2 Pedro 2:7 - Kaxinawá Bíblia (BR)

^7-8 Deusũ hatu haska waitiã Sodoma anu Abraãonẽ berẽ Ló nawabube hiweshũ hatũ txakabuwẽ betsa betsapaibu hatube naxui ika hiweshũ bari tibi haskaibu uĩ inũ habu nĩkai hatũ txakabuwẽ taea huĩti nixma haska washũ hatu merabewatimakẽ txutaname bestinũ ika kemukĩ Ló bikawaibũ hatu kuariama Ló huni pepakẽ Deusũ pashawanikiaki.

Kashinawa : Diosun Jesúswen taexun yuba bena yiniki

^7-8 Diosun jatu jaska waitian Sodoma anu Abrahamnen beden Lot nawabube jiwexun jatun chakabuwen betsa betsapaibu jatube nashui ika jiwexun badi tibi jaskaibu uin inun jabu ninkai jatun chakabuwen taea juinti nishma jaska waxun jatu medabewatimaken chutaname bestinun ika kemukin Lot bikawaibun jatu kuadiama Lot juni pepaken Diosun paxawanikiaki.

2 Pedro 2:7 Referencias Cruzadas

Gênesis 13:13

Hanua Sodoma nawabu hiweaburã, hunibu txakabu atimapahairakĩ Senhor Deus danaĩ txakakubainibukiaki.

Gênesis 19:16

Ló haska wabu kai yane kaĩ kainama niti itã itanaya Senhor Deus Lówẽ nuiaya Ló mekẽ inũ hawẽ ainĩ mekẽ inũ hawẽ bake dabetũ mekẽ nai tsumabũ hatu metsũtã mae anua hatu tashnimabaĩ nitxĩtã yuikĩ: —Mã mawayamanũ pashakãwẽ. Kai nasaukeama neriri ana uiãma inũ napãpanã niti ikama butãkãwẽ, matu yamawariatirukirã. Ha mati anu pashai hiwei bukãwẽ— hatu akabu

Gênesis 19:29

Hanushũ ha maewã dabe inũ hawẽ napãpa menukĩ yamawariama Abraãokiri shinaĩ hawẽ nuikĩ Deusũ Ló hawẽ kupiti txakabuwẽ kupiama pashawashunikiaki, ha mae anuarã.

Gênesis 19:5

Ló kenakĩ daketapa wakĩ yuikĩ: —Bari kaya ha hunibu mĩ hiwe anu bekãshukiaki. Hania? Nũ hatu txutai hatu nuku kaĩmashũwẽ— akabu

1 Coríntios 10:13

Tsuabũra hawara txakabu ma huni mã meriama inũ txakabuhairatũ matu atxima ana matu atximakatsis ikai nukũ yura babũ nũ tenetirumarã, xinãkãwẽ. Haskawẽ taeshunã, mĩ yura babubiakẽ Deus putama haki txiti ikubaĩkãwẽ, nuku babu watã hau nuku bika tenemakĩ haska tsuã tenetiruma nũ haskatã binutirumaki. Matu haska tenemabiaya hawẽ baxikuama Deusũ hawẽri hawẽ kuxipa matu unãmakĩ matu hawẽ tashnimakĩ matu binumashanikiki, txakabu tenekĩ mã binuaiwẽ taeshunã.

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

2 Pedro 2:2

Hatũ hiwea kemu pae hamapai txakabuwẽ ikaibu yura itxapabũ hatu txibaĩ Jesus Cristõ bai txanimabiakẽ hawẽ taea ikũwaĩbu yuaĩ hãtxa txakabukanikiki.

2 Pedro 3:17

Ẽ betsabu inũ ẽ puibuũ, matuwẽ nuihairakĩ ma bebũkiri haskashanaibu ẽ ma matuki txanishuki. Mekeirakubaĩkãwẽ, mã pebiakainaya hau huni txakabũ matu parãkĩ hau matu txĩtũmayamashanũbũ mestẽshãkãwẽ.

Judas 1:4

Ha inũ, ha bebũkiri ha yurabukiri Deusũ hawẽ hãtxa hatu kenemani habu parananãmisbu kupinũbariai habias yuini keska na habiatiã yurabu betsa betsapa hune txakabu hayabia matube itxai unãtinãtã hatũ txakabu henekatsi ikama habũ xinãwẽ matu parãkĩ yuikĩ: “Deus pepatunã, hawara txakabu mã wabiaya matũ txakabu buatã kupiama ishanikiki”, akĩ hamapai atimapa matu yusĩ hatũ hiwea pewai beshtekekatsi ikama Jesus Cristo besti nukũ Shanẽ Ibubiakẽ hawẽ kuxipa danãkanikiki.