Lucas 11:2 - Kashinawa : Diosun Jesúswen taexun yuba bena yiniki

² Jesúsun jatu yuikin: —Diosbe janchakin yuikinan eska watiki: ‘Epaan, min kena medibidan, mia duawakin jau mia kenwankubainunbunwen. Nai anua xanen ibukin min yunua jaska chibanmisbu keska wakin nenuxundi nun mia chibankatsis ikaibu min shinan besti nuku chibanmakin nuku medabewakubainwen.

Kaxinawá Bíblia (BR)

² Jesusũ hatu yuikĩ: —Deusbe hãtxakĩ yuikinã eska watiki: ‘Epaã, mĩ kena meribirã, mia duawakĩ hau mia kẽwãkubainũbũwẽ. Nai anua shanẽ ibukĩ mĩ yunua haska txibãmisbu keska wakĩ nenushũri nũ mia txibãkatsis ikaibu mĩ xinã besti nuku txibãmakĩ nuku merabewakubaĩwẽ.

Lucas 11:2 Referencias Cruzadas

Mateus 10:32

ana nuku yuikin: —Tsuabunda ea ikunwain dakeama ea datan akin yudabu jatu yuikin: “En Jesúsunaki”, iki eki janchakubainmisbu en Epa Dios nai anube janchakin: “Jadan, enabuki”, akin en jatu yuixunxanaii.

Mateus 5:16

Bin chaxamis keskai jawa juneama medabenain jiwekubainxankanwen, matun jancha ninkakin man pepaibu shinankin jabundi jau Epa Dios kenwanxanunbunan— iwanan,

Lucas 11:1

Ana betsatian Jesús ka Diosbe janchai meneaya jawen tsuma betsan ea akin yukakin: —Xanen Ibuun, jaska Juanen jaki chiti ikabu yusinma keska wakin Diosbe janchai jadakidi itimenkain nuku yusinwen— aka

Romanos 8:15

Matudan, ja yushin jatun matu date pae inanmis ja yushin ana matu inankin yabumama jakia Diosun Yushin Pepatun jawen bakebu matu wamamis matu inaniki. Ja Yushin Pepatun nuku janchamakin: “Epaan, En Epa nuikipatuun”, akin kenamakin nuku yuimamiski,

1 Coríntios 1:3

Nukun Epa Dios inun nukun Xanen Ibu Jesucriston jau matu unanuma jiwemakin pewakin duawakubainunbunwen.

2 Coríntios 1:2

Nukun Epa Dios inun nukun Xanen Ibu Jesucriston jau matu unanuma jiwemakin pewakin duawakubainunbunwen.

Gálatas 1:4

Jaskaken nukun Epa Diosun jaska shinain keskawen nuku ikidan, natian jiweabun chakabujaida wakubainaibube jau nuku kupiyamaxanun jaskawen taea Jesucristo mawai jawen jiwea yaushiama nukun chakabu buanun ika iniki.

Efésios 1:2

Nukun Epa Dios inun nukun Xanen Ibu Jesucriston jau matu unanuma jiwemakin pewakin duawapakekubainunbunwen.

Filipenses 1:2

Nukun Epa Dios inun nukun Xanen Ibu Jesucriston jau matu unanuma jiwemakin pewakin matu duawapakekubainunbunwen.

Filipenses 4:20

Jaskaken nukun Epa Dios pepajaida duawakin kenwanankanwen, jeneamadan. Jaskakidan.

Colosenses 1:2

tsuabuda Colosas maewan anuabu Diosun jawenabu medibi matu wani man nukubetan Cristo ikunwain man chintuinsmaken jabetan en jancha en matu bumai uindakanwen. Nukun Epa Diosun jau matu unanuma jiwemakin duawakin jau matu shinan chankanwankubainunwen.

1 Tesalonicenses 1:1

En Pablon, en medabewanika Silvano inun Timoteobetan en matu kene bumai uindakanwen. Tesalónica mae anuxun man ikunwain nukun Epa Dios inun nukun Xanen Ibu Jesucristobe man ma dasia jatubeken Diosun jau matu duawakin unanuma matu jiwemakubainunwen.

1 Tesalonicenses 1:3

Man eskai jiwea ikunwain Jesúski chiti itan, ikunwain betsabube medabenain bika tenebiai jawa chintuanma nukun Xanen Ibu Jesucristo man manaya nukun Epa Diosbe janchakin matu dayuixunkin matukidi shinankin nun jeneama ikunkainaii.

2 Tesalonicenses 2:16

Januxun nukun Xanen Ibu Jesucristo jamebi inun nukun Epa Dios nukuwen nuikin bechipaikin nuku duawakin nuku shinan chankanwan niti ikama nai anu nun jatube jiwexanai manakamakin nuku yubaniki. Janua mestenwantan matun juinti shinan chankanwankin matu kushipa wai jeneama jamapai yuikin man akai pepas jau matu amakubainunbunwen.

Apocalipse 11:15

Ja 7 nai tsumabu jawen jeneatun trompeta chan akai en ninkaya nai anua jui kushipawen jabun kenwankin yuikin: “Nukun Xanen Ibu Dios inun jawen bake Mesías Cristo besti natian mai jidabi anu ja besti xanen ibukin jatu mekekubainxanikiki, niti ikamadan”, ikaibun

Apocalipse 15:4

Mia besti medibi jiwea min kaneisma unankin yudabu betsa betsapa dasibibun mia yui mesewai datebetanan duawakin mia kenwanxankanikiki, min pepawen kaneama min akubainmiswen taexunan”, akaibun

Apocalipse 19:6

Januxun en ninkaya yuda midimabu janchai jene didi ikai keskawen inun tin ikainkainai keskawen yuikin: “Aleluya! Nukun Epa Dios kushipajaida dasibi binu keyua ja bestitun nuku dasibi mekei ma xanen ibui taeikiki. Pejaidaki. Kenwanankanwen.

Apocalipse 20:4

Januxun jabun jatu unanti waxanai jaki tsauxun unanti wati jabun jatun kushipa biaibu en uinxuki. Ja dikabi Diosun yusian chibankin chintuanma Jesúskidi yusinkubainaibu jabun buxka texteabu jatun yushin en uinxuki. Jabu ikidan, ja yuinaka mese atimapajaida inun, jawen dami kenwanbuma inun, yuinaka mese atimapajaidatun enabu unanti jabun betunkuki inun jatun meken pechiki jatun kene netanmakin amama ikubainimabuki. Jaskawen taea ana bestein benibaun 1,000 año Cristobe xanen ibuxankanikiki. Jaskaibu en uinxuki,