1 Coríntios 3:21 - Kaxinawá Bíblia (BR)

^21-22 Haskawẽ taea nũ yurabu nũ matũ yusĩnã bestibiakẽ daketapakĩ nuku kẽwaĩ hunibũ tsumabu nuku wayamakãwẽ. Hamẽ Deus hawa yauxiama nukũ nũ matu merabewanũ, iwanã, ẽ Paulo inũ, Apolo inũ, Pedro inũ, huni yusĩnãbu tibi nuku yununiki. Ha inũ, mã hiwea inũ, mã mawabu inũ, na habiatiã inũ, bari betsa ũ unuatiã dasibi inũ mai hirabi Deusũ matu yununi mã hawẽ hiwearã, matunaki.

Kashinawa : Diosun Jesúswen taexun yuba bena yiniki

^21-22 Jaskawen taea nun yudabu nun matun yusinan bestibiaken daketapakin nuku kenwain junibun tsumabu nuku wayamakanwen. Jamen Dios jawa yaushiama nukun nun matu medabewanun, iwanan, en Pablo inun, Apolos inun, Pedro inun, juni yusinanbu tibi nuku yununiki. Ja inun, man jiwea inun man mawabu inun na jabiatian inun badi betsa u unuatian dasibi inun mai jidabi Diosun matu yununi man jawen jiweadan, matunaki.

1 Coríntios 3:21 Referencias Cruzadas

Romanos 4:13

Haska inũ, hawẽ yunuti inũ hawẽ nemati Deusũ Moisés kenemariama Deusũ hãtxa Abraãonẽ ikũwãkubainaya Deusũ Abraãokiri xinãkĩ: “Huni pepaki”, aniwẽ taea hatiritũ ha keskakĩ hawẽ bababũ Deusũ hãtxa ikũwãkubainaibu mai hirabi hatu ibu wamakĩ yunushanũ, iwanã, Deusũ Abraão hatukiri yubaniki.

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

Romanos 8:32

Haska inũ, hawẽ bake hawa yauxitaskama yunua tashnitã mawakĩ nukubu nukũ txakabu nuku buashuniwẽ taeshũ nũ habu Jesus Cristoki dasiabu hawẽ taeshũ nuku duawakĩ hamapai tibi hawẽ bakewẽ nuku ashunishũ Deusũ nuku ashũkubainikiki.

1 Coríntios 4:6

Ẽ betsabu inũ ẽ puibuũ, Deusũ hãtxa hakimama yusĩnã betsa itxakawama hau betsari kẽwãyamanũbũ matu kene bumakĩ ẽ Paulo inũ Apolo haska nũ hiwemiskiri besti ẽ matu keneshunaii, hau nũ imis keskai nuku mawai mã hiwekubainũbunã. Haska Deusũ hãtxa kenenibu besti xinãkĩ matũmebi akama yusĩa betsawẽ ha kenenibu binumayamakãwẽ, tapĩkinã.

2 Coríntios 4:15

Haska inũ, Deusũ matu pepawaya mirimabũ Jesus Cristo ikũwãtã benimakĩ mã Deus kẽhairawanũbũ hawara matuwẽ taea bika tenekĩ matu merabewanũ ika nũ ikũkainaii.

2 Coríntios 4:5

Haska inũ, mai damiwakĩ Deusũ yuikĩ: “Mexu anua hau shabayunũwẽ”, anishũ habiatũri nukũ huĩti anu shaba peshani keska wakĩ Deusũ Cristo nuku unãmaya hawẽ kaka pepa Cristokiri nũ shabakabi matu unãmakubainaii. Haskakẽ yusĩkĩ: “Jesus Cristo nukũ Shanẽ Ibu kayabiki”, ikĩ, “Jesus Cristo abuhairakĩ nũ matũ dayaru bestiki”, ikĩ shabakabi dasibibuki txani ibubis nũ keĩsmaki.

2 Coríntios 6:10

Ha inũ, habũ nuku xinã nũ punu nuka dabanẽ xinãkanikiki, Cristo txibaĩ nũ xinãtxãkaĩ nũ benimabiakũkainaya nũ hamẽ nia nuitapai keska xinãmisbuki, nũ hatu tapĩmai itxapa enayabiakenã. Nukuburã, nũ hawa hayama keskabia dasibi Deusũ nuku haya wamiski.

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.