1 Samuel 4:2 - Kaxinawá Bíblia (BR)

² Filisteu nawa detenamenikabu habu pashkama kekutã kaĩbirãkĩ Israelĩ enabube detenamekĩ taewakĩ Israelĩ enabu maemakĩ bai namakishũ 4.000 hunibu detekĩ tenãkĩ hatu keyuabu

1 Samuel 4:2 Referencias Cruzadas

Números 14:45

hanua Amaleque nawabu inũ Canaã nawabu ha mae anu hiwebaunabu hanus ma itxatã butubirãkĩ hatu detekĩ taewakĩ maemakĩ hatu txibãkubirãkĩ Horma anushũ hatu maemakĩ yamawakĩ keyutã hatũ mae tibi anu txĩtũbainibukiaki.

Josué 7:12

Haskawẽ taeshũ minabũ hatuki sinataibu hatube detenamei kabia hatu maemama kushibirãshinaburã, ha haska txakabuwashinabuwẽ taeshũ matu kupikĩ ẽ matu yamawatiruki. Ha mabu yunukĩ metima ẽ washina ha yumetsushina anua mĩ hawaira bitã yamawamakẽ eãri ẽ matu ana merabewama ishanaii, mã ana detenameaitianã. Detenamei bua mã ana pasha bestikũkaĩshanaii.

1 Samuel 17:21

mati dabe anua beisinãbukuĩ Israelĩ enabu inũ Filisteu nawabu mapubauna uinanaĩbũ

1 Samuel 17:8

Golias kaĩkirã nishũ hui kushipawẽ Israelĩ enabu hatu yuikĩ: “Haskai detenamenũ ika bebiashina mã hamẽ mapuabumẽ? Earã, ẽ Filisteu nawaki. Hakia maturã, mã Saulũ tsumabuki. Butukirã tsua ebe detenameyuimẽkaĩ, huni betsa matu anua katutã ea anu yunukãwẽ, hau ebe detenameyununã.

1 Samuel 4:1

Samuelĩ Deusũ hãtxa nĩkatã Israelĩ enabu mae tibi hatu yusĩkubainaya shaba betsatiã Israelĩ enabu hatu detenũ ika Filisteu nawabu itxatã bei Afeca anu hatũ tari hiwe pũtebaunabũ hatu maemai hatube detenamenũ ika Israelĩ enaburi buriai Filisteu nawabu maniabu bebũ Ebenézer anu itxatã hatũ tari hiwe pũteriabaunabũ

1 Samuel 4:10

Filisteu nawa detenamenikabu kushibaĩ hawaira Israelĩ enabu hatu maemakĩ detekĩ keyuabu hatiri pashai hatũ mae tibi anu buabũ itxapahaira tenãkĩ hatu deteabu 30.000 Israelĩ enabu maĩ bua detenamenikabu ma mawai keyuabũ

1 Samuel 4:3

Israelĩ enabu mẽtsisipa detenamenikabu txĩtũbirani hatũ tari hiwe pũtebaunabu anu hikiabũ, anibu unanepabũ hatu yukakĩ yuikĩ: “Filisteu nawabũ nuku maemakãshurã, haskai Senhor Deusũ hatu nuku nemashunama ishumẽ? Nukube nashui ikaĩ hau Senhor Deusũ nukuki sinataibu hatu nemakĩ nuku maemashũshanũ Siló anua Senhor Deus hatube yubakani hãtxa aruni bau binũ bukãwẽ!” ibaĩ