JOSHUA 15:3 - BUKUIT NE TILIL

³ ak kibun murot ne bo tai ole kitogostoe kebendi Akrabik, kosiirto kot koit Sin, ak kotogosta kwo murot ne bo tai ne bo Kades-barnea, ak kosiirto kobun Hesron, ak kotogosta kwo Adar, ak koweek konyo Karka:

Bukuit Ne Tilil

³ Wendi kotokyigei murot tai ne po Akrabbim ak kosiirto kot koit Sin, ak kotogosta kwo murot tai ne po Kadesh-barnea, ak kosiirto agoi koit Hesron, ak kotogosta kwo Adar, ak koweek kora konyo Karka.

BUKUIT NE TILIIL Sireet ne Dutero Kanon

³ Wendi kotokyigei murot tai ne po Akrabbim ak kosiirto kot koit Sin, ak kotogosta kwo murot tai ne po Kadesh-barnea, ak kosiirto agoi koit Hesron, ak kotogosta kwo Adar, ak koweek kora konyo Karka.

JOSHUA 15:3 Referencias Cruzadas

TAUNET 14:7

Ak koweek kobwa En-mispet (noto ko Kades) ak kobar koret tugul ne bo Amalekik, ak Amorik agichek, che kimenyei Hasason-tamar.

KAITOSYEK 20:1

Ak kiit tuiyet komugul ne bo lagokab Israel ong’atet ne bo Sin, eng’ arawet ne bo tai: ak kitebe Kades; ak kimechi Miriam oloto, ak kigitub eng’ oloto.

KAITOSYEK 32:8

Kiyai kwanisiekwok ko u noto, ye kingayokte eng’ Kades-barnea koba kosegei emet.

KAITOSYEK 34:4

ak koweigei kiwoteng’wong’ kotokyigei murot ne bo tai eng’ ole kitogostoe kebendi Akrabim, ak kwo agoi Sin: ak itei kiwotosiekyik komostab murot ne bo tai ne bo Kades-barnea; ak kwo agoi Haser-adar, agoi koit Asmon:

JOSHUA 15:2

Kibochit kiwotenywa ne bo murot ne bo tai tabandab Araraita ne bo Munyuk, koboch nyanjet ne kiluktogei ne kitokyingei murot ne bo tai:

JOSHUA 15:4

ak kisiirto kwo Asmon, ak kwo komandae ainetab Misri; ak kibochit kiwotonoto nyanjet; egu nito kiwoteng’wong’ ne bo murot ne bo tai.

KIRUOGIK 1:36

Ak kiboch kiwotetab Amorik ole kitogoste kebendi Akrabim, koboch ruandet, ak kotogosta.