Efésios 4:31 - Kaxinawá Bíblia (BR)

³¹ Haska inũ, harakirira matu txakabuwabu has xinaĩ mã amua nimis, inũ mã pubẽhairamis inũ, mã sinatamis inũ, mã kũyã itxakayamamis inũ, sheti ikama mã ha imis inũ, hamapai txakabu betsa betsapa matũ hashpa anua kaĩmisrã, matubunã, puta keyurikãwẽ.

Kashinawa : Diosun Jesúswen taexun yuba bena yiniki

³¹ Jaska inun, jadakidida matu chakabuwabu jas shinain man amua nimis, inun man pubenjaidamis inun, man sinatamis inun, man kunyan ichakayamamis inun, xeti ikama man ja imis inun, jamapai chakabu betsa betsapa matun jaxpa anua kainmisdan, matubunan, puta keyudikanwen.

Efésios 4:31 Referencias Cruzadas

Gênesis 27:41

Hawẽ ibuã Jacó pepawakĩ hawẽ kushipa pepa yunushinawẽ taeshũ Esaú hawẽ betsa Jacó danãkĩ yuikĩ: “Ẽ epa ma mawa kemaikiki. Samama mawaya hawẽ nui kashai nesetã ẽ betsa ẽ tenãti shinaiĩ”, ikai

Gênesis 37:21

Rúbenẽ haskaibu hatu nĩkatã José hatu nemashunũ, iwanã, yuikĩ: —Tenãkĩ himi txakawama nenu na tsua hiweabumanu ua na kini merã putanãkãwẽ, deteamarã— haskatã José detepaiaibu hatu nemakĩ txipu hawẽ epanu iyushũkatsi Rúbenẽ haska shinanikiaki.

Gênesis 37:4

hatũ epã haska washũkĩ José betxipaihairai hatu binuhaira hawẽ betsabũ uĩkĩ José dananibukiaki, haska wa nia uĩ habe pe hãtxanameamarã.

Gênesis 4:8

ha nĩkabiashina txipu shaba betsatiã Caimnẽ hawẽ betsa Abel yuikĩ: —Unu kayunuwe— abaina habe ka bai anu hikishũ Caimnẽ hawẽ betsa kushakĩ tenãkẽ

2 Samuel 19:27

Hakia ea ashuãmabia mia anu ka ekiri txanitxakakĩ mia parãtanimaki. Haskabiaimakẽ mĩ ẽ shanẽ iburã, mĩ Deusũ nai tsuma keskawẽ taeshũ haska mĩ pe shinaĩ mĩ ashanaii.

2 Samuel 19:43

ha ikĩ Israelĩ hunibũ kemakĩ yuikĩ: —Matunabubia mã haska shinãmakẽ nukũ shanẽ ibũ nuku dasibi mekemiswẽ taea nukũ dukũ ikatsi nũ shinã taewashinaki, 10 shukua nũ matu binuabunã. Maturã, mã shuku bestitxaiki. Haskakĩ mã nuku danaĩ? Davi shanẽ ibuhairawanũ, iwanã, ana iweti shinãkĩ nuku dukũtũ nũ shinãshinaki, matu dukũmarã— hatu wabu txanima shinã pewabiai ha ibukuni Israelĩ hunibu binukĩ hãtxa kushipawẽ Judá hunibũ hatu ha a txakayamanibukiaki.

Salmos 15:3

tsuki shetxakakĩ hãtxa txakabu yuisma inũ, tsuara ha dapi hiweabu txitekĩ dakewaisma inũ,

Salmos 37:8

Mĩ sinatamis inũ mĩ pubẽmisrã, henekĩ putakubaĩwẽ. Mĩ sinatawenã, dasibi mĩ hamapai tibi mĩ ana pikukũkainaii.

Provérbios 10:12

Dananãkũkaini sinatanamei detenamemisbuki. Hakia huni nuikipanã, hawara txakabuwashinabu hatu daewatã hatũ txakabu hakimawatirubuki.

Provérbios 10:18

Txanitxakamisbu hune mia danaĩ sinatabiai mia hawa yuiamaki. Hakia unaĩsmapabu tari hãtxabiaibũ hawenamabia dasibi ikaibukiri hatu yuibaũmisbuki.

Provérbios 14:17

Tsuabura shinãma hawaira sinatakĩ txakabuwakubaĩmisbuki. Hakia tsuabũra bebũkiri pe shinãtã hawaira sinataisbumaki.

Provérbios 18:8

Matxupã txani yuibaũkinã, misi batapabu pimisbu keska wakĩ hatu nĩkamabaũmisbuki, hatũ shinã uke merã hatu mistukĩ txakabuwakinã.

Provérbios 19:12

Inu betsa leão pubeĩ tekerẽ imis keskai shanẽ ibu sinatakĩ hawẽ hãtxa kushipa hatu nĩkamamiski. Hakia shanẽ ibũ hawenabu hatu merabewakinã, hatu benimawamiski, basi anu ui eskarabes ikĩ txa amis keska hatu wakinã.

Provérbios 6:19

huni betsã txakabuwashu hatũ hawa uiãmabia txanitxakai shanẽ ibuki txanimisbu inũ, betsabu hau sinatanamenũbũ hatu txaniwẽ parãmisbu habu dasibirã, hatuki sinatakĩ Senhor Deusũ hatu kupishanikiki.

Jeremias 6:28

eã kemakĩ yuikĩ: “Senhor Deusuũ, ha dasibi yurabunã, tsuã nĩkaisbumaki, Yuananaĩ atimapai hiweabuki. Hatũ shinã kushihairabuki, mane bronze inũ due keskaburã.

Hechos 21:30

Hanushũ yurã kaiã itimaskai kuxibirã Templo hemaĩtĩ kene meribi anua Paulo atxitã shabakã kaĩmakĩ sharabainaibũ Templo shui beputi mekenikabũ hawaira bepuaibũ

Romanos 3:14

Hawẽ hashpawẽ yupukunaĩ kũyã imiski.

1 Coríntios 14:20

Ẽ betsabu inũ ẽ puibuũ, matubunã, haska bakeixtã hawa unãma xinãmis keska ana iyamakãwẽ. Hakia bake mixtĩbu parananaĩ txakabuwama imisbu keskai tsuabura mã ma ewarã, ana unaĩspama haskakiri xinaĩrakubaĩkãwẽ.

1 Coríntios 5:8

Hawara txakabu mã amis henetã ana itxakanikama duapakĩ hãtxa kayabi yuikĩ hawara Jesusũ nuku ashuni xinaĩ nawakubaĩkãwẽ.

2 Coríntios 12:20

Ha inũ, tsuabũra ẽ hãtxa mã habũ danaĩ mã haskarara ẽ matu uĩ kashanai inũ, matũri haskarara mã ea uĩshanai matuwẽ ẽ dateaii, eska mã hiweamẽkaĩ ikarã, mã danãnanãbukuaĩwẽ inũ, huni betsa ikaiwẽ uĩ mã hatuki sinatamiswẽ inũ, mã pubeaĩwẽ inũ, mã ibubis keĩ binũnãnaĩwẽ inũ, hune mã yuãnanaĩwẽ inũ, mã shabakabi txitenamemiswẽ inũ, “Eã besti ẽ hatu binuaki”, mã ikaiwẽ inũ, mã merabenameismawenã.

Gálatas 5:20

Haska inũ, yushĩ txakabu kẽwãkĩ hawẽ kuxipawẽ daunãnãkinã, yurabu hãtxaibu hatu nemakinã, kũyã ikirã, hawenabuwẽ nuiamarã, hawara betsa hayawẽ taeshũ hatu binũkatsis ikĩ danãkinã, yura betsabuki hawaira sinatakinã, hatuki ha ikĩ hatu sa akĩ keyukinã, ibubis hawara pepa bikĩ xinã betsa betsapa wai hiweabuki.

Efésios 4:22

Haskawẽ taeshũ matubunã, matũ hiwea sheni shabakabi yuikĩ txiterikãwẽ. Haska uatiã txakabui hiwekũkaĩkĩ txakabu betsa betsapawẽ kemukĩ ibubis parananaĩ mã ikũkainairã, putai beshterikãwẽ.

Efésios 4:25

Eskatianã, nũ Jesus ikũwaĩburã, nũ yura bestitxai keskaki. Haskawẽ taea hawara yui mã hãtxairã, ana txani txakai parananãma matunabube shabakabi yuinamekubaĩkãwẽ.

Efésios 4:26

Ha inũ, maturã, tsuara mã sinatamisrã, ana hawẽ txakabuyamakãwẽ. Tsukira sinatabiatã ana manai hatishuĩra bari txai tanama ushariama daenamekubaĩkãwẽ.

Colosenses 3:19

Aĩyãbuũ, maturi yununũ nĩkakãwẽ. Matũ aĩ abui hatuwẽ nuikĩ hatu ha akĩ bikawayamakubaĩkãwẽ.

Colosenses 3:8

natiã ana haska meama menã hawaira dasibi hene keyurikãwẽ, mã eskamisrã, mã sinatamisrã, mã kemumisrã, mã txakabu wamisrã, mã sheti ikama kũyã imisrã, sherabiãma mã hãtxa txakabu yui shetxakamisrã,

1 Timóteo 3:11

Habiaskari wakĩ aĩbuaiburi merabewanika katukatsis ikinã, hakiri pe xinaĩ haki kasheisbuma inũ, hatũ txani tuekĩ hatu nĩkamaisma inũ, patapai kasheisbuma inũ, dasibi hawẽ pepa hatu uĩmakubaĩmisrã, haska keskabu besti akubaĩkãwẽ, katukinã.

1 Timóteo 3:3

Ha dikabi eska tibi meama xinãmisburã, paẽakiri xinaĩsbuma inũ, detenamekatsi ikĩ xinaĩsbuma inũ, mabu inũ peiwẽ kemuisbuma inũ, duapakatsis iki pepamisbu itirubuki.

1 Timóteo 5:13

Haska inũ, yushaburiama hatũ piti inũ hatũ mabu inãkĩ mã hatu merabewaiwẽ taea haska besti bi ana dayakatsi ikama hiwe tibi anu besti hikikũkauni txikix pikutirubuki. Ha txikix pikuimarã, haska bestiama hiwe betsa tibi anu tsaushũ hatubetã txani yui inũ betsabuki txanitxakakĩ haska txani yui beyatirubuki, haskai txakabui pikuirã.

2 Timóteo 2:23

Ha dikabi, unaĩsmapabu kemanamei sinatanamemisbuwẽ taeshũ hatu nĩkayamakubaĩwẽ.

2 Timóteo 3:3

Yura betsabu duawatikiri xinãma inũ, hawa hatuki nuitimakiri xinãma inũ, yuãnanãti besti xinaĩ inũ, hatũ hiwea mekekĩ pewama pubẽ besti xinãkĩ hawara pepa Deusũ abumis danaĩ haki sinatashãkanikiki.

Tito 1:7

Ha daya pepa ikatsi ikĩ hatu bebushunũbũ mĩ hatu katutirurã, bebukĩ Deusũ enabu hatu mekemakatsi ikĩ haska tibi Deusũ abuai akatsi ikaibu hatu katukĩ yunukinã, hatũ hiwea hawa txakabu hayama pe besti ikubainaibu hatu akubaĩwẽ. Hatũ xinã betsa maewatirubuma akama inũ, sina besu akama inũ, paẽkatsis imisbu inũ, hãtxawẽ hatu bekũyã amisbu inũ, hatu beparãtã hatũ pei inũ hatũ mabu ibubis binumatã pei itxawamis haskabu uĩtã katutimaki.

Tito 2:3

Aĩbu ewabu hatu merabewakatsi yusĩkĩ habiaskari hatu akubaĩwẽ. Hatũ hiweawẽ pe hiwekĩ Deuskiri hau pe xinãnũbũ inũ, hau ana yuãnanãyamanũbũ inũ, hau ana paẽyamanũbũ inũ, haska Deusũ abumis hawẽ hiweawẽri hau dasibibu uĩmakubainũbũ hatu yuikubaĩwẽ.

Santiago 1:19

Ẽ betsabu inũ ẽ puibuũ, ẽ matuwẽ nuiaikirirã, eskaki, xinaĩrakãwẽ. Hawara Deusũ matu dasibi yusĩkatsis ikai menã hawaira nĩka peirawakubaĩkãwẽ. Hakia hawara yuii mã hãtxakatsis ikai unãshubira hatu yuikãwẽ, hawa hatuki sinatamarã.

Santiago 3:14

Hakia matubu betsa unãnepakatsis ibiai yura betsabu tibi hawara haya mĩ mia haskatiruma xinaĩ matũ huĩtinĩ pubẽkĩ hatu pashkanũ ika shanẽ ibunũ ikĩ haska Deusũ abumis txanima mã hayamabia haska bestiwẽ mã kẽkubaĩkanaii.

Santiago 4:11

Ẽ betsabu inũ ẽ puibuũ, betsabũ ikũwaĩbu betsabukiri hawara txakabu nĩkatã yura betsabu yuibaũkĩ mã habu yuaiĩ, hatukiri haskatimabiakenã. Txanima Deusũ nuku yusĩkĩ: “Matũmebi mã nuimis keskakĩ yura betsa betsapa tibiwẽ nuikĩ hatu duawakubaĩkãwẽ”, iwanã, nuku yusĩniki. Haskakẽ tsuabũra ikũwaĩ betsabu txitekĩ Deusũ yusĩa txiteriakĩ haratura yusĩa mã abuamabia hawẽ besti hatu unãti wakĩ mã hatu txiteakeakeaii, matũ yunukĩ akawakinã. Hatu haska wai mã daki ana Deusũ yusĩa txibãkatsi ikama danaĩ mã haki meseamaki, hawẽ yunutikirã, Deusũ abiashanayarã.

1 Pedro 2:1

Haska inũ, hamapai txakabu tibi mã akeakemis inũ, mã parananãmis inũ, mã beparamemis inũ, tsuara hawara pepa hayakẽ mã haskatiruma xinaĩ mã hatuki sinatamis inũ, hawara yura betsa ikai uĩtã matunamabia hawẽ taea mã yuãnanãkeakemis ana haskakiri xinãma henerikubaĩkãwẽ.

1 João 3:12

Adãonẽ bake dabe inibukiri matu ana xinãmanũ nĩkakãwẽ. Caimnẽ Satanásã xinã txibãkĩ hawẽ betsa tenãnikiaki. Haskarawẽ taeshũ animẽ? Caimnẽ hawẽ hiwea pepamakẽ hawẽ betsã Deusũ yunua aki pepaya haki sinatakĩ tenãnikiaki. Caimnẽ hawẽ betsa Abel abuama ini keskariai nukuburã, haskayamakubainãkãwẽ.

1 João 3:15

Tsuara ikũwaĩbu betsawẽ nuiama dakekenãmisrã, huni pubẽki. Ha huni haskaburã, hamebi hatũ hiwekuĩa hayatiruma mã unaiĩ.

Apocalipse 12:10

hanua hui kuxipa nai anua kaĩaĩ ẽ nĩkaya yuikĩ: “Nukũ betsabu habũ ikũwaĩbu bariri inũ mexu merã Deus bebũshũ nuku hatu txitẽkĩ yuãmis ma putabuki. Pehairaki. Natiã Deus shanẽ ibuaya hawẽ bake Messias Jesus Cristo habe shanẽ ibukĩ hatũ kuxipahairawẽ nuku mekekĩ taewakanikiki, ha yauxikĩ ana hawenabu benutimarã.