Êxodo 2:24 - Kaxinawá Bíblia (BR)

²⁴ habu nuitapahaira waibu hãtxa nĩkatã haska hatũ shenipabu Abraão inũ, Isaque inũ, Jacó yubani Deusũ ana shinãkĩ

Êxodo 2:24 Referencias Cruzadas

Gênesis 15:13

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

Gênesis 17:7

Mia inũ mĩ bakebu inũ mĩ bababu inũ dasibu minabus ipakeshanaibu ẽ hatukiri yubakariaii, niti ikamarã. Ikis ẽ mĩ mekenika Deuski. Mĩ ma mawakẽ txipu ẽ habũ Deus iriashanaii, hatu merabewakubainirã.

Gênesis 26:2

haria Senhor Deus haki nukushũ Isaque yuikĩ: —Egito mai pakea anu kayamashãwẽ. Hanira ẽ mia yunuai anu besti mĩ katiruki. Natiã na habia mae anu besti hiweyuwe. Haskai hanu Filisteu nawabu dapi mĩ hiwekẽ mia mekekĩ ẽ mia duawayuaii. Mia inũ minabu paibu na mai pakea hirabi ẽ matu ibu wamashanaii. Mĩ epa Abraão ẽ yubani keska wakĩ habiaskari ẽ mia yubaii. Ẽ yunua Abraão ẽ hãtxa dasibi txibãkĩ akubainiwẽ taeshũ minabu ẽ pahairawashanaii, bishiti tsuã tanatiruma keska wakinã. Haska bestima minabuwẽri na mai hirabi anu yurabu shukua tibi dasibibu ẽ hatu duawapakeshanaii— aka

Gênesis 26:24

meshu merã Senhor Deus haki nukushũ Isaque yuikĩ: —Dateyamawe. Ẽ mĩ epa Abraão mekenika Deuski. Hawara ẽ yunua Abraão txibãkĩ akubainiki. Haskawẽ taeshũ haibuwakĩ ẽ mia duawariashanaii, minabu itxapa mia pa washũkinã— atã kakẽ

Gênesis 32:28

—Deus inũ hunibu binũkatsi ikũkaĩkĩ mĩ ma hatu maemaki. Haskawẽ taeshũ habũ mia ana Jacówẽ kenabuma ishãkanikiki. Hakia mia kenakĩ: “Israelki”, akĩ mia kenashãkanikiki— aka Israel nukũ hãtxarã, “Deusbe mĩ ma binunameaki” aka

Gênesis 35:11

Ana yuikĩ: “Earã, ẽ mekenika Deus kushipaki, ẽ kushipawẽ dasibi ẽ hatu binu keyuarã. Ea nĩkawe. Itxapai pashãkãwẽ, minabu bake pawai mirimahairawairã. Mia anua minabu shukua betsa betsapa shanẽ ibu kayabi ishãkanikiki.

Gênesis 35:12

Na mai pakea mĩ hutxi Abraão inũ mĩ epa Isaque yubakĩ ẽ yununi habiaskari wakĩ ẽ mia yunuaii. Hanushũ txipuri minaburi pakubainaibu ẽ hatu yununũbariaii”, atã

Gênesis 8:1

Hanua Noé inũ yuinaka betsa betsapa sharabu shashu nunuti merã Noébe hiweyuabũ Deusũ hatu shinãkĩ hene tsusĩ wãkĩ taewakĩ niwe shũku imaya hene netsui taekainaya

2 Reis 13:23

Abraão inũ, Isaque inũ, Jacóbe Deus hatube yubakaniwẽ taea Israelĩ enabuwẽ nuikĩ hatu shinãkĩ Senhor Deusũ hatu merabewakĩ Síria nawabu hatu nemashũkubainikiaki. Hatu txakabuwakĩ yamawakatsi ikama inũ ha bebunua hatu putakatsi ikama ikũkainikiaki. Na habiatiã Senhor Deusũ hatu mekeriakubainikiki.

Salmos 22:24

Senhor Deusũnã, nuitapaibu hatuki dakekĩ hatu danaĩsmaki. Hanua ea akabu hawa huneama hatuki dakei hatuki petxismaki, Hawara yukabu nĩkatã hatu merabewamiski.

Salmos 22:5

Habiabũri mĩ hatu merabewanũ mia ea akaibu mĩ hatu tashnimaniki. Mia nĩkakĩ txibaĩbu hatuki dakeama mĩ hatu merabewaniki.

Êxodo 6:5

Natiã ẽ hatu nĩkairã, Egito nawabũ hatunabu tsumawanishũ hatu dayamakĩ nuitapawa txakayamaibuwẽ taea haska hatũ shenipabube ẽ yubakani ma ẽ ana hatukiri shinaiĩ.

Números 20:16

Haskakẽ hau Senhor Deusũ nuku merabewanũ hãtxa kushipawẽ nuitapakĩ nũ ea akubaini hãtxai nĩkatã hawẽ nai tsuma Senhor Deusũ yunua Egito anua hawẽ nai tsuma kushipatũ nuku tashnimabirani ma natiã nenu Cades mae anu hikishĩshũ hanua mĩ mai pakea kesukauna anushũ nũ manayuaii.

Hechos 7:34

ana yuikĩ: “Enabu Egito anushũ bika tenetxakayamai saĩ iki kashai hawawẽ haskatima ikaibu txanima shabakabi ẽ uĩmis hatu merabewanũ ika ẽ butushuki. Uĩwẽ. Haskawẽ taeshũ Egito anu hari ẽ mia yunukatsis ikaii”, akĩ Deusũ Moisés yuinikiaki.

Juízes 2:18

Israelĩ enabu hatu itxakawaibũ bika tenei kashaibu nĩkai hatuwẽ nuikĩ shanẽ ibu unãti wanika kushipa betsa katushũ tashnimatã Senhor Deusũ hatu merabewakubainaya ha shanẽ ibu unãti wanika kushipa hiwekũkaĩkĩ Israelĩ enabu itxakanikabu hatu nemashũkubainaya

1 Samuel 9:16

“Meshukiri habia bariri huni betsa Benjamimnẽ enabũ maiwã pakeanua hanu mianu betsa ẽ yunushanaii. Israelĩ enabu ẽ hatu ena wani hau habũ shanẽ ibu ikũkaĩshanũ ha huni ea katushũkĩ ea meribi washũshãwẽ. Filisteu nawabũ hatu itxakawaibu bika tenekĩ Israelĩ enabũ ea yukaibu hatuwẽ nuikĩ ẽ nĩkaiwẽ taeshũ ẽ hatu merabewaya Filisteu nawabu ha hunĩ maemakĩ ea hatu putamashũshanikiki”, aka Samuelĩ nĩkashinawẽ taeshũ