Êxodo 2:23 - Kaxinawá Bíblia (BR)

²³ txipu bari itxapa kakẽ Egito nawa shanẽ ibu ma mawakẽ Egito nawabũ Moisĩ enabu Israelĩ enabu hatu itxakawakubainaibuwẽ taea huĩti nishmahairai kashai hau ea merabewanũ ika Israelĩ enabu nuitapai hatũ Deus ea akaibu Deusũ nĩkatã

Êxodo 2:23 Referencias Cruzadas

Gênesis 4:10

Senhor Deusũ yuikĩ: —Mĩ haska washinamẽ?— iwanã —Mĩ betsã himi mai anu habai sai ikĩ hau ẽ mia kupinũ ea yuikiki. Mĩ betsarã, mĩ tenãshinaki— iwanã

Êxodo 1:14

hatũ hiwea bikawakĩ hatuki besti txiti itã hatu daya kushipahaira hatu amakĩ ha hiwe wati mai basi husia hatu pewamakĩ betsaburi hatuki sinatabetanã bai anuri hatu dayamakĩ hatu haska wakĩ Israelĩ enabu Egito nawabũ hatu nuitapahairawanibukiaki.

Êxodo 4:19

Midiã nawabu anushũri Senhor Deusũ Moisés ana yuikĩ: —Habũ mia detenũ ika iniburã, ma mawanibuki. Dateama Egito anu ana katãshãwẽ— aka

Êxodo 6:5

Natiã ẽ hatu nĩkairã, Egito nawabũ hatunabu tsumawanishũ hatu dayamakĩ nuitapawa txakayamaibuwẽ taea haska hatũ shenipabube ẽ yubakani ma ẽ ana hatukiri shinaiĩ.

Êxodo 6:9

habias hãtxa Israelĩ enabu Moisĩ hatu yuibia Egito nawabũ hatu dayama txakayamaiwẽ taea huĩti nishma punu nukahairakĩ Moisĩ hãtxa danãkĩ ana nĩkakatsi ikabumakẽ

Êxodo 7:7

Moisés 80 bariya inũ hawẽ betsa Arão 83 bariya Faraó anu kashũ Senhor Deus hãtxashunibukiaki.

Isaías 5:7

Na uva baikiri miyuirã, Senhor Deus dasibi kushipahairatũ habu betxipaikĩ uva bai banayama keskarã, Israel hiweabu hatũ mai pakea inũ Judá enabũ mai pakeaki. Hanushũ hawẽ yunuti inũ hawẽ nematiki mesekĩ hau txibãkubaĩshanũbũ Senhor Deusũ hatu manabiaya habu anurã, sinatai inũ detenameaibu besti hayaki. Ha inũ, hawẽ yunuti kushipa pepa katuaibu hatu manabia haska hiweama hatu nuitapawaibu isĩ tenei biski ikaibu ẽ nĩka bestikubainaii.

Números 20:16

Haskakẽ hau Senhor Deusũ nuku merabewanũ hãtxa kushipawẽ nuitapakĩ nũ ea akubaini hãtxai nĩkatã hawẽ nai tsuma Senhor Deusũ yunua Egito anua hawẽ nai tsuma kushipatũ nuku tashnimabirani ma natiã nenu Cades mae anu hikishĩshũ hanua mĩ mai pakea kesukauna anushũ nũ manayuaii.

Hechos 7:30

Hari Midiãnawabu anu 40 ano Moisés ma hatube hiwea binukainaya Mati Sinai hanu tsua hiweabumanu Moisés kashũ uĩayã hi mashu kui menui keskai here hi hi ikai anu Deusũ nai tsuma nia

Santiago 5:4

Haskashanikiki. Nĩkairakãwẽ. Dayakapabu hatu dayamakĩ matũ bai hatu urumakĩ hatu parãkĩ haska wakĩ mã hatu beshpa betximis yuiaibu nukũ Epa Deus kuxipahairatũ hatu nĩkamiski. Ha inũ, matũ yunu matu tsekashũ mãtxĩshũmisbũ haska mã hatu pakama yui matuki ha ikaibu nĩkariamiski, Epa Deusunã.

Juízes 4:3

Jabimnẽ detenamenikabu shanẽ ibu mẽtsisipa hawẽ kena Sísera, mae ewapa betsa Harosete-Hagoim anu hawẽ hiwe ewapa hari hayanikiaki. Hawẽ 900 ferro mane cavalo tarãti detenamenikabu mapushũ Israelĩ enabu hatu bikahaira tenemakĩ itxakawakĩ 20 ano hatu nuitapahairawakubainaya hau hatu merabewanũ atimas Israelĩ enabũ hatũ Senhor Deus ea akĩ taewaibũ

1 Samuel 12:8

Jacó inũ hawẽ bakebu inũ hawẽ bababu Egito anu hikiabu txipu hatu itxakawakubainaibũ hau hatu merabewanũ matũ shenipabu kashakĩ yukaibu Senhor Deusũ Moisés inũ Arão hatu anu yununikiaki. Egito anua ha dabetũ matũ shenipabu iwekubirãkĩ na mai anu matũ shenipabu hatu hiwemanibuki.

1 Samuel 9:16

“Meshukiri habia bariri huni betsa Benjamimnẽ enabũ maiwã pakeanua hanu mianu betsa ẽ yunushanaii. Israelĩ enabu ẽ hatu ena wani hau habũ shanẽ ibu ikũkaĩshanũ ha huni ea katushũkĩ ea meribi washũshãwẽ. Filisteu nawabũ hatu itxakawaibu bika tenekĩ Israelĩ enabũ ea yukaibu hatuwẽ nuikĩ ẽ nĩkaiwẽ taeshũ ẽ hatu merabewaya Filisteu nawabu ha hunĩ maemakĩ ea hatu putamashũshanikiki”, aka Samuelĩ nĩkashinawẽ taeshũ