Êxodo 10:6 - Kaxinawá Bíblia (BR)

⁶ Shini tatashki iki hikibaĩ mĩ hiwe hawẽrua betsa betsapa anu inũ mĩ merabewanika shanẽ ibubũ hiwe inũ minabũ hiwe tibi anuri hiki matashãkanikiki. Nenu hiwei taenibu anua shini beshanai keska mĩ epabu inũ mĩ hutxibũ haska uiãma ikubiranibu na mã hiweatiã haska tashnishanikiki— akĩ Moisĩ yuibia Faraónẽ ana nĩkamahairakẽ hãtxa watã dabekebaini Moisés inũ Arão kaĩbainaibũ

Êxodo 10:6 Referencias Cruzadas

Êxodo 11:6

Haskakẽ hanu Egito nawabu hiwebaunabu anua hatũ bakebuwẽ nuihairai bis bis iki kashahairashãkanikiki. Uatiã tenei kashanibu keskama inũ haska ana kashama ipashanaibu binui kashahairashãkanikiki.

Êxodo 11:8

Ha dikabi mĩ merabewanika shanẽ ibubu dasibi eanu beshũ eki dãti itã ea ea akĩ: “Haskakenã, nukũ mai pakea hirabi anua kariwe, minabũ mia nĩkamisbu iyuirã”, ea wariabuma ẽ katirumaki— akĩ Faraó yuitã Moisĩ sinatahairai Faraónẽ hiwe anua kaĩkaĩkẽ

Êxodo 8:21

Ẽ hãtxa nĩkama enabu mĩ ana bashiaya miki inũ, mĩ tsumabuki inũ, minabuki txupe mirimahaira ẽ yunushanaii. Mĩ hiwe inũ, minabũ hiwe inũ, mĩ mai hirabi anu txupe mirimahaira ẽ yunua shuku dakai buspu tsaubaũshãkanikiki, maĩ dikabirã.

Êxodo 8:3

Mĩ henewã anua hene kukatsa ikasi heu mirima kaĩ txube ibirã mĩ hiwe ewapa hawẽrua merã ishtxubaĩbaini hiki keyui mĩ dĩtu merã matai, mĩ ushati merã matai, inũ mĩ merabewanika shanẽ ibubũ hiwe merãri ishtxubaĩbaini matai inũ, minabũ hanushũ misi wamisbu anuri matai inũ, matũ misi wati hi kẽtxa merãri matai tsami keyubaũshãkanikiki.

Êxodo 9:18

Haskakenã, eskatiã ea nĩkawe. Meshukiri na habiatiãri barush ui mirima kushipahaira ẽ niri ashanaii, haska mĩ shenipabu Egito anushũ bai taenitiã barush ui haska ikũkiranama wakinã.

Êxodo 9:24

Egito nawabu shanẽ ibui taeaitiã barush ui mirima ha keska uiãma ikubiranibu inũ ana ikama ipakeshanai kana bakakĩ inũ barush ui mirima kushipahaira niri akĩ

Joel 2:9

mae kenebaunibu anu ishtxubaĩbaini inatã butubaini hiwe tibi hikikaĩ yumetsubu hawa txaniama keska hanu uĩti shui anu hikibaĩkĩ maewã hirabi atxi keyuaibũ

Hebreus 11:27

Haskakẽ Egitonawabu shanẽ ibu haki sinatabiaya hawa haki dateama Egito mai pakea anua kaĩkainima Deus uĩtirumabia ikũhairawakĩ xinã betsa wama ikũkainikiaki.