Efésios 4:30 - Kaxinawá Bíblia (BR)

³⁰ Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

Kashinawa : Diosun Jesúswen taexun yuba bena yiniki

³⁰ Jaskaken jabe matu jiwemakatsis ikin jamebi Diosun nai anu matu iyuxanun, iwanan, jawenabu wakin matu unanti wakatsi matu inani jawen Yushin Pepa ma jayadan, ana chakabukin jawen Yushin Pepa punu nukawayamakubainkanwen.

Efésios 4:30 Referencias Cruzadas

Gênesis 6:3

Hanushũ Senhor Deusũ hatukiri shinãkĩ: “Ẽ yushinẽ hatu merabewapaibia yurabũ ea shinãma txakabukubaĩkĩ hatũ yura besti shinaĩ hiwekanikiki. Haskaibuwẽ taea ana hatishuĩra hunibu hiwetirubumaki. Haskakubainaibu ana 120 bari besti yurabu hiwetã debushãkanikiki”, inikiaki.

Gênesis 6:6

Mai anu yurabu ẽ hatu damiwabiani hatũ txakabuwẽ taea ẽ huĩtinĩ ẽ bika tenehairaii”, ishũ ana shinã txãkãma

Isaías 43:24

‘Hawara ininipa peiwẽ bitã mã ea benimawanũ’, ikai ẽ matu yunuama inũ, ha binumakĩ: ‘Yuinaka sheni ea kuashũkãwẽ’, iwanã, ẽ matu hawa yunuamaki. Hamẽ haskama maturã, atimapa tibikĩ ea danãmakĩ txakabukĩ mã ea bika tenemakubainaii.

Isaías 63:10

Hatu haska wabia Israelbũ Senhor Deusũ Yushĩ sinatamakĩ dananibuki, nukũ mekenika meribi itxakinã. Haskawẽ taea ha danaĩbuki sinatakĩ hau hatu detenũbũ nawabuwẽ hatube detenamekũkainiki.

Isaías 7:13

hanushũ Isaíasĩ ana yuikĩ: “Davi shanẽ ibuhairani anua hawẽ bababuũ, ea nĩkakãwẽ, matu yuinunã: Ẽ hunĩ mia yunubia danãkĩ mĩ ea bika tenemaii. Hakia ẽ Deus ana danãhairakĩ ẽ Deus mã bika tenemariaii.

Marcos 3:5

yuinameakeakekĩ hatũ xinã bikawaibũ Jesus nĩkakatsis ikabumakẽ hanua Jesus sinatai huĩti nixmashũ hatu uĩkĩ keyutã ha huni mekẽ meyuxki yuikĩ: —Mĩ mekẽ mexãwẽ— aka mexãyã hawẽ mekẽ ma mepekei peaya

Lucas 21:28

Haskai taeaya mã hawawẽ ana hawa teneama samama ẽ matu pepawẽ hiwemayuai unãtã benimahairai naiuri teskãtã uĩkĩ ea betxishãkãwẽ— iwanã,

João 3:33

Hakia tsuabũra hawẽ bake danãma “Deus txani txakaismaki”, ikĩ hawẽ hãtxa mestẽwãmisbuki.

Hechos 7:51

Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

Romanos 8:23

Habu bestima nuku dikabirã, nũ Deusũ bakebunã, hawẽ Yushĩ Pepawẽ haska Deusũ nuku duawashanai hawẽ unãti wati yubani nũ haya hawẽ bake kaya keska wakĩ yura bena nuku inãshanai bishanũ ika hawara hawẽ bakebu yubabaini Deusũ nuku inãshanai huĩti detsupe ishũ bika tenekĩ nũ manayuaii.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

1 Coríntios 15:54

Haskai kaikiri Deus yuishunika Isaíasĩ kenekĩ: “Ana tsua mawama iki kai Messiasĩ mawa maemashanikiki”, ini shabakabi txanima ani nũ unaiĩ.

1 Tesalonicenses 5:19

Tsuabura Deusũ Yushĩ Pepatũ merabewa hawẽ kuxipawẽ dayaibu nematimaki.

Hebreus 10:29

Matubunã, xinãkãwẽ. Tsuabũ meshanimẽkaĩ, ha hawa hatuwẽ nuiama Deusũ hatu kupitxakayamashanairã. Jesus Cristõ himiwẽ hawẽ hatu yubani Deusũ Yushĩnĩ hawẽ taeshũ hatu abubia tsuabũra Deusũ bakeki hameĩ haki kashekĩ hawẽ himi hatu habashũbiani danãkĩ itxakanikiki, hawẽ taea habũ ikũwaĩbu pepati wabianikenã.

Hebreus 3:10

Ha yurabũ ea haska waibu hatuki sinatakĩ hatu yuikĩ: ‘Ẽ xinã abukĩ unãti wakatsi ikama danãkĩ hatũ huĩti pepariabumã hatũmebi benui mapuabuki’, iki

Hebreus 3:17

Tsuabuki inimẽ, 40 ano Deus hatuki sinatairã? Hanu tsua hiweabumanushũ Deus nĩkama hatũ txakabuwẽ hatu kupia mawakubirãkĩ imanibuki.