1 Coríntios 3:23 - Kaxinawá Bíblia (BR)

²³ Dasibi matu ibuwamabiani, na haska dasibi mã hiwearã, mã Cristonaki. Ha inũ, Cristorã, Deusunaki, hawẽ bake kayabirã. Haskawẽ taeshũ Epa Deusũ hãtxa xinãkĩ nuku nũ yura bestibiakẽ ana nukukiri hãtxakĩ nuku kẽwãyamakãwẽ, nukũ Shanẽ Ibu besti kẽwãkinã.

Kashinawa : Diosun Jesúswen taexun yuba bena yiniki

²³ Dasibi matu ibuwamabiani, na jaska dasibi man jiweadan, man Cristonaki. Ja inun, Cristodan, Diosunaki, jawen bake kayabidan. Jaskawen taexun Epa Diosun jancha shinankin nuku nun yuda bestibiaken ana nukukidi janchakin nuku kenwanyamakanwen, nukun Xanen Ibu besti kenwankinan.

1 Coríntios 3:23 Referencias Cruzadas

Mateus 17:5

akaya hanushũ nai kuĩ hushu mayabirãkĩ hatu atxiaya nai kuĩ anushũ hui tashnikĩ hatu yuikĩ: —Na ẽ bake ẽ Katunirã, ẽ abuhairaii. Hawẽ ẽ benimahairaii. Nĩkairakubaĩkãwẽ— hatu wa

João 17:18

Haska inũ, na mai anu mia unãbuma anu mĩ ea yununi keska wakĩ ẽ haibuaibu habiaskari wakĩ na mai anuari ẽ hatu yunuriaii, hau mikiri hatu yusĩkubaĩshanũbunã.

João 17:21

Haskai mia inũ ea dasia nũ bestitxai keska hiwea haburi nukuki dasiabu habiaskari wakĩ mĩ hatu merabewashanũ ẽ mia hatu yukashunaii. Mĩ hatu haska wa habu shukushũ ea ikũwaĩbu mai hirabi anu mĩ ea yununi unãtirubuki.

Romanos 14:8

Hakia nukũ Shanẽ Ibuki ma nũ dasiarã, nũ ha hiweshunaii. Ha inũ, mawairã, nukũ Shanẽ Ibu duawakatsis iki nũ mawashanaii. Natiã nũ hiweyuabu inũ nũ mawashanaiburã, ma nukũ Shanẽ Ibuki nũ dasia nũ ma haskarã, nũ hawẽ yuraki.

1 Coríntios 11:3

Haskabia Deusũ hãtxa nĩkai itxatã Deus kẽwãkĩ haska aĩbuaibu hau ikubainũbũ matu yuinũ nĩkakãwẽ. Ha dukunã, Cristõ hunibu mekekĩ yunumiski. Hunibũri hawẽ aĩ mekekĩ yunuriamisbuki. Habiaskari wakĩ Deusũ Cristo mekekĩ yunuriamiski.

1 Coríntios 15:23

Hanua Cristo hawẽ yura Deusũ bestẽwanikẽ ha habũ ikũwaĩbu hawenabu mawabu haska Cristo ini keskai ana Cristo huaya dasibi hatũ yura Deusũ bestẽwãkĩri keyushanikiki.

1 Coríntios 7:22

Haska huni betsã escravo dayaru mã ibianikẽ nukũ Shanẽ Ibũ matu katushũ matũ txakabu buakĩ matu haibuwaiwẽ taea escravobia Jesus mã ikũwaĩwẽ taea mã yurã escravoma keskaki. Hakia mĩ tsuã escravo dayarumabia Jesusũ mia katutã yunuawẽ taea matũ xinãwẽ mã hawẽ escravo dayaruki, Cristonarã.

1 Coríntios 8:6

Hamẽ nukubũ ikũwãkinã, nukũ Epa Deus bestitũ dasibi bawani inũ nuku hatũ damiwani nũ hawẽ hiweaki. Ha inũ, Shanẽ Ibu bestitxai nũ hayaki, Jesus Cristorã. Hawẽ taeshũri Jesusũ hawẽ Epa Deusbetã dasibi damiwakĩ keyuniwẽ nũ hiweriaki, nukuburã.

2 Coríntios 10:7

Hatiritũ xinã txakakĩ yuikĩ: “Cristoki dasia nũ hawenabuwẽ taea ẽ unãhairaii”, mã ikaibunã, nukurã, nũ habias Cristoki dasia nũ hawenaburiki, uĩkĩ hau xinãnũbuwẽ, shabakabi nũ ikũwaĩnã.

Gálatas 3:29

Mã Cristonaburã, habia mã Abraãonẽ bababu dikabiwẽ taea haska Deusũ Abraão yubaniwẽ maturi hawenabui mã hiwea kayabi hayariashanaii.

Gálatas 5:24

Hakia Jesus Cristo cruzki mastabu mawani keska wakĩ nũ Jesus ikũwaĩbu nukũ txakabu itxawatã Jesusbe cruzki nuku mastashunibu keskaki, ana txakabu nũ meyamanunã.

Efésios 1:10

Deusũ hanu menenũbarikatsi haska bebũkiri yubakani kaneama aniki. Haskawẽ taeshũ Deusũ Cristo shanẽ ibuwani ha mekemakĩ keyushũ yunumakatsi dasibi nai anua inũ mai anua haki dasiwatã tsumamashanikiki, Deusũ hatu itxawanũbariaitianã.