unãmawe, nũ parananãma ikũkaĩmis ẽ hatu yuikubaĩshanunã. Ha dikabi Israelĩ enabu minabuki, shinãpakeshãwẽ— aka

Êxodo 33:13 Referencias Cruzadas

2 Samuel 15:25

shanẽ ibuhaira Davi kashũ Deusbe hatunabu hãtxashunika Zadoque yuikĩ: —Maewã Jerusalém anu Deus hatube yubakani hãtxa aruni bau bui txĩtũkaĩwẽ, Senhor Deus ewẽ nuikĩ ea merabewa ana txĩtũkirã hawẽ hãtxa aruni bau inũ hawẽ tari hiwe hania ẽ ana haki nukutirumẽkainã.

Salmos 27:11

Senhor Deusuũ, natiã eki sinataibu hamẽ ekiri txanitxakai itimaskabirã ea atxikatsis ikaibu haska shinaĩbu keska ea hatu yunuyamawe. Hakia mĩ bai pepa ea unãmakĩ hawẽ ea iyuwe, ẽ hawẽ kanunã.

Salmos 51:13

Mĩ ea haska waya ha mĩ ea yusiaĩwẽ mia nĩkaisbuma huni txakabubu hau mia anu benũbũ mĩ bai pepakiri ẽ hatu yusĩshanaii.

Êxodo 3:10

Haskawẽ taeshũ enabu Israelĩ enabu Egito anua mĩ hatu kaĩmashanũ Egito shanẽ ibu bena anu ẽ mia nitxĩkĩ yunuyuaki— aka

Êxodo 3:7

ana Senhor Deusũ shabakabi yuikĩ: —Egito anushũ enabu itxakawaibu shabakabi ẽ hatu uĩmis ẽ unaiĩ. Hatu dayama txakayamaibũ hau ẽ hatu merabewanũ nuitapai hãtxawẽ ea yukaibu ẽ nĩkaii.

Êxodo 32:12

Egito nawabũ mikiri shinã txakakĩ: “Senhor Deusũ harishũ hatu parãtã mati matipa anushũ tenanũ ishũ hatu iyuimashũ mai hirabi anua hatu yamawashinaki”, ikĩ mikiri yuitirubuki. Mikiri haska hãtxatirubukẽ haska hatuki sinatai henei beshtekeriwe, minabu mĩ hatu txakabuwatikiri mĩ shinãshurã.

Êxodo 32:14

Moisĩ hãtxa nĩkatã haska hatu txakabuwati hãtxashu Senhor Deusũ shinã betsa wai beshtekeaya

Êxodo 32:7

hanua haskaibũ Senhor Deusũ Moisés yuikĩ: —Uĩwẽ. Minabu Egito anua mĩ hatu iweimarã, hatũmebi txakabui benukanikiki. Hatu uĩ hawaira butukaĩtãwẽ.

Êxodo 34:9

yuikĩ: —Senhor Deusuũ, miarã, Senhor Deus Mimebi mĩ Hiweaki! Ẽ mia benimawamiswẽ taea txanima nukube kashãwẽ. Ha enabu huĩti kushibuki. Haskabiakẽ nukũ txakabu nuku buashũtã ana minabu nuku wariwe— aka

Êxodo 5:1

Shaba betsatiã Egito shanẽ ibu Faraó anu Moisés inũ Arão kai hikishũ Arãonẽ Moisĩ hãtxa yuishũkĩ: —Israelĩ enabu mekenika Senhor Deusũ hãtxa mia yuinũ ea nĩkawe: ‘Hari tsua hiweabuma anushũ hau enabũ ẽ pepa shinaĩ besi nawatanũbũ hatu nemakĩ bashiyamashãwẽ’, akĩ, mia yuikiki— aka

Isaías 63:17

Senhor Deusuũ, haskakĩ mĩ hãtxa nũ txibãbiaya mĩ kati bai mĩ nuku benumamismẽ? Haskakĩ miki meseti shinãmama nukũ huĩti mĩ nuku kushi wamismẽ? Mĩ nuikipawẽ taeshũ mĩ tsumabu hawaira hatukiri shinã betsa watã hatu pewariwe, minabu shukuabu tibi wakĩ mĩ hatu katunirã.

Isaías 63:19

mĩ nukũ shanẽ ibumakẽ nuku akawakĩ inũ mĩ kena kushipa nũ hayama nuku wakinã.

Joel 2:17

Senhor Deusũ kẽwãti hiwe Templo hemaĩtĩ anu itxabu bebũ nikaĩ Deusbe nukunabu hãtxashunikabu Senhor Deus dayashũmisburã, ha meribi dĩtu beputi anu hawẽ kẽwãti txi tapu namakis nia kashakĩ eska hãtxa Senhor Deus hau yuinũbũwẽ: “Senhor Deusuũ, minabũ txakabu tere atã ana shinãyamawe, hau ana tsuabura minabuki kashekubaĩyamanũbunã. Minabu nawa betsabũ hatuna wakĩ ibuwatã hau ana hatu yunuyamashanũbũwẽ. Habũ ikũwãbumã mikiri hatu yukakĩ: ‘Hania, matũ Mekenika Deusrã? ikĩ hau ana haska hatu yuiyamakubainũbũwẽ’ ”, ikaibũ

João 17:3

Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

Romanos 11:28

Hanushũ tsuabura Deusũ katutã habuwẽ nuikĩ duawamis inũ hawara hatuki tanani hawẽ xinã Deusũ betsa waismawẽ taeshũ Abraão inũ Isaque inũ Jacó hatu katuni habũ bababũ kakape Cristokiri danaĩbu Deus hatuki sinatayuikiki. Haskawẽ taea ha hatu maebaũ matu hawenabu wariayuikiki. Haskabia hatũ shenipabũ ikũwãnibu hakimama hatuwẽ nuikĩ Deusũ Israelbu heneama hatu xinãriaikiki.

Efésios 1:17

Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro