DANIEL 2:44 - BUKUIT NE TILIL

⁴⁴ Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

Bukuit Ne Tilil

⁴⁴ Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 2:44 Referencias Cruzadas

TAUNET 49:10

Maistoegei Juda siarit ne bo bounatet, Ak mabeti ne igoitoi ng’atutik eng’ iyotennyi, Agoi koit Silo; Ak kase it bik tugul inendet.

2 SAMUEL 7:13

Tun teekyin got inendet kainennyu, ak agimit ng’echeretab laitornatetab bounatennyi koigeny.

2 SAMUEL 7:16

Ak kigimiti gong’ung’ ak bounateng’ung’ koigeny eng’ taing’ung’: kigimiti ng’echeretab laitornateng’ung’ agoi koigeny.

TIENWOGIKAL 145:13

Laitornateng’ung’ ko laitornatet ne bo koigeny. Ak tebyei bounatengung’ eng’ ibinwek tugul.

ISAIAH 60:12

Amu lusei bororiet ak bounatet ne maboisieun; ee, king’emei bororiosiechoto kobetyo.

EZEKIEL 37:25

Ak komeny emet ne kiagochi Jakobo otwogindennyu, ole kimenyei kwanisiekwok; ak komeny oloto icheget, koboto lagokwak, ak lagokab lagokwak, agoi koigeny: ak koek Daudi otwogindennyu, bounindenywa koigeny.

DANIEL 2:28

ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

DANIEL 2:34

Koigeer kot keeb koita ne ma kiebe eunek, ne kokwer keldebesaikab kanamwonoto che ko bo karnet ak menet, ak kotonaton.

DANIEL 2:35

Kotonogis anyun tugul; karik, menet, sugunwet, feda, ak tahabu, ak koigei metetek che bo ruanyut ne kiborse; ak koib usonet, kot ko mata kenyorji ui: ak koek tulwet ne o kayato kotuei kanamwet, ak konyi emet komugul.

DANIEL 2:37

Ee laitoriandani, i laitoriatab laitorinik, ne kogogochi Kamuktaindetab kipsengwet bounatet, kamuget, ak kimnatet ak torornatet;

DANIEL 2:43

Ak ko u ye koigeer ko burugot karnet ak menet ne boto ng’ung’unyek, koburuchegei ak iyotetab bik; ago manamegei age ak age, ko u ye maburuchegei karnet ak menet.

DANIEL 4:3

Eechen ne tia kaborunoikyik! Ak kimen ne tia kwong’utikyik! Laitornatennyi ko laitornatet ne bo koigeny, ak ko bo bounatennyi ibinwek tugul.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

DANIEL 6:27

itiachi ak kosoru, ak koyaei kaborunoik ak kwong’utik eng’ kipsengwet ak ng’ony; inendet ne kogosor Daniel eng’ kimnatetab ng’etunyik.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

DANIEL 8:25

Ak kogochi kaberberisiet konyor borotet eng’ ng’alsennyi; ak koeetgei eng’ muguleldanyi, ak kong’em che chang’ komi kalyenywa: ak koborie bounindetab bounik; ak ilei inegei ama twa chi.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

HAGGAI 2:22

ak agabui ng’echeretab laitornatet ne bo bounatosiek, ak ang’eme kimnatetab bounatosiekab bororiosiek; ak agabui karisiek che bo luget, koboto che lanyei; ak kobutyo mbartanyisiek koboto che lanyei, kibarei age tugul eng’ rotwetab chok ne bo tupchennyi.

HAGGAI 2:7

Ak atumdum bororiosiek tugul, ak kobwa tuguk che chamei bororiosiek tugul, ak anyiit goi torornatet, mwaei Jehovah ne bo lugosiek.

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

JOHANA 12:34

Kiwolji anyun tuiyet inendet, kolenji, Kigegas eng’ Ng’atutik kele tebyei Kristo koigeny: teptoi ano anyun si imwa ile, Kanyol keuito Weritab chi? Ng’o Weroto bo chi?

HEBRANIK 12:28

Noto anyun, amu kinyoru bounatet ne magimuchi kitumdum, ko ongeegu che tinyei mieindo, ne kimuchi keyae boisiet ne iboiboi Jehovah mising’, eng’ teegisto ak kaiyweet:

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 2:27

ak koboi eng’ koroktab karnet; ko u ye kituei terenikab cheptereniot komengegitu; ko u ye kiataach agane eng’ Baba: