2 Pedro 2:9 - Kaxinawá Bíblia (BR)

⁹ Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.

Kashinawa : Diosun Jesúswen taexun yuba bena yiniki

⁹ Noé inun Lot Diosun paxawanixun tsuabuda jawenabu ikatsis ikin jatun jiwea Dios inanmisbudan, jawen taexun jawada bika tibi jatu memabiaibun nukun Xanen Ibun unankin jatu chakabu binumadiakubaintiduki. Jamen jabu chakabumisbudan, janu badi jawen jeneaitian jatu unanti watan jatu kupixanai unandiaikiki.

2 Pedro 2:9 Referencias Cruzadas

Jó 5:19

Hawẽ yusĩti hãtxa mĩ nĩkakĩ txibãkubainaya mia mese mese wakĩ mia bika tenemaibu Deusũ hatu mia nemashũshanikiki. Hawa txakabu hau miki nukuyamanũ haska wakĩ Deusũ mia ashũkubaĩshanikiki.

Salmos 32:6

Haskawẽ taeshũ tsuãra mia ikũwaĩ txĩtuãma bika tenekĩ mia yukabu mĩ nĩkamiski. Mia yukakĩ haska wamisbuwẽ taea bika teneti itamama hatu anu hubiai ana hatuki kemama ishanikiki.

Salmos 37:33

Senhor Deusũ hawenabu hatu pe mekeawẽ taea haska huni txakabubũ hatukiri shinã txakabiaibũ hatu nemashũmiski. Ha dikabi tsuabũra hatu metukĩ unãti wabiaibũ hawa txakabu habukiri hayama ishãkanikiki.

Provérbios 12:13

Huni txakabubũ txanitxakamisbuwẽ taea ibubis hatũ txakabuwẽ beshekea hani pashatibubumaki. Hakia huni pepabu txakabu anua kaĩbaini pashamisbuki.

Provérbios 16:4

Haska betxipaiai txibãkĩ Senhor Deusũ dasibi dami betsa betsapa wakĩ keyuniki, huni txakabubũ nĩkaisbumari hanu hatu kupiaitiã hatu kupikubaĩti wakinã.

Mateus 10:15

Ikũ ẽ matu yuiaii. Hanu Deusũ yurabu dasibi hatu kupiaitiã haska Sodoma inũ Gomorra ha mae ewapa dabe txiwẽ Deusũ hatu kupikĩ haska wani binumakĩ habũ matu danãnibu Deusũ hatu kupihairashanikiki— iwanã,

Mateus 6:13

Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã

Romanos 2:5

Haska inũ, mã hatiritũ txakabu betsa betsapa akĩ henekatsi ikama Deus xinãma txakabu ibubis matsãkeakebaĩkĩ Deus sinatamamisbuwẽ taeshũ yurabu dasibi unãti washanaitiã ana manama Deusũ matu kupishanikiki.

1 Coríntios 10:13

Tsuabũra hawara txakabu ma huni mã meriama inũ txakabuhairatũ matu atxima ana matu atximakatsis ikai nukũ yura babũ nũ tenetirumarã, xinãkãwẽ. Haskawẽ taeshunã, mĩ yura babubiakẽ Deus putama haki txiti ikubaĩkãwẽ, nuku babu watã hau nuku bika tenemakĩ haska tsuã tenetiruma nũ haskatã binutirumaki. Matu haska tenemabiaya hawẽ baxikuama Deusũ hawẽri hawẽ kuxipa matu unãmakĩ matu hawẽ tashnimakĩ matu binumashanikiki, txakabu tenekĩ mã binuaiwẽ taeshunã.

2 Timóteo 3:12

Hamẽ txanima tsuabũra Deusũ hãtxa ikũwaĩ pepakĩ Jesus Cristoki dasia hiwekatsis ikaiburã, hatu bika tenemakĩ hatu nuitapa washãkanikiki.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

2 Pedro 2:4

Hawẽ nai tsumabu hatiritũ hawẽ hãtxa nĩkabuma hatũ txakabu Deus hakimakatsi ikama hakia mai kini keyatapa shãkĩhaira mexu merã hanua pashatirubuma anu hatu putatã neshashũ hatu mekeyunikiaki, txipu hanu kupiaitiã hatu unãti wakatsirã.

2 Pedro 3:7

Hakia nai inũ mai natiã hayayuarã, habiaskari wakatsi Deusũ mekeyukubainikiki. Hanu bari hawẽ henei keyuaitiã unãti wakĩ yura txakabubu kupikatsi Deusũ hawẽ hãtxawẽ yunukĩ nai inũ mai txiwẽ yamawakĩ habũ Deus danãmisbu hanu hatu benu keyushanikiki.

Judas 1:6

Ha dikabi Deusũ hawẽ nai tsumabu nai anua habu tibi ha mekei hanu hau shanẽ ibunũbũ hatu yunubia haska besti mekekatsi ikama hatũ daya henebiranaibu Deusũ hatu nemakĩ hanu mexuhaira kaĩkaĩtirumanu hatu bitxitã hanu bari hawẽ heneai anu hatu kupiaitiã haburi kupishanai hatu mekea mapuabuki.

Apocalipse 3:10

Ha inũ, itxakanikatũ mai hirabi anu dasibi maniabu hatu bika tenemakĩ itxakawaya mã Filadélfia anuabũ ẽ yusĩa hãtxa txibãkĩ hawa mã heneismakẽ matu merabewakĩ hawa putama ẽ matu keshekubaĩshanaii.