1 Coríntios 1:27 - Kaxinawá Bíblia (BR)

^27-29 Haskakẽ tsuabura: “Ẽ huni pepawẽ taeshũ Deusũ ea katuniki”, iwanã, xinãyamakubaĩkãwẽ. Unanepabu hawauma wakĩ dakewanũ, iwanã, Deusũ ha matu tatima waibu matu katumiski. Kuxipabu hawauma wakĩ dakewanũ, iwanã, tsuabura babubu habu hakiri petxitã yuãkĩ: “Mitanumabuki”, hatuki imisbu Deusũ matu katukubaĩriaikiki. Tsuabura yurabũ matu danãkĩ pe xinaĩsbumarã, Deusũ matu katukubaĩmiski. Dasibibu binunũ, iwanã, tsuabura yurabu haki petxitã xinaĩsbumarã, Deusũ matu katuriamiski. Haskakẽ nukũmebi nũ pepaumabiakẽ Deusũ matu katuniwẽ taea nukũ pepakiri Deus yui tsua hamebi hawa kẽtirubumaki.

Kashinawa : Diosun Jesúswen taexun yuba bena yiniki

^27-29 Jaskaken tsuabuda: “En juni pepawen taexun Diosun ea katuniki”, iwanan, shinanyamakubainkanwen. Unanepabu jawauma wakin dakewanun, iwanan, Diosun ja matu tatima waibu matu katumiski. Kushipabu jawauma wakin dakewanun, iwanan, tsuabuda babubu jabu jakidi pechitan yuankin: “Mitanumabuki”, jatuki imisbu Diosun matu katukubaindiaikiki. Tsuabuda yudabun matu danankin pe shinainsbumadan, Diosun matu katukubainmiski. Dasibibu binunun, iwanan, tsuabuda yudabu jaki pechitan shinainsbumadan, Diosun matu katudiamiski. Jaskaken nukunmebi nun pepaumabiaken Diosun matu katuniwen taea nukun pepakidi Dios yui tsua jamebi jawa kentidubumaki.

1 Coríntios 1:27 Referencias Cruzadas

Salmos 8:2

Bakebu inũ bakeishtahaira txutxu akaibũ mia kẽwãkĩ pashati hiwe keska waibu nĩkatã mia haska waibu betxipaiama habu miki sinatamisbuwẽ taeshũ ha txakabubu inũ nĩkaisbuma mĩ kushipahairawẽ mĩ hatu dakewama harakiri yuitima ishãkanikiki.

Isaías 44:25

Ha inũ, huniburã, ẽ hatube hãtxamabia haskashanai txanimisbũ hãtxaibu nĩkakĩ unãtã hatũ shinã ẽ nemamiski. Habu unanepai txanimisbu hatũ shinã ẽ hawama wamiski. Huni unanepakĩ yusiaĩbu ẽ hatu hamakiri yuimamiski, unanepakĩ atirububiakẽ hatũ hãtxa inũ hatũ shinã hamẽ wãkinã.

Números 22:30

hakia hawẽ jumenta ana hãtxakĩ yuikĩ: —Earã, ẽ mĩ jumentaki. Mĩ berunã eki katsaumetiani ẽ mia nimakubaĩmiski. Haska ẽ mia washurã, uatiã mia nimashũ ẽ mia haska waisma mĩ unãhairaii— aka Balaãonẽ kemakĩ yuikĩ: —Txanimaki. Mĩ ea haska waismaki— akaya

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Mateus 21:16

Jesus yukakĩ: —Mia haska waiburã, mĩ nĩkai?— akabu Jesusũ hatu yuikĩ: —Haa. Habia ẽ nĩkaii. Deusũ hãtxa yuishunikabũ haska ekiri keneniburã, mã uĩriamamẽ? Salmoskiri matu yuinũ nĩkakãwẽ: ‘Mĩ pepahairawẽ taeshũ bake mixtĩbu inũ txutxu akaibũ mia kẽwãshãkanikiki’, aka matu keneshuniki— hatu watã

Mateus 9:9

Hanua kaĩkaini hanushũ Roma governo pei bishũti hiwe anu ẽ Mateu tsauwa Jesusũ ea betxitã yuikĩ: —Ẽ mia tapĩmai ea txibãkubaĩwẽ— ea wa benitã dasibi hene keyubaĩ txibã taewabaĩ

Hechos 17:18

hanua huni betsa unãnepabu epicureubũ yuikĩ: “Tsuawẽ nuiama hawara mĩ abuai besti aki pe hiwekũkaĩtiki”, ikĩ xinãmisbu inũ huni betsa unãnepaburi estóicobũ yuikĩ: “Hawawẽ benimama, hawẽ yurawẽ nuiama pe hiwekũkaĩtiki”, ikĩ xinãmisbu Paulobe yuinamei kemanameriaibũ habu betsã txitekĩ yuikĩ: —Na txikix hãtxãwainã, harakiri hãtxai ikimẽkaĩ?— ikaya betsã yuikĩ: —Paulonã, eska yui ikikiaki. Deusũ Messias Jesuskiri inũ yurabu dasibi mawa ana bestẽshanaibukiri txanirã— ikaya haskakenã: —Mekenika yushĩ betsa betsapa nũ hawa unãriabumakiri hawẽ nuku benimawanũ ika ikiraka?— ikaibũ

Hechos 7:35

Uatiã ha habias Moisés danãkĩ hawenabũ yuikĩ: “Mĩ nuku uĩnũ tsuã mia shanẽ ibu wakĩ nukũ pewanika mia waxinamẽ, nuku anurã?” abianibu habias Moisés shanẽ ibu wakĩ hatũ merabenã wakĩ hawenabu merabewamakatsi ha nai tsuma hi mashu kui menui keska here hi hi ikai anua hãtxamakĩ Deusũ Moisés yununikiaki.

Hechos 7:54

haska xarabu hatukiri shanẽ ibubu txiteai nĩkatã Estêvãoki sinatatxakayamai bene bene iki sheta yẽsh yẽsh akaibũ

1 Coríntios 1:20

Haska inũ, yura betsabu unãnepabiabũ Deusũ hatu binumiski. Betsabũri Deusũ nemati inũ hawẽ yunuti yusĩnanãbiamisbũ Deusũ hatu binuriamiski. Betsaburi yura betsabe ha irabekĩ binubiamiskẽ Deusũ unãkĩ dasibibu binumiski. Haskakẽ Deusũ dasibi unãhairakĩ haska yurabũ xinãtiru binukĩ unaĩsmapabu keska hatu wamiski.

1 Coríntios 1:21

Haska inũ, yura betsa betsapa unãnepabiakĩ Deus unãbumakẽ nukũ Epa Deusũ dasibi unãhairakĩ kakape nuku hatu yusĩmaya itxapabũ danãkĩ: “Tatima ikanikiki!”, ibiaibũ nũ matu yusĩayã Cristo mã ikũwaĩbu hawenabu Deusũ matu waniki, niti akamarã. Haskakĩ mã xinã betsa watã ikũwãyã matuwẽ Deus benimakũkainikiki.

1 Coríntios 2:12

Yurabũ habũ ikũwãbumã yushĩ nũ biamaki. Hakia Deusũ hawẽ Yushĩ nuku inãni hatũ Deus anua hawẽ duapa nuku inãkĩ nuku tapĩmaikiki.

2 Coríntios 10:10

Hamẽ bestibũ ẽ kene uĩtxakakĩ yuikĩ: “Hãtxa bika inũ kuxipa keneshũ nuku yunubiai Paulo nuku anu hiwea unãnepa keskama huni babu hawẽ hãtxa hameaĩ tsuã kẽwãtirumaki”, mã imiski.

2 Coríntios 4:7

Ha inũ, Deusũ yusĩkĩ hawẽ pepakiri nuku tapĩmaya dasibi kuxipa Deusuna inũ nukũmebi nũ hawauma hau mã unãnũbũ nukũ yura babuhaira, mai xumu pusimis keskabianu hawẽ kakape nukũ huĩti merã nuku netãtã hawẽ tsumabu Deusũ nuku waniki.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.