Êxodo 33:12 - Kaxinawá Bíblia (BR)

¹² Txipu hanu Senhor Deuski nukuti tari hiwe anushũ hãtxanamekĩ Moisĩ Senhor Deus yuikĩ: —Uiã. “Minabu iyushãwẽ”, akĩ mĩ ea yuibiashĩshũ tsuã ea merabewashanai mĩ ea yunuriamaki. Hamẽ betsa ea yuikinã: “Mĩ ea haibuwani mĩ eki txiti imis ẽ unaiĩ. Mĩ ea benimawamiski”, akĩ mĩ ea yuiriashinaki.

Êxodo 33:12 Referencias Cruzadas

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

2 Samuel 15:25

shanẽ ibuhaira Davi kashũ Deusbe hatunabu hãtxashunika Zadoque yuikĩ: —Maewã Jerusalém anu Deus hatube yubakani hãtxa aruni bau bui txĩtũkaĩwẽ, Senhor Deus ewẽ nuikĩ ea merabewa ana txĩtũkirã hawẽ hãtxa aruni bau inũ hawẽ tari hiwe hania ẽ ana haki nukutirumẽkainã.

Salmos 1:6

Hakia hawara Deusũ betxipaiai yurabu pepakĩ txibãmisbu Senhor Deusũ hatu mekekubainaya habũ Deus txibaĩsbuma hani pashati hayama benuhairashãkanikiki.

Êxodo 3:10

Haskawẽ taeshũ enabu Israelĩ enabu Egito anua mĩ hatu kaĩmashanũ Egito shanẽ ibu bena anu ẽ mia nitxĩkĩ yunuyuaki— aka

Êxodo 3:4

kai ma kemaya hi mashu menui here hi ikai merãshũ Senhor Deusũ kenakĩ: —Moisĩ, Moisĩ— aka Moisĩ kemakĩ yuikĩ: —Ẽ nenuki. Ea yuiwe— aka

Êxodo 32:34

Hakia natianã, ẽ hatu kupiyuamaki. Hakia hari ẽ mia yuima anu minabu hatu iyuritãshãwẽ. Hau hatũ mia merabewai bebushũkainũ ẽ nai tsuma kushipa ẽ mia yunushunaii. Hanu yurabu dasibi ẽ hatu unãti waitiã habu txakabunibu hatũ txakabuwẽ taeshũ ẽ hatu kupishanaii— atã

Êxodo 33:1

Habiatiãri Senhor Deusũ Moisés ana yuikĩ: —Minabu iyui nenua kariwe. Ha dukũ Abraão, ha katxu hawẽ bake Isaque, ana ha katxu hawẽ baba Jacó ẽ yubakĩ: “Na mai pakea hirabi minabu ẽ ibu wamashanaii”, akĩ ha dabe inũ besti habiaskasri ẽ hatu yubani anu minabu Egito anua mĩ hatu tashnimabiranima hatu iyuritãwẽ.

Êxodo 33:17

Moisĩ hãtxa nĩkatã Senhor Deusũ kemakĩ yuikĩ: —Peki. Haska mĩ ea yukai keskarã, mĩ ea benimawaya mĩ kenawẽ ẽ mia unaĩwẽ taeshũ haska nũ hãtxai ẽ mia ashũpakeshanaii— aka

Êxodo 33:2

Ẽ nai tsuma kushipa hau hatũ matu merabewakubainũ matube ẽ yunushanaii. Mã hariri kanũ hau hatũ matu bai meshtemabaĩkĩ nawa tibi hatũ mai pakea anu Canaã nawabu inũ, Amorreu nawabu inũ, Heteu nawabu inũ, Ferezeu nawabu inũ, Heveu nawabu inũ, Jebuseu nawabu matu nitxĩmashanikiki.

Êxodo 34:9

yuikĩ: —Senhor Deusuũ, miarã, Senhor Deus Mimebi mĩ Hiweaki! Ẽ mia benimawamiswẽ taea txanima nukube kashãwẽ. Ha enabu huĩti kushibuki. Haskabiakẽ nukũ txakabu nuku buashũtã ana minabu nuku wariwe— aka

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

Isaías 45:3

Ea ẽ Israelbũ Senhor Deusũ mĩ kenawẽ ẽ mia kenai mĩ ea unãshanũ mabu karuhaira inũ pei hune aru pehaira wanibu mia betximatã inãkĩ ẽ mia haya wakubaĩshanaii.

Jeremias 1:5

“Mĩ ibubũ mia bikĩ naneriama bebũkiri ẽ mia katuniki. Minabu shukuabu tibi hiwebaunabu anu ẽ hãtxa ea yuishunika mĩ ikũkaĩshanũ mĩ kaĩriama eã mia meribi wakĩ ẽ mia pashkaniki”, ea wa

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.