Lucas 21:23 - Kashinawa : Diosun Jesúswen taexun yuba bena yiniki

²³ Nukun maewan jidabi anuabu yumainbutianan Dios danainbu jatuki sinatakin Diosun jatu kupiaya betsa betsapa teneaibun tuyabu inun ja jatun bake chuchu amamisbudan, nuitapajaidaxankanikiki.

Kaxinawá Bíblia (BR)

²³ Nukũ mae ewapa hirabi anuabu yumaĩbutianã Deus danaĩbu hatuki sinatakĩ Deusũ hatu kupiaya betsa betsapa teneaibũ tuyabu inũ ha hatũ bake txutxu amamisburã, nuitapahairashãkanikiki.

Lucas 21:23 Referencias Cruzadas

Mateus 21:16

Jesús yukakin: —¿Mia jaska waibudan, min ninkai?— akabu Jesúsun jatu yuikin: —Jaa. Jabia en ninkaii. Diosun jancha yuixunikabun jaska ekidi kenenibudan, ¿man uindiamamen? Salmoskidi matu yuinun ninkakanwen: ‘Min pepajaidawen taexun bake mishtinbu inun chuchu akaibun mia kenwanxankanikiki’, aka matu kenexuniki— jatu watan

Mateus 21:41

jabundi Jesús yuikin: —Bai ibu juxun ja dayakapabu chakabubu jawa jatuwen nuiama jawenabubetan jatu tenantan januxun dayakapa betsabu yunukin jau jabun en bimi dabukun ea inanxanunbun, iwanan, yunutiduki— akabu

Mateus 21:44

Ja inun, betsadan, tsuada ja mishkiki sinatakin ea maemanun ika mishki mamaki kauana teke teke ika keska itiduki. Jakia ja mishki jadatukida kauani jaki tin ikin chushakin mishpu waxanikiki— jatu waya

Mateus 24:19

Jamen ja yumainbutianan, tuyabu inun ja chuchu amamisbudan, nuitapajaidaxankanikiki.

Marcos 13:17

Jamen ja yumainbutianan, tuyabu inun ja chuchu amamisbudan, jatu peidawaxankanwan.

Lucas 19:27

Ja inun, jabu eki sinatakin jau jatun xanen ibu en iyamaxanun, jabun ea bechipaiama danainmabudan, itanxun en besuubi jatu tenankanwen”, jatu akimakiaki— Jesúsun jatu wabaini

Lucas 19:43

Jaskaken Dios matu anu bai juai man jawa ikunwanmawen taea matuki sinatamisbun matu ichakawakin matu nuitapawakin matun mae dapi mai kene keyatapa wabaunkin matu keben keyutan man ana kaintiduma watan matuki sinataibun matun maewan mishki kene nidi akin keyukin matu inun matun bakebu detekin matun mae yamawaxankanikiki, jawa texe wamadan— ikunkaini Jerusalén anu jikitan

1 Coríntios 7:26

En shinanan, natian nun jiweatianan, nun bika teneaii. Jaskawen taea jaskadada man bestibu jiweadan, jabiaskayukanwen.

Hebreus 13:16

Ja inun, Dios shinan chankanwanun, iwanan, ana matun jamapaiwen nuiama pepakin ikunwain betsabuwen nuikin jatu medabewai jawada man jaya ichapa kasmai eskadabes paxkaxun yaushiama jatu inankin jeneyamakubainkanwen, jaska wakin Dios shinan chankanwankinan.

Santiago 5:1

Mabuwanyanbuun, jaska kainbidanaya mei kaxai sain iki man nuitapaxanaikidi matu yuinun ninkakanwen.

1 Pedro 4:17

Jesucristo ikunwain nun jawenabuwen taexun natian bika betsa tibi memakin nuku tenemakubainkanikiki. Jaska nun tenebiamisken Jesús ana juaya jabun Diosun kakape dananmisbudan, jabu Diosun kupiadan, ¿jaskadada Diosun jatu kupiaitian yumankin tenechakayamaxankanimenkain?