2 Pedro 2:10 - Kaxinawá Bíblia (BR)

¹⁰ Nukũ Shanẽ Ibuã hatu kupikinã, habu dasibibu hatũ kemu pae heneisbuma inũ hawẽ kuxipa danãkubainaibu hatu ashanikiki. Habu yusĩnanaĩ parananãmisburã, huĩti kuxitã tsua nĩkaisma inũ kẽkĩ xinã betsa wakatsi ikabuma hawaki dateama hatũ hãtxawẽ yushĩ txakabu hatũ shanẽ ibuya hatu itxakĩ ha amisbuki.

Kashinawa : Diosun Jesúswen taexun yuba bena yiniki

¹⁰ Nukun Xanen Ibuan jatu kupikinan, jabu dasibibu jatun kemu pae jeneisbuma inun jawen kushipa danankubainaibu jatu axanikiki. Jabu yusinanain padanananmisbudan, juinti kushitan tsua ninkaisma inun kenkin shinan betsa wakatsi ikabuma jawaki dateama jatun janchawen yushin chakabu jatun xanen ibuya jatu ichakin ja amisbuki.

2 Pedro 2:10 Referencias Cruzadas

2 Samuel 20:1

Belial anushũ Benjamimnẽ enabu huni betsa txakabu Bicrĩ bake hawẽ kena Sebã Judá hunibũ hãtxa hatu dabãmabaĩkĩ Davi henemabaĩkatsi hatube sinatai benikaũ hawẽ trombeta txã txã akĩ Israelĩ hunibu yuikĩ: “Txanima Jessé bakẽ Davĩ hamapai nũ bitirumaki. Israelĩ hunibuũ, Davi henebaini nukũ hiwe anu inũ bunãkãwẽ”, hatu wa

1 Reis 12:16

shanẽ ibuhaira Roboãonẽ haska betxipaiaibu hatu ashũkatsi ikama hawa hatu nĩkama ibubis ikaya Israelĩ enabu shukuabu shanẽ ibubu inũ anibu unanepabũ uĩkĩ unãtã hawaira yuinamei shinã betsaibũ habias shinaĩbu keska huni betsã hatu kemashũkĩ hui kushipawẽ shanẽ ibuhaira yuikĩ: “Txanima, nukuburã nũ hawa Davĩ enabumaki. Jessé enabube hiwekũkaini nũ hawa hatũ hamapai biama ikũkaĩshanaii. Davĩ enabu shukuabu bestitxai ibubis hatumebi shanẽ ibutirubuki. Haskakenã, enabu Israelbuũ, nukũ hiwe tibi burinãkãwẽ”, hatu wa hawẽ hãtxa nĩkatã henebaini Israelĩ enabu 10 shukuabu nortekiri hatũ mae tibi hawaira buake buakeaibũ

Jeremias 2:31

Ha dikabi mã ikis hiweaburã, pestã Senhor Deusũ hãtxa nĩkakãwẽ. Israelĩ enabuũ, earã, mã ea uianã, ẽ hanu tsua hiweabumanu keskamẽ, hawa hayamarã? Mai anu bari pesheama ẽ matu anua hunea keskamẽ? Ẽ haska matu ishuĩsmaki. Enabuũ, haskai hãtxa txakabukĩ yuikĩ: ‘Nukũ yununika nũ hayamawẽ taea mia anu nũ ana txĩtũkatsi ikamaki’, mã ikũkainai?

Lucas 11:25

“Ẽ hanu hiwea ẽ kaĩkirãxina anu ẽ ana txĩtũkainaii”, ikaini kashũ ha yura merã hiwe shaka matsua keska hawa hayama betxitã

Lucas 19:14

hanushũ hawẽ mae pakea anushũ hawenabũ ha shanẽ ibu beshmas danãkĩ abuabumawẽ taeshũ hawenabu betsabu yunukĩ yuikĩ: “Shanẽ ibuhaira binuatũ hiwe anu kashũ ha huni hau nukũ shanẽ ibu iyamashanũ yuitãkãwẽ”, hatu wa buimashũ haki nukutã yuiabu

Hechos 23:5

Paulõ yuikĩ: —Ẽ betsabuũ, Deusbe nukunabu hãtxashunika shanẽ ibuhairama dabanẽ ẽ unãma ikaii. “Matunabu shanẽ ibukiri hãtxa txakabutimaki”, ibianikẽ ẽ kaneshuki— itã

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

1 Coríntios 6:9

Tsuãra Deusũ hãtxa nĩkama txakabukubaĩmisbu nai anu Deusbe hiweama ishanairã, mã unaiĩ. Haskakẽ mã ikũwã kayabiriamakiri ibubis beparamei parananãyamakãwẽ, mã eska husia hiweawẽ taearã. Ha betsa betsapabu txutakĩ txutabaũmisbu inũ, yushĩ damiwakĩ ha itsa betsa wabu bitã kẽwãmisbu inũ, huni aĩyãbia aĩbu betsa hawẽ aĩma txutamisbu inũ, aĩbu beneyabia hawẽ benemabe txutanamemisbu inũ, huni aĩbu ikasi txutanamemisbu inũ, aĩbu dabe menamei txutanamei itsamisbu inũ, habu txakabui beshtekeisbumarã, Deusbe hiweama ishãkanikiki.

2 Coríntios 10:3

Hanushũ tsuabũra nukũ Shanẽ Ibu txibãkatsi ikabumã yura betsabu parãkĩ hawara ibubis akatsi ikai akĩ yura betsabu binunũ, iwanã, hatube sinataibube detenamei hatũ mabu kuxipa tibiwẽ haki txiti itã detenamei hawẽ kuxipai hiwemisbuki. Hakia habu keskama

Efésios 4:19

Ana hawa dakeama txakabu hamapai atimapa tibi hawẽ yura inãkĩ hawẽ kemuhairai huĩti kuxi hiweabuki, tsua ibubis e ikamarã.

Efésios 5:5

Ha inũ, txanima tsuabura haska dakeama hamapai tibibe txutanamebaũmisbu inũ, hawara atimapa tibi amisburã, Cristo inũ Deus shanẽ ibuaya hatube hiwetirubumaki. Ha inũ, tsuabura hamapaiwẽ kemumisrã, dami yushĩ itsa washũ kẽwãmisbu keskawẽ taea ha haskamisbu Cristo inũ Deusbe hiwetirubumariki.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

1 Tesalonicenses 4:7

Hakia nũ haska txakabui atimapakũkaĩmis Deusũ abuismaki. Haskawẽ taea nũ pepa bestikubainũbũ hawenabu wakĩ Deusũ nuku katuniki.

2 Timóteo 3:2

Ha yurabu eska bestiwẽ hamebi kẽkĩ hatũ mabu inũ hatũ pei bestiwẽ kemui: “Earã, tsua ea keskamaki”, ikĩ Deuskiri hãtxa txakabukĩ hatũ ibuã hãtxa nĩkama inũ, hawa pepa xinãma inũ, Deus kẽwaĩbuki meseama txakabushãkanikiki.

Tito 1:7

Ha daya pepa ikatsi ikĩ hatu bebushunũbũ mĩ hatu katutirurã, bebukĩ Deusũ enabu hatu mekemakatsi ikĩ haska tibi Deusũ abuai akatsi ikaibu hatu katukĩ yunukinã, hatũ hiwea hawa txakabu hayama pe besti ikubainaibu hatu akubaĩwẽ. Hatũ xinã betsa maewatirubuma akama inũ, sina besu akama inũ, paẽkatsis imisbu inũ, hãtxawẽ hatu bekũyã amisbu inũ, hatu beparãtã hatũ pei inũ hatũ mabu ibubis binumatã pei itxawamis haskabu uĩtã katutimaki.

Hebreus 13:4

Ha inũ, txutanamebaũmisbu inũ beneyabia inũ aĩyãbia txakabui kemumisbu Deusũ hatu unãti watã kupiakeakeshanaiwẽ taea tsuãra ikũwaĩ aĩyãtã betsawẽ ana kemuama ha besti uĩ haska mã abunamerabeai mekei habe hiwekubaĩkãwẽ. Beneyatãri betsawẽ ana kemuamari ha besti uĩ haska mã abunamerabeai mekei habe hiweriakubaĩkãwẽ.

2 Pedro 3:3

Na haska dasibi ẽ matuki txaniai mã bebũkiri unãtirubuki. Txanima hanu bari hawẽ henei ma kemaya yurabu hiwe txakashũ ibubis txakabu xinãkĩ mã ikũwaĩbu matuki kashei ẽ hẽ ibiai

Judas 1:10

hawara unãkĩ nĩkabuma ha parananãmisbu yupukunãkubaĩmisbuki. Haska hatũ xinãnã, yuinakapã xinãyã keskabuki. Hatũ xinã txakabuwẽ taearã, hatũmebi hatũ kupiti bikanikiki.

Judas 1:16

habias keska menei hawara tibi abuama ha iki yuãnanaĩ hawarawẽ ibubis hawenas benai benimanũ ika hatũ kemu pae besti txibaĩ inũ keĩ mia akaitũ besu wakĩ dasibibu hatu binumakĩ maemaikiki, hatu kẽwãmairã.

Judas 1:18

Hawẽ tsumabũ matu yusĩkĩ: “Txanima hanu bari hawẽ henei ma kemaya yurabu hiwe txakashũ ibubis txakabu xinãkĩ matukiri kashekenãshãkanikiki”, haska xinãkĩ matu yuiniburã,

Judas 1:4

Ha inũ, ha bebũkiri ha yurabukiri Deusũ hawẽ hãtxa hatu kenemani habu parananãmisbu kupinũbariai habias yuini keska na habiatiã yurabu betsa betsapa hune txakabu hayabia matube itxai unãtinãtã hatũ txakabu henekatsi ikama habũ xinãwẽ matu parãkĩ yuikĩ: “Deus pepatunã, hawara txakabu mã wabiaya matũ txakabu buatã kupiama ishanikiki”, akĩ hamapai atimapa matu yusĩ hatũ hiwea pewai beshtekekatsi ikama Jesus Cristo besti nukũ Shanẽ Ibubiakẽ hawẽ kuxipa danãkanikiki.

1 Samuel 10:27

hakia hãtxa txakabukĩ yuãmisbũ yuikĩ: “Hatũ nuku mekekĩ yunushanaimẽkaĩ, ha huninã?” akeakekĩ danãkĩ hawẽ kẽwãti inãkuĩti bushuãbuma unãbiakĩ Saulũ hawa yuiama inikiaki.