Daniel 3:28 - Kaxinawá Bíblia (BR)

²⁸ habiatiãri hawaira Nabucodonosorĩ hatu yuikĩ: —Sadraque inũ, Mesaque inũ, Abede-Nego hatũ mekenika yushĩ Deus dasibibũ hau kẽwãkubaĩshanũbũwẽ! Habu mawaki dateama hatũ mekenika Deus ikũwaĩ hawara yushĩ betsa bebũ dãti ishũ kẽwaĩsbuma inũ ea ẽ shanẽ ibũ yunuti hãtxa hawa akabumawẽ taeshũ txiwẽ nũ hatu kupiaya hatũ mekenika Deusũ hawẽ nai tsuma yunukĩ hawẽ dayarubu txanima txi nemashũkĩ hatu merabewashuki.

Daniel 3:28 Referencias Cruzadas

Gênesis 9:26

Hanushũ ana betsa yuikĩ: “Ẽ mekenika Senhor Deusũ hau Sem inũ hawẽ bababu ikubainaibu hau hatu duawakubaĩshanũwẽ. Ha inũ, Canaãnẽ bababurã, hau hawẽ dayaru escravo ikubaĩshanũbũwẽ, Sem dayashunirã.

Esdras 1:3

Haskakẽ mã tsuabura Senhor Deusũ enaburã, hau Deusũ matu merabewakubaĩshanũwẽ. Tsuara mã Judá mai pakea anu hiwea hunirã, Jerusalém anu butãkãwẽ. Ha Jerusalém anurã, hanu Israelĩ enabu mekenika Senhor Deus hiweaki. Harishũ hawẽ kẽwãti hiwe bena hawẽrua washuni burishãkãwẽ.

Esdras 6:11

Tsuãra ẽ yunuti hãtxa danãkĩ nĩkama danaĩburã, hawẽ hiwe hawẽ teweti betsa pekashũ nitxĩtã debu kenutã hawẽ yura ha mamaki hanakĩ hawẽ puku nashtu anu timabaĩ pesakĩ keũshãkãwẽ. Unãshubira isĩ tenekũkaini mawaya hawẽ hiwe pekakĩ keyushũ txakabuwakĩ mese washãkãwẽ. Haska dasibi ẽ matu yunuaii.

Salmos 33:18

Hakia tsuabũra haki mesei inũ hakiri pe hãtxakĩ nũ yuimis Deus nukuwẽ nuimis nũ ikũwaĩbu nuku putama nuku mekekubaĩmiski,

Salmos 33:21

Senhor Deusũ kena meribi kushipa ikũhairawai nũ haki txiti ikaya nukũ huĩti benimahairamiski.

Salmos 34:22

Hakia Senhor Deusũnã, hawẽ dayarubu haki txiti imisburã, hatũ hiwea hatu itxakawama hatu mekekubaĩshanikiki.

Êxodo 20:5

Ha yushĩ betsa betsapa dami tibi anurã, ha bebũ dãti ishũ duawakĩ kẽwãyamakubaĩshãkãwẽ. Matũ mekenika Senhor Deusrã, ẽ eaki, tsuabura enabu washũ hatu mekei ẽ hatu yaushimisrã. Habũ ea danãkĩ dami betsa kẽwaĩbu hatũ ibubũ txakabuwamisbuwẽ taeshũ hatũ bakebu inũ, hatũ bababu inũ, hatũ bababũ bakebu ẽ hatu kupikubaĩshanaii.

Daniel 2:47

Nabucodonosorĩ Daniel yuikĩ: —Na nama hunea tsuã atiruma ẽ mia hawa unãmakĩ yuiamabia mĩ ea tapĩmashũwẽ taea txanimahaira matũ mekenika Deus kushipakũkaĩkĩ yushibubu dasibi binuhairaikiki. Shanẽ ibubu dasibibũ shanẽ iburiki, hawara hunea hãtxa unãmamisrã— atã

Daniel 3:25

shanẽ ibũ ana hatu yuikĩ: —Haska wabiakãshukẽ eã uĩkinã, huni dabe inũ dabe neakama txi anu mapubaunaibu hawa menui txakabuama ẽ uiaiĩ. Ha betsarã, tsuã ha txi anu ureãma yushibũ huni bake itsaki— ikĩ

Daniel 4:34

Nabucodonosorĩ ana yuikĩ: “Deusũ ea kupini hanu ea menekĩ dasibi ea betsa waya ea Nabucodonosor naiuri teskãtã ẽ uiãyã ẽ shinã pepa ana eki hikimakĩ kaya waya Deus kushipa hatu binu keyua hiwei ikibi ika eã duawakĩ kẽwãkĩ yuikĩ: ‘Yurabu hiwea pakubainaibu Deus shanẽ ibukũkaĩkĩ hawẽ kushipawẽ hatu yunukubaĩshanikiki, hawa beshtekei heneamarã.

Daniel 6:16

hatũ hãtxa nĩkatã hau Daniel itãshũ hau mai kini merã inu betsa leão pubẽ hiweabu anu hau urenũbũ Dariõ hatu yunua Daniel putariabuma Dariõ Daniel yuikĩ: —Mĩ mekenika Deus txĩtuãma nĩkakĩ mĩ kẽwãkubainaitũ hau mia mekenũwẽ, mĩ debuyamanunã— akaya

Daniel 6:26

Hanira ẽ hatu yunubaũmis anushũ Danielĩ mekenika Deus hawa danãma hau haki mesekĩ unãkubaĩshanũbũ matu dasibi ẽ hãtxa ẽ matu yunuaii. Danielĩ mekenika Deus hiweaki, ikibi ikarã. Shanẽ ibukũkainai tsuã keyukĩ yamawatirumaki, hawẽ kushipa hawa keyutirumarã.

Mateus 4:10

ana nemakĩ Jesusũ yuikĩ: —Haska Deusũ hãtxa kenenibu ana nĩkawe: “Matũ mekenika yushĩ Deus besti duawakĩ kẽwãkubaĩshãkãwẽ, yushĩ betsaki meseamarã”, aniwẽ taeshũ ha mĩ haska yuiairã, ẽ mia akamaki. Satanásaã, kariwe— aka

Hechos 4:19

Pedro inũ Joãonẽ hatu nĩkasama hatu kemakĩ: —Dasibi nũ amis Deusũ unaĩwẽ taea haratu txibaĩ pemẽ? Matũ hãtxa nĩkaimẽkaĩ? Deusũ hãtxa nĩkairaka? Haskakẽ matũmebi unãti wakãwẽ.

Hechos 5:19

hanushũ mexu merã Deusũ nai tsuma hushũ habũ mekeabu hatu unãmamatã bitxiti hiwe beputi bepẽtã hatu kaĩmatã yuikĩ:

Romanos 12:1

Ẽ betsabu inũ ẽ puibuũ, nukuwẽ dabanã ikĩ Deusũ nuku duawakubaĩmiswẽ taeshũ hawara xinãkĩ abuai natiã mã ashũkubainũbũ shabakabi ẽ xinaĩ matu yununũ nĩkakãwẽ. Haska Deus kẽwãkĩ yuinaka detetã menukĩ inãkĩ apaunibu keskama hakia natiã matũ hiweawẽ Deus duawanũ, iwanã, meribi pashkai pepatã Deus matũ yura inãkuĩa keska wakĩ hawẽ kemutapai benimawakubaĩkãwẽ. Haska wakinã, txanima kayabi mã Deus kẽwaiĩ.

1 Coríntios 13:3

Haska inũ, hamapai ẽ haya inãtã hawẽ pei bitã ha nuitapai yumaĩbu pimai inũ, Jesus Cristo ikũwãkĩ ẽ hawẽ kakape yusĩkubaunaya huni betsã ea atxishũ ẽ nĩkai ea kuabiaburã, ẽ nuikipamakẽ Deusũ ea hawawẽ manakuama ishanikiki.

Filipenses 1:20

Haska inũ, Deus dayashuni tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii.

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

Hebreus 11:37

Ha inũ, betsarã, Deus ikũwaĩwẽ taeshũ betsabu mãkãwẽ hatu tsaka tsaka akĩ hatu tenãpakeaibũ betsabu hawẽ hi nisatiwẽ hatu meshtekĩ nisanibukiaki. Deus hatu danãmakatsi ikĩ hamapai xarabu bika hatu tenemakĩ hatũ nupe txaipawẽ betsabu hatu detekĩ tenaĩbũ betsabu itxakawakĩ hatu nuitapawabu pashai hamakiri kakĩ txashuwã bitxi tari besti sawea yumãhairakubainibukiaki,

1 Pedro 1:21

Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

Apocalipse 12:11

Habu nukũ betsabũ Satanás maemakinã, Jesus Deusũ txashuwã bake habu mawashũkĩ hawẽ himi habaniwẽ taea inũ hawẽ kakape hãtxa txanikĩ hawa dateama hatũ hiwea benutiruma unãkubaĩmisshũ habu mawawẽ dateisbumã Satanás ma maemariabuki.