Lucas 11:1 - Kashinawa : Diosun Jesúswen taexun yuba bena yiniki

¹ Ana betsatian Jesús ka Diosbe janchai meneaya jawen tsuma betsan ea akin yukakin: —Xanen Ibuun, jaska Juanen jaki chiti ikabu yusinma keska wakin Diosbe janchai jadakidi itimenkain nuku yusinwen— aka

Kaxinawá Bíblia (BR)

¹ Ana betsatiã Jesus ka Deusbe hãtxai meneaya hawẽ tsuma betsã ea akĩ yukakĩ: —Shanẽ Ibuũ, haska Joãonẽ haki txiti ikabu yusĩma keska wakĩ Deusbe hãtxai harakiri itimẽkaĩ nuku yusĩwẽ— aka

Lucas 11:1 Referencias Cruzadas

Lucas 10:42

Ea duawaidan, jaskatimaki. Jakia Marían en yusian ninkakin ea duawai tsuan nematidumaki— anikiaki.

Lucas 11:2

Jesúsun jatu yuikin: —Diosbe janchakin yuikinan eska watiki: ‘Epaan, min kena medibidan, mia duawakin jau mia kenwankubainunbunwen. Nai anua xanen ibukin min yunua jaska chibanmisbu keska wakin nenuxundi nun mia chibankatsis ikaibu min shinan besti nuku chibanmakin nuku medabewakubainwen.

Lucas 6:12

Janua xaba betsa badi kaya Jesús ja mesti kai mati mapetan uxama Diosbe janchashini

Lucas 7:13

Jesús jaki nukutan jawen ewa nuitapaiwen nuikin yuikin: —Kaxama nesewe— atan

Lucas 7:19

ninkatan jawen tsumabu dabe kenaxun jatu yunukin: —Jesús anu kaxun: “Mekenika Diosun nukun xenipabu yubani chanima juxanaidan, ¿min jabiamen? ¿Betsa daka nun manai?” akin ea yukaxuntankanwen— iwanan, jatu yunua

Lucas 9:18

Janua betsatian janu tsua jayamanu Jesús jawen tsumabube ka Diosbe janchai menetan Jesúsun jawen tsumabu yukakin: —Yudabunan, ¿en tsua ekidi yuimisbumen?— jatu wa

Lucas 9:28

Janua janchashina 8 día xaba kasmai jatida kaya Pedro inun Santiago inun Juan Jesúsun jatu iyui kai Diosbe janchanun ika kakin mati keyatapajaida jatube mapeketan

Hebreus 5:7

Ja inun, nenu mai anu yudabube Cristo jiweyua mawawen dateyamanun ika yumain sain iki kaxai jawen Epa Diosun medabewatidu shinain jabe janchakin jau jawen date yushin nemaxunun jawen kushipa ea aniki. Jawen Epan jancha ninkakin danainsmawen taexun Epa Diosun jaska wai ninkatan jawen date nemaxuniki.

Judas 1:20

En betsabu inun en puibuun, tsuabuda en matuwen nuiaidan, matu yuinun ninkakanwen. Ikunjaidawai ana kushipanamei jawen besti mestentan chintuanma medibi jiwexunyukin Diosun Yushin Pepatun matu shinanmakin yuimaya Diosbe janchai jawen kushipawen dayuikubainkanwen.