Lucas 21:25 - Kashinawa : Diosun Jesúswen taexun yuba bena yiniki

^25-26 Jesúsun jatu yuikubainkin —Januxun Diosun badi inun uxe inun bishi betsa betsapa taxnimatanaya mai anu nawa xukua tibi jiwea akeabu jaskai tsuan ninkaisma betsajaidai ianenwan tunkax ikaiwen date paepai unanyamasi jawa dabanen ninkai mese chakayamaibun jabiatiandi nai anua betsa betsapai nai chuduankin taka taka akaya ja yudabun shinain: “Ma nuku yamawaikiki”, ixankanikiki.

Kaxinawá Bíblia (BR)

^25-26 Jesusũ hatu yuikubaĩkĩ: —Hanushũ Deusũ bari inũ ushe inũ bixi betsa betsapa tashnimatanaya mai anu nawa shukua tibi hiweakeabu haskai tsuã nĩkaisma betsahairai iãnẽwã tũkash ikaiwẽ date paepai unãyamasi hawa dabanẽ nĩkai mesetxakayamaibũ habiatiãri nai anua betsa betsapai nai txuruãkĩ taka taka akaya ha yurabũ xinaĩ: “Ma nuku yamawaikiki”, ishãkanikiki.

Lucas 21:25 Referencias Cruzadas

Mateus 24:29

januxun nuku yusinkin menediama ana nuku yuikin: —Yumain keyuaibu binukainaya nai anua dasibi betsa betsapaxanikiki. Badi ana pexeama nukai taeaya uxedi ana chaxama meshuaya bishi nidi iki keyui dasibi nai taka taka iki chuduanyan

Mateus 27:45

Janua badi manananbibiaken badi nuka meshua itsa daka manaibun ma badi nai puchinin dakaken bepenakainaya

Marcos 13:24

ana jatu yusinkin: —Yumain keyuaibu binukainaya nai anua dasibi betsa betsapaxanikiki. Badi ana pexeama nukai taeaya uxedi ana chaxama meshuaya bishi nidi iki keyui dasibi nai taka taka iki chuduanyan

Marcos 13:26

en matun Juchi Kayabi Iyua xanen ibui kushipajaidai chaxajaida nai anua nai kuin medanua en juai uiainbun

Marcos 15:33

janua badi manananbibiaken badi nuka meshua itsa daka manaibun ma badi nai puchinin dakaken bepenakainaya jabiatiandi Jesúsun jui kushipawen yuikin: —Eloí, Eloí, ¿lemá sabactani?— ikidan juni kuin janchadan, “En Diosuun, en Diosuun, ¿jaskakin min ea jeneamen?” ikaya

Lucas 21:24

Ja inun, detenamekin nupe chaipawen betsabu detekin jatidi tenantan betsabu achixun tsuma waxun mai pakea betsa betsapa anu jatu iyuaibun Diosun nawa kushipabu jatu nemakin yamawadiama jabun Jerusalén anuabu ichakawaxankanikiki— iwanan,

Hechos 2:19

Jaska inun, nai anua jawen e imai kushipa wakin mai anuadi dami betsa betsapadi en waxanaii. Jimi jabamakinan, chi wakinan, basnun bai kua jawen kuin keska wakin en jatu uinmaxanaii.

Apocalipse 20:11

Januxun Xanen Ibu jaki tsauti juxupa jawenduajaida nukun Xanen Ibu jaki tsaua en uinxuki. Tsauken badi inun, uxe inun, bishi inun, mai keyu tsekebaini nishmai yamakainaya