DANIEL 2:9 - BUKUIT NE TILIL

⁹ Ago ngot ko moborua karuotitoet, komi ng’atutiet agenge ne nyoljinok: amu koochob lembechek ak ng’alek che yaachen si omwa eng’ tainnyu, kot kowalak betusiek: omwawa anyun karuotitaonoto, si anai ale omuchi oborua kaweeksennyi.

Bukuit Ne Tilil

⁹ ale ngot ko moboorwo karwotitoet, komi ng'atuutyet agenge ne nyoljinok. Koochop lembechek ak ng'aleek che yaacheen omwa eng' tainnyu kot kowalak peetuusyek. Omwaiwo anyun karwotitaonooto, si anai ale omuuchi oboorwo kaarorennyi.”

DANIEL 2:9 Referencias Cruzadas

1 LAITORINIK 22:22

Ak kimwachi Jehovah inendet kolenji, Iberbertoi ano? Ak kile, Awendi ak aegu tamirmiriet ne kenisiei eng’ kutuswekab maotikyik tugul. Ak kimwa inendet kole, Iberberi inendet, ak iterter: ui anyun, ak iyai ko u noto.

1 LAITORINIK 22:6

Koyum anyun laitoriatab Israel maotik, olo bo bik bogol ang’wan, ak kolenji ichek, Awe kebarge ak Ramot-Gilead, anan atebi? Ak kilenji, Togoste; amu indoi Kiptaiyat eutab laitoriat.

ESTA 4:11

Ingen otwogik tugul che bo laitoriat, ak bik che bo emotinwekab laitoriat, kole, age tugul, ngo muren anan kwony, ne nyonei ole mi laitoriat eng’ seremut ne mi orit, ne ma kiguur, komi ng’atutiet agenge agobo inendet, kele kibarei, kobate icheget che iyogochin laitoriat siaritab tahabu, si kosob: ago tomo keguura anyo ole mi laitoriat eng’ betusiechu sosom.

KALEWANAIK 12:19

Kigimiti koigeny kutit ne bo iman; Ago bo sait ne matia ng’elyepta ne mwaei lembech.

ISAIAH 41:23

Omwa tuguk che ta kobiitu, si kobiit kenai kele o cheptalelisiek: ee, oyai ne mie, anan oyai ne ya, si kobiit ketoptobense, ak kegeer achek tugul.

ISAIAH 44:25

Ne walei kaborunoikab kiplembechonik koek buch, ak kogochin che ng’orsei koiiywenso; ne weechi bik che ng’omen koba let, ak koyaei naenywa koek berberindo:

EZEKIEL 13:17

Ee inye weritab chi, iuuiit togeng’ung’ igirinde tibikab biguk, che maoteni eng’ mugulelwekwak ichegei; ak imaoten agobo ichek,

EZEKIEL 13:19

Ak kiong’wanita eng’ bikyuk agobo sairik che bo rubeito ak kererutikab makatinik, si obar sobonwekab bik che ma nyoljin kobek, ak osoru sobonwekab bik che ma nyoljin kosopcho amu lembechekwok che omwachini bikyuk che chamei kogas lembechechoto.

EZEKIEL 13:6

Kigogeer ichek tangoita ak ng’orset ne bo lembech, che mwaei kole, Kale Jehovah; ama iyokte Jehovah: ak kogochi bik komang’ kole kigimiti ng’olyot.

DANIEL 2:16

Ak kiwa Daniel go, ak kosom laitoriat kole keng’atyi betut, si koborji laitoriat kaweekset.

DANIEL 2:21

ak kowalei betusiek ak kenyisiek; istoi laitorinik, ak koeeti laitorinik; igochin ng’omnatet che ng’omen, ak kogochin naet ichek che ingen kaguiyet:

DANIEL 2:8

Kowol laitoriat kole, Angen komie ale omache onyoru boroindo, amu bo iman ng’olondonito kaatil.

DANIEL 3:15

Ngot ochoboge anyun eng’ sait ne kogas cheetab igondit, ndurerut, ketubet, chepkesemit, kibugandet ak ndurerut ne o, koboto tienwogik alak tugul, obutye ng’ony ak olosu kanamwet ne koayai, komieitu: ago ngot ko molosu, kewirjinok mat ne o ne lalei mising’, eng’ sainato; ak ng’o cheptalelit ne tos soruok eng’ eunnyu?

DANIEL 5:28

PERES; kagepchei bounateng’ung’, ak kagigochi Medik ak Persik.

DANIEL 5:31

Ak kinam Darius Medindet laitornatet, ko bo olo bo kenyisiek tamanwogik lo ak aeng’.

DANIEL 7:25

Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

2 KORINTOEK 2:17

Amu achek ko ma ki u che chang’, che boisie ng’olyotab Jehovah eng’ ng’alset: ago ki che boisiei eng’ oret ne matinyei ng’alset, ago ki bo Jehovah, ak eng’ taitab Jehovah, keng’alali eng’ Kristo.