Lucas 21:24 - Kashinawa : Diosun Jesúswen taexun yuba bena yiniki

²⁴ Ja inun, detenamekin nupe chaipawen betsabu detekin jatidi tenantan betsabu achixun tsuma waxun mai pakea betsa betsapa anu jatu iyuaibun Diosun nawa kushipabu jatu nemakin yamawadiama jabun Jerusalén anuabu ichakawaxankanikiki— iwanan,

Kaxinawá Bíblia (BR)

²⁴ Ha inũ, detenamekĩ nupe txaipawẽ betsabu detekĩ hatiri tenãtã betsabu atxishũ tsuma washũ mai pakea betsa betsapa anu hatu iyuaibũ Deusũ nawa kuxipabu hatu nemakĩ yamawariama habũ Jerusalém anuabu itxakawashãkanikiki— iwanã,

Lucas 21:24 Referencias Cruzadas

Lucas 21:25

Jesúsun jatu yuikubainkin —Januxun Diosun badi inun uxe inun bishi betsa betsapa taxnimatanaya mai anu nawa xukua tibi jiwea akeabu jaskai tsuan ninkaisma betsajaidai ianenwan tunkax ikaiwen date paepai unanyamasi jawa dabanen ninkai mese chakayamaibun jabiatiandi nai anua betsa betsapai nai chuduankin taka taka akaya ja yudabun shinain: “Ma nuku yamawaikiki”, ixankanikiki.

Romanos 11:25

En betsabu inun en puibuun, Diosun kushipawen unanepai jawen man kenyamaxanunbun jawada Diosun matu axunkatsis ikai jaska jawen yubaka junea janchani man unan keyuxanunbun matu yuinun ninkakanwen. Jaskai Israelbu juinti kushikin ichapabun Jesús ikunwanbumaki. Jaskaken Israelbuma jatida Diosun meketan januxun ichapabu Diosun Israelbu jabu ana mekediaxanikiki.

Hebreus 11:34

Betsabu ichakawakin tenanun, iwanan, chi medan jatu putabu Dios ikunwankin jawen kushipawen chi nematan jawa menuama kainibukiaki. Betsabu nupe jawen detenameti bestiwen jatu detepananbun Dios ikunwainbuwen taea paxanibukiaki. Jaskaken juinti babubun ikunjaidawakin taewaibu Diosun jatu kushipa wakubainaya nawabun Diosun enabuki sinataibu detekatsis ikaibu maemakin jatu paxamanibukiaki.

Apocalipse 11:2

Jakia jawen kenwanti Templo jemaintin Diosun nawabu ma jatu yunuima januxun jabun 42 uxe Dios danankin jawen mae pepa ichakawakubainxanaibu jemaintin anu tanayamawe.