1 Samuel 4:3 - Kaxinawá Bíblia (BR)

³ Israelĩ enabu mẽtsisipa detenamenikabu txĩtũbirani hatũ tari hiwe pũtebaunabu anu hikiabũ, anibu unanepabũ hatu yukakĩ yuikĩ: “Filisteu nawabũ nuku maemakãshurã, haskai Senhor Deusũ hatu nuku nemashunama ishumẽ? Nukube nashui ikaĩ hau Senhor Deusũ nukuki sinataibu hatu nemakĩ nuku maemashũshanũ Siló anua Senhor Deus hatube yubakani hãtxa aruni bau binũ bukãwẽ!” ibaĩ

1 Samuel 4:3 Referencias Cruzadas

2 Samuel 15:25

shanẽ ibuhaira Davi kashũ Deusbe hatunabu hãtxashunika Zadoque yuikĩ: —Maewã Jerusalém anu Deus hatube yubakani hãtxa aruni bau bui txĩtũkaĩwẽ, Senhor Deus ewẽ nuikĩ ea merabewa ana txĩtũkirã hawẽ hãtxa aruni bau inũ hawẽ tari hiwe hania ẽ ana haki nukutirumẽkainã.

Isaías 50:1

Senhor Deusũ hatu yuikubaĩkĩ: “Huni betsa hawẽ hawara biãkĩ ẽ diriamawẽ taeshũ pakakĩ hau matu hawẽ tsuma wakĩ escravo wanũ ẽ matu yunuama iniki. Ha inũ, huni betsã hawẽ aĩ ana betxipaiama danãkĩ henemis keska wakĩ Israel matũ ibubu ẽ hawa hatu danãkĩ nitxiãmabia hakia ibubis txakabukĩ ẽ hãtxa nĩkaisbumawẽ taeshũ matũ ibubu Israelbu danãkĩ ẽ hatu yununiki, hau nawabũ hatu tsuma wayunũbunã.

Isaías 58:3

Haskabiai matu yuinamei: ‘Haskai hamẽ nũ samakemismẽ, Deusũ nuku uiãmabiakenã? Haskai hamẽ ibubis nũ bika teneai, Deusũ nuku tanamabiakenã?’ iki mã haska hãtxamiski. Ha shabatiã samaketi ẽ meribi wabianikẽ hanu ea samakeshunama ha shabatiã mabu inananãkĩ matũ dayakapabu itxakawakĩ mã hatu yunutxakayamamiski.

Jeremias 7:4

Tsuãra matu parãkĩ yuikĩ: Senhor Deus kẽwãti hiwerã, nenuki! Senhor Deus kẽwãti hiwerã, nenuki! Senhor Deus kẽwãti hiwe nenuwẽ taea dateyamakãwẽ!’ ikaibu ha parananaĩbu ikũwãkĩ hawa hatu nĩkayamashãkãwẽ.

Números 10:33

Hanua atimas Senhor Deusũ Mati Sinai anua hatu tashnibaini shaba dabe inũ besti bukĩ Senhor Deusũ hãtxa aruni hi bau Levĩ enabũ buaibu bebũ huni dabe inũ dabetũ iabaĩkĩ hanu huĩrukũti pepa benakubainaibũ

Números 10:35

Senhor Deusũ hãtxa aruni hi bau bukatsi ia taewaibũ Moisĩ Deus yuikĩ: “Senhor Deusuũ, benirikaĩwẽ, ha mia danaĩ miki sinataibũ mia uĩ datei hau pashai sa ikubainũbunã”, aki hãtxakũkaini

2 Timóteo 3:5

Hatũ keshawẽ bemakis shabakabi Deus kẽwãbiakĩ hawa hawẽ hiweawẽ pepakĩ uĩmama Deusũ kuxipaki dakekĩ kẽwã kayabiama danãshãkanikiki. Haska keskaburã, hatube ketashameama hatu dũkekubaĩwẽ.

Hebreus 9:4

Ha dĩtu meranã, habianushũri hakishũ inĩti kuati ouro mane txi tapu fogão hayaniki. Ha inũ, hawẽ Deusũ yubani hãtxa aruti bau meribihaira ouro haswẽ dasibi bepukĩ keyua hayanikiaki. Ha merã ouro mane xumuki hanu tsua hiweabumanushũ Deusũ hatu inãkĩ hatu pimapauni maná duru inũ, Arãonẽ mestẽti dami hukuĩ huani hi inũ, mixki ture sapa dabeki Deusũ yunuti inũ hawẽ nemati 10 hãtxa keneni hati hayanikiaki.

Josué 4:7

Txipu matũ bakebũ matu yukakĩ: ‘Na mishki kekua bestitxai tibirã, hawamẽ?’ ikubainaibu hawẽ hatu yusĩkĩ: ‘Nũ hene pukebiranaitiã Senhor Deusũ yubati hãtxa aruni bau habu bebũkiri buaibũ bai matahairabiakẽ ha hene hamebi pashkaniwẽ taeshũ na mishki tibi bitã nũ nitxiniki’, akĩ mã hatu yuikubaĩshanaii. Hanushũ nukunabũ uĩkĩ hau shinãpakeshanũbũ habũri hatu yuinũbarikanikiki”, hatu wa

Josué 6:6

nĩkatani hushũ Josué Deusbe hawenabu hãtxashunikabu kenashũ hatu yuikĩ: “Senhor Deus nukube yubakani hãtxa aruni bau iabainaibũ txashuwã mashũ puri ati txã txã akubaini matu 7 dukũ bebubaĩkãwẽ”, hatu watã

Josué 7:7

atimas Josué Senhor Deus yuikĩ: —Ẽ peirawa! Ẽ shanẽ ibu Senhor Deusuũ, ea nĩkayuwe. Amorreu nawabũ hau nuku yamawanũbũ haskakĩ Hene Jordão mĩ nuku pukemashĩshũ mĩ hatu nuku binumashumẽ? habiauri hene pukeama niti itã nũ hiwepananã.

Josué 7:8

Nũ pemaki, Shanẽ Ibuũ! Ma nukuki sinataibũ enabu Israelbu hatu tenãbu pashai kushibirãkãshuwẽ taeshũ ẽ hawa mia yuitimaki.

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.

Judas 1:5

Egito anua Israelbu Deusũ hatu tashnimabirani mã unãbiaya haskakiri mã xinãnũbũ ana matu yuinũ nĩkakãwẽ. Ma hatu pashawabiaima Israelbu habũ Deusũ hãtxa ikũwãkatsi ikama danaĩbuwẽ taeshũ hanu tsua hiweabumanushũ Yavé Deusũ hatu kupikĩ tenãkubirani mã unaiĩ.

1 Samuel 1:24

ma txutxu henebiaima bakeishtabiakẽ Siló anu Senhor Deus nukuti tari hiwe pũtenibu anu iyukĩ 3 ina awa bake inũ shekiwã trigo 22 litro inũ bitxi sakuki vinho matari bushuĩ Siló anu hikitã

1 Samuel 14:18

Israelĩ enabu detenamenikabu anu Deusbe hatu hãtxashunikã tari éfode ma beshiã Aías Saulũ yunukĩ yuikĩ: —Deusbe yubakani tari éfode nenu bewe— aka

1 Samuel 4:2

Filisteu nawa detenamenikabu habu pashkama kekutã kaĩbirãkĩ Israelĩ enabube detenamekĩ taewakĩ Israelĩ enabu maemakĩ bai namakishũ 4.000 hunibu detekĩ tenãkĩ hatu keyuabu