1 Coríntios 1:30 - Kaxinawá Bíblia (BR)

³⁰ Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

Kashinawa : Diosun Jesúswen taexun yuba bena yiniki

³⁰ Jaska wakin matu katukin Jesúski matu dasiwakin Diosun jamebi matu katuniki. Jaskaken Jesucristonan, jawen shinanwen nuku unanepa wamiski. Ja inun, jabiatundi nukun chakabu buakin Dios nuku daewaxunmiski. Ja dikabi nuku medibi wakubainmiski. Ja inun, jabiatundi nukun chakabu buatan Satanás anua nuku mebikinaniki.

1 Coríntios 1:30 Referencias Cruzadas

Provérbios 1:20

Mae namakis bai tibi hashpa inũ hashpama anushũ unanepabũ hatũ hui hatu nĩkamakĩ

Provérbios 2:6

Senhor Deusũ yusiã tsuãra pe tapĩkubaĩkinã, haska unanepatiru inũ haska betsa betsapakiri tapĩhairatiru Senhor Deusũ yusĩkĩ hatu inãshanikiki.

Provérbios 8:5

Mã berunã hawa tapĩriabuma inũ unaĩsmapabuũ, haskai mã unanepatiru inũ mã nĩkanikatiru ea tapĩkãwẽ.

Isaías 11:2

Deusũ Yushĩ kushipa habe ketashametã putama eska wamakubaĩshanikiki. Ha huni Deusũ Yushinĩ merabewa haratu bai pepa inũ haratu bai txakabu unãmatiru wakĩ inũ, hawẽ unanepati inãkĩ inũ, hawẽ shinã bebũkiri pewanika inãkĩ inũ, kushipa inãkĩ inũ, Senhor Deuski mesetirubu unãmanika ishanikiki.

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Daniel 2:20

na eska hãtxawẽ Danielĩ yuikĩ: “Deusrã, unanepa inũ kushipa hawena hayaki. Haskawẽ taeshũ Deusũ kena ikibi ika yuikĩ hau kẽwãkubaĩshanũbũwẽ, hawa heneamarã.

Mateus 1:21

Ha huni bake kaĩtã ewatã hawenabu Deuski petxia txakabumisbu hau hatũ ana Deus txibanũbũ hatu merabewashanaiwẽ taeshũ kenakĩ: ‘Jesus’, washãwẽ”, aka Josẽ haska nĩkatã xinãnikiaki.

Lucas 11:49

Haskawẽ taeshũ Deus unãnepatũ yuikĩ: ‘Ea hatu yuishunikabu inũ ẽ tsuma kuxipayabũ hau hatu yusĩnũbũ ẽ hatu yunupakea hatu danãkĩ betsabu tenãkĩ betsabu itxakawakĩ hatu nitxĩshãkanikiki’, iniki.

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 17:26

Haska inũ, mikiri mĩ kuxipa binu keyua ẽ hatu unãmapakeaiwẽ taeshũ ana mikiri ẽ hatu unãmakĩ heneyamashanũ mĩ ea abumis keskai hau haburi abunamei heneama ishanũbũwẽ, nuikipairã. Haska hayabuwẽ taea ea ẽ hatu anua kaĩkainama ishanaii— itã

João 8:12

Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Romanos 1:17

Haska inũ, hawẽ hãtxa yuishunikatũ Deusũ kakapekiri kenekĩ yuikĩ: “Tsuabũra Deusũ hãtxa ikũwãkĩ txibaĩwẽ taea pepai hiweshãkanikiki”, aniki. Haskawẽ taeshũ hawẽ bakekiri kakape Deusũ hawẽ hatu mekekĩ hatũ txakabu buanishũ ha besti ikũwaĩbu hatu pashawashanikiki.

Romanos 11:36

Haskakẽ betsa tukama tibi Deusũ damiwanirã, hawenaski. Hawẽ kuxipawẽ dasibibu maniabuki. Dasibibu ha hiweabuwẽ Deus benimakũkaĩshanũ, iwanã, habu tibi damiwaniki. Haskakẽ kẽwãkĩ heneyamakubainãkãwẽ, Deusrã. Haskakirã.

Romanos 12:5

Haska keskari nũ yura itxapabubia Cristoki dasia nũ yura bestitxai keskaki, nũ habũ Cristo dayashunai pabu betsa tibibia nũ habias yura bestitxai keskabuki.

Romanos 16:11

Ha inũ, enabu Herodião shũska ea yuishũriashãkãwẽ. Ha inũ, hawenabubetã Jesus txibaĩbu Narcisobe hiweabu ẽ hãtxari ea yuishũriashãkãwẽ.

Romanos 16:7

Ha inũ, enabu Andrônico inũ Júnia habube ea bitxiniburã, ẽ ikũwãriamakẽ habũ dukũ ikũwãnibũ haskawẽ taeshũ dasibi Jesus Cristõ kuxipaya yununikabũ hatu unãkĩ hatukiri xinãkĩ kẽwãmisburi ẽ hãtxa ea hatu yuishũshãkãwẽ.

Romanos 4:25

Hau nukũ txakabu nuku buashuni nukũ Shanẽ Ibu mawanũ Deusũ yunua mawaxina ana bestẽwaniki, hau hawẽ taeshũ yura pepabu nuku wakubaĩshanunã.

Romanos 4:6

Haska pepa inũ txakabu yurabũ amisbukiri tanama haska Deusũ abuai aki pepakĩ Deus unãti wamamisbukiri Davĩ ibubis unãkĩ xinaĩ hãtxai:

Romanos 5:19

Haska inũ, huni bestitxai Adãonẽnã Deusũ nemati txibãma iniki. Habiaskariai yura dasibibu Adão ini keskabuwẽ taeshũ: “Yura dasibi txakabukĩ habias txibãkanikiki”, iwanã, Deusũ hatukiri pe xinaĩsmaki. Hakia huni bestitxairi Jesus Cristõnã, hawara Deusũ yunua txibãkubainiwẽ taeshũ yurabu itxapabũri Cristo txibaĩbu hatu merabewakubainai pepabũ txibãkanikiki.

Romanos 5:21

Txakabu hikinishũ ha shanẽ ibukĩ yurabu tenãkubaĩmiski. Haska keskariai Deus shanẽ ibukinã, hawẽ nuikipawẽ hawẽ bake Jesus Cristowẽ taeshũ hawenabu nuku wakĩ: “Ha enaburã, pepabuki”, ikĩ nuku hiwekuĩmaikiki.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Romanos 8:23

Habu bestima nuku dikabirã, nũ Deusũ bakebunã, hawẽ Yushĩ Pepawẽ haska Deusũ nuku duawashanai hawẽ unãti wati yubani nũ haya hawẽ bake kaya keska wakĩ yura bena nuku inãshanai bishanũ ika hawara hawẽ bakebu yubabaini Deusũ nuku inãshanai huĩti detsupe ishũ bika tenekĩ nũ manayuaii.

Romanos 8:9

Hakia natianã, Deusũ Yushĩ Pepa mã haya matuki dasishũ matu mekeaya txakabuki petxitã mã ana ha txibãmaki. Hamẽ tsuabura Jesusũ Yushĩ Pepa hayama haki dasiama Cristonabumaki.

1 Coríntios 1:2

Deusũ katua Corinto mae ewapanu mã hiweabu Jesus Cristo matu mawashũkĩ meribi wakĩ matu pepawaniwẽ taeshũ Deusũ haturi katua nukũ Shanẽ Ibu Jesus Cristo habũ txibãmisbu dasibibubetã mã ikũwaĩbu itxamisbu tibi anu ẽ matu kene bumai uĩbaũshãkãwẽ.

1 Coríntios 1:24

Haskakẽ na kakape Messias Cristokiri betsabũ danãbiaibũ nũ judeubu inũ nũ judeubuma Deusũ nuku katuniwẽ taeshũ Deusũ hawẽ kuxipa Cristo yunukĩ habia keskari wakĩ dasibi unãhairamani ha besti xinãkĩ nũ ikũwaiĩ.

1 Coríntios 12:18

Hanushũ nuku tibi Deusũ katutã haska abuai keska wakĩ nũ ha dayashunũbũ haska daya nuku yunuakeakemiski, yura pabu tibi keska wakinã.

1 Coríntios 12:27

Hamẽ matu dasibi mã yura betsa tibibiakẽ Deusũ Yushĩ Pepatũ meribi tibi matu kuxipa waya daya betsa betsapa Deusũ matu yunuakeakearã, mã habias Cristõ yura keskabuki.

1 Coríntios 12:8

Yushĩ Pepawẽ yura bestibu tibi hawẽ kuxipa yunukĩ Deusũ xinãwẽ shabakabi hau hãtxanũbũ unãnepa kayabibu hatu wamiski. Habias Yushĩwẽ bestibu tibi shabakabi pe yusĩti xarawakĩ itxapa unãhairaibu yusĩnãbu hatu wariamiski.

1 Coríntios 4:15

Natiã matũ yusĩnã 10.000tũ Cristokiri matu yusĩbiaya eã dukũ Jesus mekeakiri ẽ matu yusĩtaniwẽ taea ea dukũ ẽ matũ epa kayabi keskaki. Ea hakimayamakãwẽ.

1 Coríntios 6:11

Maturã, betsabu ha ikaibu keska hiwebiakũkaĩkĩ Jesus Cristo mã ikũwaĩbu nukũ Shanẽ Ibu Jesus Cristõ kuxipa inũ Deusũ Yushĩ Pepatũ kuxipawẽ matu xinã betsa wamaya ikũwaĩ betsã matu naximabu matũ txakabu detsis dashkia keska wakĩ meribi habias besu keska wakĩ Deusũ Yushĩ Pepatũ matu pepawaniki.

2 Coríntios 12:2

Ma 14 bari kakẽ nai binua keyatapahaira anu Deus hiwemis pepanu ẽ yura kasmai ẽ yushĩ besti Deusũ ainitã ha hãtxa tsuã shabakabi yuitiruma Deusũ ea yuiniki. Haskara watã ea aininirã, ẽ yura kasmai ẽ yushĩ besti ea uĩmani Deusũ besti unaĩwẽ taeshũ eã ẽ matu yuitirumaki.

Gálatas 1:4

Haskakẽ nukũ Epa Deusũ haska xinaĩ keskawẽ nuku ikirã, natiã hiweabũ txakabuhaira wakubainaibube hau nuku kupiyamashanũ haskawẽ taea Jesus Cristo mawai hawẽ hiwea yauxiama nukũ txakabu buanũ ika iniki.

Gálatas 3:13

Deusũ hawẽ yunuti inũ hawẽ nemati yunukinã, hawẽ yupukunãkatsi aniki. Hatũ nukũ txakabuwẽ nuku yupubiaya Cristõ nuku meshpamanũ ika nukũ txakabu kupiti bi nuku mawashuniki. Haskai kaikiri bebũkiri Moisés yuikĩ: “Tsuara hatũ txakabuwẽ taeshũ tenãkĩ hiki netãbu mawaya Deus hawẽ nuiama yupumiski”, iniki.

Efésios 1:10

Deusũ hanu menenũbarikatsi haska bebũkiri yubakani kaneama aniki. Haskawẽ taeshũ Deusũ Cristo shanẽ ibuwani ha mekemakĩ keyushũ yunumakatsi dasibi nai anua inũ mai anua haki dasiwatã tsumamashanikiki, Deusũ hatu itxawanũbariaitianã.

Efésios 1:14

Deusũ hawẽ Yushĩ Pepa matu inãkĩ haska bebũkiri matu yubakĩ nai anu habe matu hiwemakatsi matuki tanani hawẽ unãti mã ma hayaki, hawẽ Yushĩ Peparã. Haskakẽ hawatiãra nuku meneshũkĩ hawenabu nuku wanishũ nuku shabakabi bepẽshũ uĩmashanaiwẽ taeshũ dasibibũ Deusũ kuxipa pepa kẽwãkubainãkãwẽ.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

Efésios 5:26

Cristõ nuku haska wakatsi ikĩ nũ hawẽ ikũwaĩbu nuku mawashũkĩ hawena meribi txakabuma nũ shũpinũbũ hawẽ kakape nũ ikũwaĩwẽ taeshũ nuku naximamisbuki.

Filipenses 3:9

haki nukutã haki dasirã. Haska inũ, Moisés hãtxa txibaĩ hawẽ nuku ibubis nũ pepahairakũkaĩkatsis ikaiwẽ en dayamiswẽ ea akama Cristo ewẽ nui eki nukutã ea xinã betsa wama ẽ ikũwãniwẽ taeshũ Deusũ hawena ea wakĩ ẽ txakabu ea buashunikẽ Jesus besti ẽ txibãkubainaii.

Colosenses 1:14

Cristo mawakĩ Satanásã nuku tsumani hawena wakĩ nuku mebikinãtã nukũ txakabu nuku buashuniki, ana xinãmarã.

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 9:12

Cristo ma nuku hikishũtanã, hatũ nuku yuinaka himiwẽ Deus daewashunũ ika ikama iniki. Hakia nukũ txakabuwẽ taea nuku mawashuni besti wai ana mawatimai hawẽ himi habakĩ hau Deusũ nukũ txakabu buashũtã nuku kupiyamashanũ Deus bebũ hikitã nuku daewashuniki, hawẽ hiwepaketi pe nuku washũkinã.

Santiago 1:5

Tsuara hatiri mã unãnepariamarã, Deus yukakubaĩkãwẽ. Hawẽ unãneparã, hatũ matu inaĩkiki, hawa yauxiamarã. Mã haska Deuskiri xinãkĩ dasibi hawara akatsis ikai matu ashũtiru hayaki, hawẽ unãnepa keyutiruma haya inũ hatũ hawa matukiri txakabu xinãkĩ metuismarã.

1 Pedro 1:2

Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

1 João 5:6

Jesus Cristo tashnikiranã, eskakĩ dasibi hatu unãti wamakĩ kayatiwamaniki, ha dukũ henewẽ ikaibu anu hari naxirã, hanua dasibibũ berubiri cruzkia dunua hawẽ himi habakĩ hatu uĩmakinã. Henewẽ naxi bestiama hakia mawai hawẽ himi habakĩ hatu unãti wamaniki. Haskanirã, Deusũ Yushĩ Pepatunã, hamebi unaĩkiki. Haska unaĩ nukukia txanima txanimiski.

Apocalipse 14:4

Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ