Daniel 3:27 - Kaxinawá Bíblia (BR)

²⁷ shanẽ ibuhairatũ merabewanikabu inũ hawẽ shanẽ ibubu beshmasbũ hatu uinũ ika bei ha dabe inũ besti anu itxa mapushũ hatũ yura hawa txĩ hatu metsama inũ, hatũ bu hawa hatu siwakama inũ, hatũ tari hawa menuama ishu uĩkĩ hawa itsa maiai sheteabumakẽ

Daniel 3:27 Referencias Cruzadas

2 Reis 19:19

Senhor Deusuũ, mia besti mĩ mekenika Deuski”, iwanã, “Mai hirabi anu yurabu shukua betsa betsapabũ hau mia unãkĩ tapĩkubaĩshanũbũ Senhor Deusuũ, mĩ nukũ mekenika Deuswẽ taeshũ ikis Assíria nawabu kushipabu nuku nemashũkĩ nuku mekekubaĩshãwẽ”, ikaya

Isaías 43:2

Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

Daniel 3:21

hatũ daya tari hawẽrua saweabu ha dabe inũ besti huni hatũ mekẽ inũ hatũ tae neashũ manaũrishũ txi dekẽhaira anu hatu putabu

Daniel 6:23

haskawẽ taea benimahairakĩ kini meranua dispiwẽ hau Daniel mapemanũbũ shanẽ ibuhaira Dariõ hatu yunua ma mapemabu hawẽ mekenika Deus ikũhairawaiwẽ taeshũ hawa piama tsua uĩsisma uiaĩbũ

Daniel 6:7

Shanẽ ibu beshmasbu inũ, maewã yununikabu inũ, mia merabewanikabu inũ, mia dayashũmisbu nũ itxashũ shinãshinaki. Mĩ shanẽ ibuhairatũ yunuti bena mĩ yunutiru nuku dasibibũ eska nũ shinaiĩ. 30 shaba kaya hamapai yushĩ inũ deus inũ hunĩ hawẽ merabewati tsuã yukatirumaki. Kẽwãkĩ mia besti hau yukakubaĩshanũbũwẽ. Tsuabũra mĩ yunuti hãtxa nĩkakĩ mia akabumakẽ mai kini merã inu betsa leão pubẽ hiweabu anu hau hatu urẽshanũbũwẽ.

Mateus 10:30

Hamẽ matũ bu dasibi mirimabiakẽ Deusũ ma tana keyumistũ isa mixtĩ itxapa abubiakĩ Deusũ isa mixtĩ binumakĩ matu abuhairamiski. Haskakẽ hawaki dateyamakubaĩshãkãwẽ— iwanã,

Hechos 26:26

Haskarã, ha shanẽ ibu Agripã Deusũ hãtxa unaĩwẽ taeshũ dateama haskakiri hãtxakĩ ẽ yui ikaii. Haska eã ẽ hakiri xinãnã, unã keyuriaikiki. Txanima Jesus hawa huneama habiaskariai hiwekũkainiki— iwanã,

Hechos 27:34

Haskakẽ ẽ matu yunuaii. Punu nukama mã pashakatsis ikairã, pirikãwẽ. Mã nuitapabiai mã hawa txakabui benuama ishãkanaii. Ẽ hãtxa ẽ matu yuiai hakimayamakãwẽ— hatu washũ

Hebreus 11:34

Betsabu itxakawakĩ tenãnũ, iwanã, txi merã hatu putabu Deus ikũwãkĩ hawẽ kuxipawẽ txi nematã hawa menuama kaĩnibukiaki. Betsabu nupe hawẽ detenameti bestiwẽ hatu detepanãbũ Deus ikũwaĩbuwẽ taea pashanibukiaki. Haskakẽ huĩti babubũ ikũhairawakĩ taewaibu Deusũ hatu kuxipa wakubainaya nawabũ Deusũ enabuki sinataibu detekatsis ikaibu maemakĩ hatu pashamanibukiaki.