Êxodo 10:7 - Kaxinawá Bíblia (BR)

⁷ hawaira hawẽ merabewanika shanẽ ibubũ Faraó yuikĩ: —Ha hunĩ nuku nuitapawakĩ nuku itxakawakubainairã, hatiã nuku heneshanimẽkaĩ? Hau hatũ mekenika yushĩ Senhor Deus kẽwãtanũbũ hatu nitxĩriwe. Nukunabu mawai keyutirubuki. Nukũ inabu inũ nukũ mibã sharabu ma nuku yamawãkĩ ma keyuaburã, mĩ uiãmamẽ?— akabu

Êxodo 10:7 Referencias Cruzadas

Êxodo 12:33

Israelĩ enabu dasibi hau hawaira bunũbũ hatuwẽ datekĩ shinaĩ: “Hatuwẽ taea nukuri nũ mawatirumẽkaĩ”, iki yuinamekĩ hatũ mai hirabi anushũ Egito nawabu dasibibu hatu nitxĩbaunaibũ

Êxodo 7:5

Ẽ kushipawẽ Egito nawabu kupitã hatu anua Israelĩ enabu ẽ hatu tashnimabainai eã ẽ matu haska wabainai Egito nawabũ ea ẽ matũ shanẽ ibu Senhor Deus ea unãshãkanikiki— akĩ Senhor Deusũ Moisés yuia

Êxodo 8:19

hanua mukayabu bushũ hatũ shanẽ ibuhaira Faraónẽ yuikĩ: —Na shiu dami wakinã, hatũ Senhor Deus dasibi binuatũ besti hatu dami wamashuki— akabu haska nĩkabiatã ana hawẽ huĩti kushitã hatũ hãtxa Faraónẽ nĩkama haska Senhor Deusũ bebũkiri yuishina keskaya

1 Coríntios 7:35

Nemakĩ matũ hiwea beshtekĩ ana bikawakĩ itimaska wakatsi ikama hau mã unãnuma hiwenũbũ matu merabewa bestikatsis ikĩ nukũ Shanẽ Ibu besti matu duawamanũ ishũ haska ẽ xinaĩ ẽ matu yuiaii.

Josué 23:13

ana matu bebũkiri Senhor Deusũ hatu nitxĩshunama ishanikiki. Shinaĩrashãkãwẽ. Hakia hisĩ birũ keska wakĩ matu yabua inũ dispiwẽ matu kakush kakush aka keska wakĩ matũ beru anu musha tekea keska wakĩ parãkĩ nawa betsabũ matu itxakawaibũ na mai pepa matũ mekenika Senhor Deusũ matu ibu wamani anua mã debui keyushanaii, yamairã. Mã haskatiruwẽ taeshũ matũ mekenika Senhor Deus putataskayamashãkãwẽ.

1 Samuel 18:21

ana shinãkĩ: “Hatube detenameaya Filisteu nawabũ Davi harishũ tenãshãkanikiki. Haskakẽ ẽ bake Mical bimatã yunu txakamakĩ Filisteu nawabu ẽ hatu tenãmatirumẽkaĩ”, itã Davi ana kenatã yuikĩ: —Daviĩ, eskatianã, ẽ mia dais washanaii, ẽ aĩbu bake betsa mia bimakinã— atã

1 Samuel 5:11

Deusũ haburi kupikĩ su ika pawakĩ hatu isĩ tenemakubainaya ha maewã anu hiweabu datetxakayamakĩ hatũ shanẽ ibubu hau hatu yuishũtanũbũ hatu kenabu ma bei itxai keyuaibũ hatu yuikĩ: “Israelĩ enabu mekenika Deusũ hãtxa hatube yubakani aruni bau nenu mã beimarã, hatu bushũritãkãwẽ, ibubu anurã, hau nenushũ nuku dasibi tenãyamanunã”, hatu wanibukiaki.