JOSHUA 15:4 - BUKUIT NE TILIL

⁴ ak kisiirto kwo Asmon, ak kwo komandae ainetab Misri; ak kibochit kiwotonoto nyanjet; egu nito kiwoteng’wong’ ne bo murot ne bo tai.

Bukuit Ne Tilil

⁴ Ki siirto kwo Asmon ak kwo komandae aineetap Misiri ak kwo kiwotonooto agoi nyanjetap Mediterenian. Egu nooto kiwoteng'wong' ne po murot tai.

BUKUIT NE TILIIL Sireet ne Dutero Kanon

⁴ Ki siirto kwo Asmon ak kwo komandae aineetap Misiri ak kwo kiwotonooto agoi nyanjetap Mediterenian. Egu nooto kiwoteng'wong' ne po murot tai.

JOSHUA 15:4 Referencias Cruzadas

TAUNET 15:18

Ak kiiyomisgei Jehovah betunoto ak Abram, kole, Kiagochi iyoteng’ung’ emoni, koboch ainetab Misri agoi ainet ne o, ne kiguure Euprate:

1 LAITORINIK 8:65

Kiyai anyun Solomon igorta eng’ betusiechoto, koboto Israel tugul, tuiyet ne o, kong’eete ye kibunei kebendi Hamat agoi ainetab Misri, eng’ taitab Jehovah Kamuktaindennyo, betusiek tisab ak betusiek tisab, tugul ko betusiek taman ak ang’wan.

KOMONG'U 23:31

Ak andoi kiwoteng’ung’ kobochit Nyanjet ne Birir agoi nyanjetab Pilistik, ak kobochit ong’atet agoi Ainet: amu andoi bikab emonoto eunekwok; ak ion ichek koba eng’ taing’ung’.

ISAIAH 27:12

Ak tun birei Jehovah eng’ betunoto logoekyik korara, koboch nyiietab Ainet agoi kererutab Misri, ak kiyumak agenge agenge, ee okwek lagokab Israel.

KAITOSYEK 34:5

ak koweigei kiwotet kong’eete Asmon agoi koit ainetab Misri, ak kobochit kiwotosiekyik nyanjet.

JOSHUA 13:3

koboch Sihor, ne mi taitab Misri, kot koit kiwotetab Ekron ne tokyingei murot ne bo katam, che kiityin Kananik: kiptainik mut che bo Pilistik; Gasaik, Asdodik, Askelonik, Gitik, Ekronik; ak Abik agichek,

JOSHUA 15:3

ak kibun murot ne bo tai ole kitogostoe kebendi Akrabik, kosiirto kot koit Sin, ak kotogosta kwo murot ne bo tai ne bo Kades-barnea, ak kosiirto kobun Hesron, ak kotogosta kwo Adar, ak koweek konyo Karka:

JOSHUA 15:47

Asdod, nganasokyik ak nganasokyik che mengechen; Gasa, nganasokyik ak nganasokyik che mengechen; agoi ainetab Misri, ak nyanjet ne o, ak kiwotennyi.